1 Samuel 19:23 - Uwumbɔr aagbaŋ

²³ le u cha nima chee. Waah cha na, le Uwumbɔr Aafuur Nyaan gbiin u mu, le u pak Uwumbɔr, Waafuur Nyaan aapɔɔn pu, ki ti saa Nayof.

1 Samuel 19:23 ပူးပေါင်းရင်းမြစ်များ

Ŋiyataŋak 16:9

Unibɔn ga ŋmaa ŋa waalandak usui ni, Uwumbɔr mu le ga tee mɔk u waah ga ŋa pu na.

Ŋiyataŋak 21:1

Uwumbɔr aah mɔk ubɔr aalandak ke i tun pu na, ni waah mɔk nkpen mu aah ga dii pu na aa pɔɔ u chee kpala.

Nkahm 23:5

Uwumbɔr nan tuk Balaam waah ga len pu na, le ki tun u Balak chee, u ti bui u tibɔr ngbaan.

Nkahm 24:2

le ki kan Israel yaab ka ŋinibol ŋinibol. Uwumbɔr Aafuur Nyaan nan koo u ni,

Matiu 7:22

Liyaadaal ngbaan le binib pam ga bui mi, ‘Tidindaan, Tidindaan, ti nan nabr Uwumbɔr aabɔr saayimbil pu, ki nyan tiyayaar binib ni, saayimbil pu, ki tun lijinjiir aatun saayimbil pu.’

Jɔnn 11:51

Waah len pu na, naa ye ubaa pu le u len. U nan ye Uwumbɔr aatotoorninkpel le libiln ngbaan. Nima pu na, Uwumbɔr Aafuur Nyaan nan cha u len ke Yesu ga kpo litimbol ngbaan aanib mɔmɔk pu.

1 Korenti 13:2

U yaa ŋmaa nabr Uwumbɔr aah len pu na, ki yaa bee tibɔr ti bɔɔ na mɔmɔk, ki yaa bee mbeen mɔmɔk, ki yaa kpa naadii u ga ŋmaa foor ŋijoo na, ki yaa kaa gee binib kan, waa ye nibaa.

1 Samuel 10:10

Sɔɔl ni waatutunn aah nan ti fuu Gibea na, Uwumbɔr aabɔnabtiib bibaa nan tooh u nsan ni. Libuul ngbaan ni le Uwumbɔr Aafuur Nyaan nan gbiin u, le u buen ti kpaan bi chee ki bi pak Uwumbɔr, Waafuur Nyaan aapɔɔn pu.

1 Samuel 10:12

Uja ubaa u koo nima na le ki baa ke, “Tɔ, ni dak ke bibɔnabr biken na aate ye ŋma?” Nimina pu le tibɔr timina nan piin ke, “Hali Sɔɔl mu kpaln Uwumbɔr aabɔnabr la aa?”

1 Samuel 10:6

Libuul ngbaan ni le Uwumbɔr Aafuur Nyaan ga gbiin si, le aa ga kpaan bi chee, baah bi pak Uwumbɔr, Waafuur Nyaan aapɔɔn pu pu na, le ki ga kpaln uniyayan.

1 Samuel 18:10

Kitaak aah woln na, le tiyayaar ti nyan ni Uwumbɔr chee na fii Sɔɔl pu libuul ni, le u ŋma tijar udo ke uwaar na. David nan bi gbaa kibeek, ke waah ti ŋani pu iwiin mɔmɔk na, le Sɔɔl ka joo kikpaatuŋ uŋaal ni, le ki bui ubaa ke,

1 Samuel 19:18

David nan san ŋmar, le ki buen Samuel chee, Rama aatiŋ ni, ki ti bui u Sɔɔl aah ŋa u pu na mɔmɔk. Le u ni Samuel buen Nayof, ki ti bi nima.

1 Samuel 19:20

Le u tun ke bi ti chuu ni u. Bi nan ti fuu nima, ki kan Uwumbɔr aabɔnabtiib bi Samuel nan ye baayidaan na bi pak Uwumbɔr, Waafuur Nyaan aapɔɔn pu. Le Uwumbɔr Aafuur Nyaan gbiin Sɔɔl aajab ngbaan, le bi mu piin ki pak Uwumbɔr, Waafuur Nyaan aapɔɔn pu.

1 Samuel 19:22

Nee aapuwɔb, le u fii ubaa, ki cha Rama ni. Waah nan ti fuu Seku aanyunbun sakpiin na chee na, le u baa binib, Samuel ni David aah bi nin chee na. Le bi bui u ke bi bi Nayof,