1 Samuel 18:6 - Uwumbɔr aagbaŋ

⁶ David aah ku Goliaf aan u ni bijab gir choo kun ni na, bipiib nan nyan ni ntim mɔmɔk, Israel aatiŋ ni, ki dan bi nan tooh ubɔr Sɔɔl nsan ni. Bi nan gaa mpopiin aalahn, ki waa liwaal, ki yak ichayakrtuun ki gbaa tibar.

1 Samuel 18:6 ပူးပေါင်းရင်းမြစ်များ

2 Samuel 1:20

Taa mooni ti Gaf aatiŋ ni. Taa tuk Askelonn aatiŋ aanib. Taa cha Filistia aapiib aasui piir; taa cha binib bi kaa dii Uwumbɔr na aabisatiib kan mpopiin.

2 Samuel 6:5

David ni Israel yaab mɔmɔk nan gaa ilahn, le ki waa liwaal mpɔɔn pu ki pak Uwumbɔr. Bi nan gbaa tibar, ni ŋigangan, ki yak ichayakrtuun.

Ilahn 149:3

Li waa liwaal pak waayimbil man; di ŋigangan ni tibar pak u man.

Ilahn 68:11

Uwumbɔr tii nsan, le bipiib pam moon tibɔr ngbaan ke,

Ilahn 68:25

Bilahngaab le loln nsan, le biwangbaab paa puwɔb, le bisapɔm bi gbaa ŋidabun na bi kaasisik ni.

Nnyam 15:20

Uwumbɔr aabɔnabpii Miriam, u ye Aaronn aaninkpan na nan yoor waachayakrtuun, le bipiib mɔmɔk mu yoor baachayakrtuun ki dii u ki waa liwaal,

Nnyam 15:21

Miriam le nan gaa ilahn ke: “Gaa ilahn ki pak Uwumbɔr man, ba pu? waah nyaŋ pu na kpa kipak; u di itaan ni bijab bi jak i na mee lii nnyusakpem ponn ni.”

Aisaya 30:32

Uwumbɔr yaa faa bi ki ki gir faa bi kan, waanib ga li waa liwaal ki dii ŋigangan ni tibar aah gbaa pu na. Uwumbɔr ubaa le ga jan Asiria yaab kijaak.

Bibɔjirb 11:34

Jefta aah gir kun Mispa aatiŋ ni na, ubisal nan nyan ni ke u tooh ute nsan ni, le ki yikr nchayakrtuun, ki waa liwaal. Uma le nan ye waabobaal li u kpa na.

1 Samuel 18:5

Sɔɔl aah nan tun David lisachuln limɔk na, u nan kani linyaŋ li ponn ni la. Kina pu le Sɔɔl nan di u ŋa waajab aaninkpel ubaa. Nimina nan piir bijab ngbaan, ni baaninkpiib biken na mu aasui.