1 Samuel 18:27 - Uwumbɔr aagbaŋ

²⁷ David ni waajab nan buen ti ku Filistia aajab ikui ilee la. U nan joo ni, ki nan kahn binimbiin ni aawan aagban ngbaan ubɔr aanimbiin ni, ke u kpaln ubɔr aachool. Kina pu na, Sɔɔl nan di ubisal Mikal tii David.

1 Samuel 18:27 ပူးပေါင်းရင်းမြစ်များ

2 Samuel 3:13

Le David bui ke, “Ni ŋan. Tiwan nibaa pu le min ni sin ga ŋa kimɔbaan, nima le ye ke, aa yaa choo m chee kan, aa li joo ni mpuu, Sɔɔl aabisal Mikal.”

2 Samuel 3:14

Le David mu tun Isbosef chee ke, “Giin mpuu Mikal tii ni mi. M nan di Filistia yaab aajawan aagban nkub le pan u pu ki yoor u.”

Bibɔjirb 14:19

Libuul ngbaan ni, le Uwumbɔr Aafuur Nyaan gbiin u, ki cha u pɔɔk nyib, le u buen Askelonn aatiŋ ni, ki ti ku bijab piitaa, ki chuu peer baawanpeenkaan nyaan nan tii bijab piitaa bi tuk u liyataŋakl ngbaan aatataa na. Nee aapuwɔb le u gir kun, le baah ŋmann u pu na aaŋuul ban li ti ku u.

1 Samuel 14:49

Sɔɔl aajapɔtiib le nan ye Jonatann, ni Isfi, ni Malkisua. Ubisapol le nan ye Merab, le uwaatiir ye Mikal.

1 Samuel 18:13

Kina pu le u nan jenn nyan David u chee, ki di u ŋa bijab lichur aaninkpel. Le David nan lolni waajab pu nsan butɔb ni,

1 Samuel 18:17

Sɔɔl nan bui David ke, “Mbisal upol Merab sɔ. Aa yaa tun tii mi ki kaar ke uja u si udindaan aapuwɔb mbamɔm na, ki jaa Uwumbɔr aatɔb ponn ni kan, m ga cha aa di u ŋa aapuu.” Sɔɔl nan dak ke u yaa ŋa kina kan, Filistia yaab le ga ku David, naan li ye uma.

1 Samuel 18:28

Sɔɔl nan bee ke Uwumbɔr bi David chee, le ubisal mu ki gee u.

1 Samuel 25:44

N‑yoonn mue na, Sɔɔl nan di ubisal Mikal, u nan ye David aapuu na tii Lais aajapɔɔn Palti, u nyan ni Galim aatiŋ ni na.