1 Samuel 19:17 - Uwumbɔr aagbaŋ

¹⁷ Sɔɔl nan baa Mikal ke, “Ba ŋa aa ŋmann mi kina, ki cha maadin ŋmar mi?” Le u bui u ke, “U bui mi ke m yaa kaa cha u san kan, u ga ku mi.”

1 Samuel 19:17 ပူးပေါင်းရင်းမြစ်များ

2 Samuel 17:20

Absalom aajab nan dan lidichal ngbaan ni le ki nan baa upii ngbaan ke, “Ahimaas ni Jonatann bi la chee?” Le u bui bi ke, “Bi puur Jɔɔdann aamɔɔl a.” Bijab ngbaan nan ban bi, le kaa kan bi, le ki gir kun Jerusalem ni.

2 Samuel 2:22

Le Abner ki bui u lelee ke, “Taa ki san dii mi. Ba ŋa aa muk mi ke m ku si? M ga ŋmaa kaa kinye ki ki len aakpel Joab chee tibɔr?”

1 Bibɔrb 21:20

Ahab aah kan Elaija na, le u baa u ke, “Maadin, aa pii ni mi do oo?” Le Elaija gar u ke, “Een, m pii ni si. Aa di aabaa tii ke aa li tun ni kaa ŋan Uwumbɔr chee na la.

Matiu 2:16

Le Herod bee ke bilankpalb ngbaan ŋmann u la. Le u gee liŋuul sakpen, ki cha waajab ku mbijabim bi mɔmɔk ye ŋibin ŋilee aabim, ni bi mu kaa fuu kina na, ki bi Betlehem, ni Betlehem aatingbaan ni na. U nan baa bilankpalb ngbaan ke bi kan liŋmabil ngbaan bayoonn. Nima le cha u bee Yesu aabin aah saa pu na.

Galantiya 4:16

Dandana wee, maah sur nimi ki tuk nimi mbamɔn na, nima le cha m kpaln nimi aadin aa?

1 Samuel 19:14

Sɔɔl aajab aah dan nan ban David na, le Mikal bui bi ke u bun la.

1 Samuel 19:16

Bi nan ti koo le ki kan ke liwaal le dɔ tiwandookaan pu ki kur uŋoob aagban aayikukur.

1 Samuel 22:17

le ki bui bijab bi si kii u na ke, “Ku Uwumbɔr aatotoorb ngbaan. Bi ni David le kpaan, le baa tuk mi ke u san, hali bi nan nyi n‑yoonn mu u san na.” Le bikikiib ngbaan yii, kaa di biŋaal mee Uwumbɔr aatotoorb ngbaan.

1 Samuel 28:12

Upii ngbaan aah kan Samuel na, le u faa nkuun ki baa Sɔɔl ke, “Ba ŋa aa ŋmann mi? Sin Ubɔr Sɔɔl ye.”