1 Samuel 17:46 - Uwumbɔr aagbaŋ

⁴⁶ Din aataak kee le Uwumbɔr ga di si ŋa maapɔɔn ni. M ga nyaŋ si ki gii aayil, ki di Filistia aajab aawon tii inyoon ni ipeel, le dulnyaa wee mɔmɔk bee ke Israel yaab sil kpa Uwumbɔr,

1 Samuel 17:46 ပူးပေါင်းရင်းမြစ်များ

Mpiin 40:19

Iwiin itaa daal kan, ubɔr ga nyan si kiyondiik ni ki ti chuu gii aayil. Le u ga di saawon di leen idɔ pu, le inyoon ga dan nan ji saawon ngbaan.”

2 Samuel 18:28

Ahimaas nan teen ki doon ni ubɔr, le ki tar lir kitiŋ unimbiin ni, ki bui ke, “Mpɔɔndaan, pakn Aadindaan Uwumbɔr u tii si linyaŋ bijab bi yii saamɔb na pu.”

2 Samuel 21:10

Le Sɔɔl aapuu waatiir, Aya aabisal Rispa, di bɔtɔ aakeken ŋa libool, litakpasakpeln pu, ŋinikpol ngbaan aah bi nin chee na, le ki koo nima njikaabim ngbaan aacheen yoonn, ki ti saa buyoonn kiseek aataal fuu ni na. U nan kii inyoon, i taa ji ŋinikpol ngbaan nwiin pu, le ki kii ipeel, i mu taa ŋmɔ ŋi kinyeek.

1 Bibɔrb 8:43

pel waameel. Saah bi aado paacham na, pel u chee, ki ŋa waah ban pu na tii u, aan dulnyaa aanib mɔmɔk bee si, ki li keei saamɔb, ke saanib Israel yaab aah ŋani pu na. Nima le bi ga bee ke maah maa Lidichal li na ponn ni, le bi ga li dooni si.

1 Bibɔrb 8:60

aan dulnyaa aatimbol mɔmɔk ga bee ke Uwumbɔr baanja le ye Uwumbɔr, ubaa aa ki bi.

2 Bibɔrb 19:19

Kina pu na, Tidindaan Uwumbɔr, gaa timi Asiria yaab ngbaan chee lii aan dulnyaa aatimbol mɔmɔk bee ke sin baanja le ye Uwumbɔr.”

2 Bibɔrb 5:15

U nan di waajab bi mɔmɔk nan dii u na gir buen Elaisa chee le ki ti bui u ke, “M bee dandana ke Uwumbɔr ubaa aa ki bi see Israel yaab Aawumbɔr baanja; kina pu na, m gaŋ si, gaa m chee ipiin.”

Ilahn 31:8

Saa cha maadim nyaŋ mi ki chuu mi, aa tii mi nsan ke m buen maah gee nimɔk na.

Ilahn 46:10

U len ke, “Di cha kijaak man, ki bee ke min le ye Uwumbɔr, m ye ŋitimbol mɔmɔk aayidaan, ni dulnyaa mɔmɔk aayidaan.”

Nnyam 9:16

Maah ban m mɔk si maapɔɔn na, maa ku si, nima kan, binib mɔmɔk ga bee maah kpa liyimbil dulnyaa wee mɔmɔk ni pu na.

Aisaya 37:20

Kina pu na, Tidindaan Uwumbɔr, gaa timi Asiria yaab ngbaan chee, aan ŋitimbol mɔmɔk bee ke sin baanja le ye Uwumbɔr.”

Aisaya 52:10

Uwumbɔr ga di waapɔɔn mu bi chain na gaa waanib lii, le dulnyaa aanib mɔmɔk kan.

Aisaya 56:9

Uwumbɔr bui biwɔwɔm aatimbol ke ŋi dan ke tipeewanbir na ki nan di waanib nab.

Jeremia 19:7

Do le m ga bii Juda ni Jerusalem aanib aalandak mɔmɔk. M ga cha baadim nyaŋ bi, ki ku bi butɔb ni. Le m ga di ŋinikpol ngbaan tii inyoon, ni ipeel, i di ŋa tijikaar.

Jeremia 34:20

M ga di bi tii baadim bi ban bi ku bi na, le baanikpol ga li ye inyoon ni ipeel aajikaar.

Daniel 2:47

Ubɔrkpaan nan ki bui ke, “Saawumbɔr le ye Uwumbɔrkpaan ki jer ŋiwaa mɔmɔk, u ye bibɔrb Aadindaan, ki ye u kpiir iwaan aawan mɔk binib na. Saah kpiir iwaan aawan nimina mɔk mi na le cha m bee kina.”

Daniel 3:29

“Le m siin nkaal dandana, ke litimbol, bee linibol, bee iliin imɔk aanib yaa len tibɔr ti kaa ŋan na Sadrak, ni Mesak, ni Abednego Aawumbɔr pu na kan, bi ga daa par par u, ki kuln udaan aadichal. Uwumbɔr uken aa ki bi ki ga ŋmaa gaa unii lii kina.”

Matiu 24:28

“Liwankpol aah bi nin chee na, nangba mam mu kuuni nima chee la.”

Ikaal 28:26

Ni yaa kpo dɔ kan, inyoon, ni timoor ni aapeel le ga dan ki nan ji nimi aawon, le ubaa aan kan ki jenn i foor.

Ikaal 7:2

N‑yoonn mu Nidindaan Uwumbɔr ti di binib ngbaan ŋa nimi aapɔɔn ni, aan ni nyaŋ bi na kan, ni ku doo bi kookoo. Ni taa ŋa bi nimaantɔtiib, ki taa li san bi kinimbaak.

Ikaal 7:23

Uwumbɔr ga di nimi aadim ŋa nimi aaŋaal ni, ki cha ijawaan chuu bi, le ni ti kuln bi doo.

Josua 10:8

Le Uwumbɔr bui Josua ke, “Taa li san ijawaan man. M di linyaŋ tii nimi a. Bi ponn ni ubaa aan ŋmaa sil ke u to nimi butɔb.”

Josua 4:24

Nima pu na, binib mɔmɔk bi bi dulnyaa wee ni na ga bee Uwumbɔr aapɔɔn aah bi pu na, le ni ga li nyuŋni Nidindaan Uwumbɔr ki cha n‑yoonn mu kaa kpa ndoon na.”

1 Samuel 14:6

Le Jonatann bui unachipɔɔn ngbaan ke, “Cha ti puur buen Filistia aanifam ngbaan chee. Nibaakan Uwumbɔr ga ter timi. U yaa ga ter timi kan, nibaa aan ŋmaa kiir u, u taa di linyaŋ ngbaan tii timi ki bui ke taa wiir.”

1 Samuel 17:44

le ki kpak David ki bui ke, “Dan, aan m nan di saawon tii inyoon ni ipeel.”