1 Samuel 18:10 - Uwumbɔr aagbaŋ

¹⁰ Kitaak aah woln na, le tiyayaar ti nyan ni Uwumbɔr chee na fii Sɔɔl pu libuul ni, le u ŋma tijar udo ke uwaar na. David nan bi gbaa kibeek, ke waah ti ŋani pu iwiin mɔmɔk na, le Sɔɔl ka joo kikpaatuŋ uŋaal ni, le ki bui ubaa ke,

1 Samuel 18:10 ပူးပေါင်းရင်းမြစ်များ

1 Bibɔrb 18:29

Bi nan beenin ŋmɔ tijar ki len yɔl yɔl le nwiin ti kpar; le nibaa aa nin ŋa, hali kifuuk kina aa nyan ni.

1 Bibɔrb 22:12

Bibɔnabr bi nan gur na mu nan len tibɔbaan ngbaan la. Bi nan bui ke, “Ti tak Ramof aatiŋ ki nyaŋ ki. Uwumbɔr ga tii si linyaŋ.”

Jeremia 28:11

le ki len binib ngbaan mɔmɔk aanimbil ni ke: “Uwumbɔr bui ke kina le u ga bii Ubɔr Nebukadnesar aadɔ i u di leen ŋitimbol mɔmɔk aasil na; ki joo cha ŋibin ŋilee ponn ni le u ga ŋa kina.” Le m siir.

Lituln 16:16

Ti nan ki buen baah mee Uwumbɔr nin chee na. Taah cha na, le usapɔɔn ubaa ton timi nsan ni. U nan ye unaagbiibo la. Bininkpiib nan dii u, ki cha u tuk binib tiwan ni choo ki ga nan ŋa na aabɔr. Waah ŋani kina na, le u kan ŋimombil pam ki tii udindatiib.

2 Tesalonika 2:11

Baah yii Uwumbɔr aabɔr na, nima le u cha nnyamɔn aapak bi bisui ni, bi li pak nnyamɔn.

Bibɔjirb 16:20

Delila nan teen mpɔɔn pu ke, “Samsonn, Filistia yaab choo.” U nan finn le ki dak usui ni ke, “M ga ti gaa mbaa lii ke maah ti ŋani pu na.” Waa nan nyi ke Uwumbɔr aa nan ki bi u chee.

1 Samuel 16:23

Ki nyan n‑yoonn ngbaan ki joo cha, tiyayaar ti Uwumbɔr di tun ni u pu na yaa ti fii u pu kan, le David yoor waabeek ki gbaa, le tiyayaar ngbaan ti di cha u, le u ki kpaln unii.

1 Samuel 18:9

Kina pu le u nan piin ki ŋani David lipiipoln, ki dak u pu ti kaa ŋan na.

1 Samuel 19:10

Sɔɔl nan pɔɔn ubaa ke u too David kikpaatuŋ tam lidigbimal, le David miln. Le kikpaatuŋ ngbaan ti yun baan lidigbimal. Le David nan san le ki ŋmar.

1 Samuel 19:7

Kina pu le Jonatann nan yin David ki nan bui u ti mɔmɔk; ki di u buen Sɔɔl chee. Le David ti ki tun tii ubɔr, ke waah nan ti ŋani pu na.

1 Samuel 19:9

Daalbaadaal, le tiyayaar ti nyan ni Uwumbɔr chee na fii Sɔɔl pu. U nan ka waadichal ni, ki joo kikpaatuŋ uŋaal ponn ni. Le David mu bi nima, ki gbaa kibeek.

1 Samuel 26:19

Mpɔɔndaan, li pel maah kpa pu m tuk si na. Ni yaa ye Uwumbɔr le cha aa ban mi kan, kitork le ga cha u kpeln waalandak; tɔ, ni yaa ye binib kan, Uwumbɔr aapuun li dii bi; ba pu? bi jenn nyan mi Uwumbɔr aatiŋ ni, ki bui mi ke m li cha ki ti li dooni ŋiwaa.