1 Samuel 19:18 - Uwumbɔr aagbaŋ

¹⁸ David nan san ŋmar, le ki buen Samuel chee, Rama aatiŋ ni, ki ti bui u Sɔɔl aah ŋa u pu na mɔmɔk. Le u ni Samuel buen Nayof, ki ti bi nima.

1 Samuel 19:18 ပူးပေါင်းရင်းမြစ်များ

Ilahn 116:11

hali ijawaan aah nan joo mi aan m bui ke, “Taa ki tii ubaa naadii” na, m nan beenin mak u pu.

Jemisi 5:16

Nima pu na, ni kpiir nimi aatunwanbir ki tuk tɔb, ki mee Uwumbɔr tii tɔb, aan u tii nimi laafee. Unii u dii Uwumbɔr aasan mbamɔm na yaa mee Uwumbɔr linimaln kan, waameel kpa mpɔɔn sakpen.

1 Samuel 1:19

Naah woln kichakpiik ni na, le Elkana ni waadichal fii mala, ki ki doon Uwumbɔr, le ki gir kun Rama aatiŋ ni. Tɔ, Elkana nan doon upuu Hana chee, le Uwumbɔr kii waameel.

1 Samuel 15:34

Samuel nan buen Rama aatiŋ ni, le ubɔr Sɔɔl mu kun Gibea aatiŋ ni.

1 Samuel 19:19

Bi nan bui Sɔɔl ke David bi Nayof ni, Rama aatiŋ ni.

1 Samuel 19:22

Nee aapuwɔb, le u fii ubaa, ki cha Rama ni. Waah nan ti fuu Seku aanyunbun sakpiin na chee na, le u baa binib, Samuel ni David aah bi nin chee na. Le bi bui u ke bi bi Nayof,

1 Samuel 19:23

le u cha nima chee. Waah cha na, le Uwumbɔr Aafuur Nyaan gbiin u mu, le u pak Uwumbɔr, Waafuur Nyaan aapɔɔn pu, ki ti saa Nayof.

1 Samuel 20:1

Le David san nyan Nayof ni, Rama aatiŋ ni, ki buen Jonatann chee, le ki ti baa u ke, “M ŋa ba? M bii ba aabiil? Ba aataani aan m ŋa aate, le u ban mi, u ku mi?”

1 Samuel 21:11

Ubɔr ngbaan aaninkpiib nan baa u ke, “Naa ye David, u ye waatiŋ aabɔr na sɔ ɔɔ? Uja wee pu le bipiib nan gaa ilahn ki waa liwaal ke, ‘Sɔɔl ku ŋichur la, le David ma ku ŋichur kipiik kipiik.’”

1 Samuel 28:3

Le Samuel nan kpo, le Israel yaab mɔmɔk nan wii waakpuul ki ti sub u udo aatiŋ Rama ni. Sɔɔl nan jenn nyan bibɔɔb, ni binib bimɔk joo inyɔk tun lituln na Israel ni.

1 Samuel 7:17

le ki gir buen waatiŋ Rama ponn ni, nin chee u ti ki ye ubɔlen na. U nan maa kitork aabimbiln Rama aatiŋ ni tii Uwumbɔr.