56 Le Sɔɔl bui ke, “Kina kan, li cha ti baa lik.”
Le Sɔɔl nan bui David ke, “Aayii. Aa ga ŋa kinye ki tak u? Aa laa ye ubo la, le uma ye uja u jaa kijaak le waamɔfal mɔmɔk ponn ni na.”
Sɔɔl aah kan David cha, u ni Goliaf ti jan na, le u baa waajab aaninkpel Abner ke, “Abner, ŋma aajapɔɔn ye u?” Le Abner bui u ke, “Maaninkpel, maa nyi u.”
Kina pu na, David aah ku Goliaf ki gir ni baakakaa ni na, le Abner di u buen Sɔɔl chee. David nan beenin joo Goliaf aayil.
