1 Samuel 19:20 - Uwumbɔr aagbaŋ

²⁰ Le u tun ke bi ti chuu ni u. Bi nan ti fuu nima, ki kan Uwumbɔr aabɔnabtiib bi Samuel nan ye baayidaan na bi pak Uwumbɔr, Waafuur Nyaan aapɔɔn pu. Le Uwumbɔr Aafuur Nyaan gbiin Sɔɔl aajab ngbaan, le bi mu piin ki pak Uwumbɔr, Waafuur Nyaan aapɔɔn pu.

1 Samuel 19:20 ပူးပေါင်းရင်းမြစ်များ

Joel 2:28

“N‑yoonn mu choo na, m ga di Maafuur Nyaan di ŋa maanib mɔmɔk pu: nijapɔtiib ni nibisatiib ga nabr min Uwumbɔr aah len pu na; nimi aaninkpiib ga daŋ tidaŋ, le nimi aanachipɔm ga kan lijinjiir aawan.

Nkahm 24:2

le ki kan Israel yaab ka ŋinibol ŋinibol. Uwumbɔr Aafuur Nyaan nan koo u ni,

Jɔnn 7:32

Farisii yaab nan ŋun kinipaak ngbaan looni len Yesu aabɔr kina. Le bi ni Uwumbɔr aatotoorninkpiib tun baatutum ke bi ti chuu ni u.

1 Korenti 14:3

Unii u nabr Uwumbɔr aah len pu na, u len binib chee, ki ter bi ke bi dii Uwumbɔr aasan mbamɔm, ki pɔɔk bitaakpab, ki sɔŋni bisui.

1 Samuel 10:10

Sɔɔl ni waatutunn aah nan ti fuu Gibea na, Uwumbɔr aabɔnabtiib bibaa nan tooh u nsan ni. Libuul ngbaan ni le Uwumbɔr Aafuur Nyaan nan gbiin u, le u buen ti kpaan bi chee ki bi pak Uwumbɔr, Waafuur Nyaan aapɔɔn pu.

1 Samuel 19:11

Kinyeebaan ngbaan le Sɔɔl tun bijab bibaa, ke bi ti li kii David aadichal, aan ni yaa woln kan, bi ku u. Le David aapuu Mikal bui u ke, “Aa yaa kaa san kinyeek kee kan, bi ga fe ku si fen.”

1 Samuel 19:14

Sɔɔl aajab aah dan nan ban David na, le Mikal bui bi ke u bun la.

1 Samuel 19:19

Bi nan bui Sɔɔl ke David bi Nayof ni, Rama aatiŋ ni.

1 Samuel 19:21

Sɔɔl aah ŋun kina na, le u ki tun biken. Le bi mu ti piin ki pak Uwumbɔr kina. Le u ki tun biken taataa. Le tiwanbaan ngbaan ki ŋa bi mu.