1 Samuel 18:5 - Uwumbɔr aagbaŋ

⁵ Sɔɔl aah nan tun David lisachuln limɔk na, u nan kani linyaŋ li ponn ni la. Kina pu le Sɔɔl nan di u ŋa waajab aaninkpel ubaa. Nimina nan piir bijab ngbaan, ni baaninkpiib biken na mu aasui.

1 Samuel 18:5 ပူးပေါင်းရင်းမြစ်များ

Mpiin 39:23

Uwumbɔr aah nan bi Josef chee aan u tun lituln mbamɔm pu na, unaagbiijool ngbaan aa ki muk ubaa lituln li u di ŋa Josef aaŋaal ni na pu.

2 Samuel 5:10

U nan moo pɔɔk n‑yoonn mɔmɔk la; ba pu? Uwumbɔr u yeh mpɔɔn mɔmɔk na nan bi u chee.

2 Samuel 5:2

N‑yoonn mu jer na, hali Sɔɔl aah nan beenin ye timi aabɔr na, sin le nan lolni timi Israel aanib pu nsan butɔb ni, le Uwumbɔr nan puu ke sin le ga loln waanib pu nsan, ki li ye baajojoor.”

2 Bibɔrb Aabɔr 17:3

Jehosafat aah nan laa jin nnaan na u dii nsan mu uyaaja David nan dii mu na, kaa dooni liwaal Baal, nima pu na le Uwumbɔr nan ŋa waanyoor ŋa u pu.

Ilahn 1:3

Bi naahn isui i si gbɔk nkpen na la; i lu ŋisubionn mu ŋeer na la, le yaafar aa kuur. Bi kani tinyoor baatuln mɔmɔk ni.

Ilahn 101:2

Maatuln aan li kpa tijɔŋ. Bayoonn aan aa ga dan m chee? M ga li joo mbimbin mu ŋan na le bi maadichal ponn ni,

Matiu 10:16

“M ga tun nimi, ni ti moon Uwumbɔr aabɔr. Ni ga li bi ke ipiih i bi ŋisapol aakaasisik ni na la. Ni li kpa nlan ke iwaa aah kpa nlan pu na, ki li bi suuna ke ŋinanjel aah bi pu na.

Lituln 7:10

ki ter u, ki nyan u waafalaa mɔmɔk ponn ni. N‑yoonn ngbaan Faro nan ye Ijipt aatiŋ aabɔr. Le Uwumbɔr tii Josef nlan, ki cha Faro gee waabɔr. Le Faro di u ŋa kitiŋ ngbaan aayidaan, ni waachiln aayidaan.

Efesusi 5:17

Nima pu na, ni taa li ye bijɔrb man. Pɔɔk nibaa man ki bee Tidindaan aah ban ke ni ŋa pu na.

Kolosiya 4:5

Ni li kpa nlan ki li bi mbamɔm joo cha binib bi kaa dii Uwumbɔr aasan na wɔb. Naah kan nsan buyoonn na, ni li tun Uwumbɔr aatuln n‑yoonn mɔmɔk.

1 Samuel 13:2

Le Sɔɔl nan kuun bijab ŋichur ŋitaa, ki cha ŋichur ŋilee bi u chee Mikmas aatiŋ, ni Betel aatiŋ, ŋigongon aah wiir nin chee na, ki di lichur libaa na tii ujapɔɔn Jonatann ke u di buen Gibea ni, Benjaminn aamaal aapepel ni. Sɔɔl nan cha bijab bi gur na gir kun linampal.

1 Samuel 14:52

N‑yoonn mumɔk Sɔɔl nan bi limɔfal ni na, u ni Filistia yaab nan jaa kijapɔɔk la. Kina pu na, u yaa nan ti kan uja u pɔɔ, bee u kaar na kan, see u di udaan kpee waajab pu.

1 Samuel 18:16

David aah nan moo kpae pu na, Israel ni Juda aanib mɔmɔk nan gee u la.

1 Samuel 18:30

Filistia aajab nan choo nan tak Israel yaab, le butɔb mɔk ponn ni kan, David le nan kani linyaŋ ki jer Sɔɔl aajab aaninkpiib biken na. Kina pu na, David nan kan liyimbil pam.

1 Samuel 18:4

U nan chuu peer waah pee libɔkul li paacham na di tii David, ki di waajaak aabɔkul, ni waajaak aajuk, ni waatɔm, ni waagbapapaln mu tii u.

1 Samuel 18:6

David aah ku Goliaf aan u ni bijab gir choo kun ni na, bipiib nan nyan ni ntim mɔmɔk, Israel aatiŋ ni, ki dan bi nan tooh ubɔr Sɔɔl nsan ni. Bi nan gaa mpopiin aalahn, ki waa liwaal, ki yak ichayakrtuun ki gbaa tibar.

1 Samuel 3:19

Samuel aah chikr cha na, le Uwumbɔr nan bi u chee ki cha Samuel aah len pu na mɔmɔk gbiini kina.