1 Samuel 18:23 - Uwumbɔr aagbaŋ

²³ Le bi bui David kina, le u bui ke, “Ni ye litukpaan le ke unii li ye ubɔr aachool. M ye ugiin la, le ubaa aa lik waa mi kpala ke m li ye ubɔr aachool.”

1 Samuel 18:23 ပူးပေါင်းရင်းမြစ်များ

Mpiin 29:20

Le Jakob nan tun ki ti saa ŋibin ŋilole ngbaan ke u gaa Rachel, le waah nan gee Rachel sakpen pu na, ŋibin ŋilole ngbaan aa nan yunn u chee.

Mpiin 34:12

Ni yaa di u tii mi kan, ni bui mi naah ban tichoowan pu na, hali ni yaa wiir pu na kan, m ga pa nimi.”

Ilahn 119:141

Maa ye unikpaan, le bi lik seen mi, m mu aa tee suln saakaal bɔr.

Ŋiyataŋak 14:20

Unii ubaa aa gee ugiin, hali u ni unii u koo gbɔk tɔb na aa gee u, le uwankpadaan ma kpa jɔtiib sakpen.

Ŋiyataŋak 29:5

Aa yaa joo kimɔmɔɔn ŋmanni aajɔtiib kan, aa bi pen aabaa gaawɔb la.

1 Jɔnn 3:1

Lik Tite Uwumbɔr aah gee timi sakpen pu na. U yin timi ke waabim. Le ti mu sil ye waabim. Dulnyaa aanib aa nyi Uwumbɔr. Baah kaa nyi Uwumbɔr na, nima pu le baa nyi ti mu.

1 Samuel 18:18

David nan kii u ke, “M ni nte aadichal ye ŋma aan m ga li ye ubɔr aachool?”

1 Samuel 18:22

U nan cha waaninkpiib loon bui David ke, “Ubɔr gee si la, le waaninkpiib mu gee si, kina pu na, n‑yoonn mue le ŋan ke aa yoor ubisal.”

1 Samuel 18:24

Sɔɔl aaninkpiib ngbaan nan ti bui u, David aah len pu na.

1 Samuel 9:21

Le Sɔɔl gar u ke, “M ye Benjaminn aanibol ni aanii la, le linibol ngbaan mu le ye li par sakpen Israel aanibol mɔmɔk ponn ni na. Le maadichal mu le aa ki kpa liyimbil linibol ngbaan ponn ni. Kina pu na, ni ŋa kinye aan aa len m chee tibɔr tee aaboln?”