1 Samuel 17:43 - Uwumbɔr aagbaŋ

⁴³ Le u bui David ke, “Aa joo lidabil ngbaan aa di ŋa ba? Aa dak ke m ye ubɔ la aa?” Le u puun waawaal lii David pu,

1 Samuel 17:43 ပူးပေါင်းရင်းမြစ်များ

Mpiin 27:29

U cha ŋitimbol mɔmɔk aanib li ye saanaagbiib ki gbaan aanimbiin ni. U cha aa li ye aado yaab, ni aana aabim mɔmɔk aayidaan, aan bi li gbaani aanimbiin ni. Uwumbɔr puun lii unii umɔk puun lii aa pu na pu, aan ki ŋa tinyoor ŋa unii umɔk ŋa si tiŋann na pu.”

2 Samuel 16:5

Ubɔr David aah ti fuu Bahurim na, le Gera aajapɔɔn Simei, u ye Sɔɔl aamaal aanii na keln u nima, ki puuni lir u pu ki choo.

2 Samuel 16:9

Le Seruya aajapɔɔn Abisai bui ubɔr David ke, “Mpɔɔndaan, ba ŋa aa cha ubɔ ngbaan bi puuni lir aa pu? Cha m buen nima ki ti gii uyil.”

2 Samuel 3:8

Nee nan cha Abner aaŋuul fii sakpen. Le u baa Isbosef ke, “Aa dak ke m ga ŋmaa bii Sɔɔl aa? Aa sil dak ke m si Juda aanib aachaŋ ni la aa? Ki nyan mpiin na, m nan kii tii aate Sɔɔl la, le ki si u ni unaabitiib, ni ujɔtiib aachaŋ ni, le ki tun ki kii si ke David aajab taa nyaŋ si, le upii pu aa nan galni mi din wee.

2 Samuel 9:8

Le Mefibosef ki gbaan ki len ke, “Maaninkpel, libɔkpol jer mi. Ba ŋa aa kpa m pu tiŋann sakpen kina?”

1 Bibɔrb 20:10

“M ga tun ni bijab bi wiir na aan bi nan kuln saatiŋ ngbaan ki faa kaah ber pu na ŋum ni biŋaal ni. M yaa kaa ŋa kina kan, ŋiwaa faa ku mi.”

2 Bibɔrb 8:13

Le Hasael baa u ke, “M ga kan kina aapɔɔn la chee? M mu ye ŋma?” Le Elaisa gar u ke, “Uwumbɔr mɔk mi ke aa ga ji Siria aatiŋ aanaan.”

Ŋiyataŋak 26:2

Aa yaa kaa tun taani kan, imɔpuur aan ŋmaa chuu si. Ti naahn inyoon i laani kaan kal busub paab na la.

Nkahm 22:6

Bi wiir jer timi, kina pu na, m ban ke aa dan nan puun lii bi pu ki tii mi. Aa yaa ŋa kina kan, nibaakan ti ga ŋmaa nyaŋ bi aan ki jenn nyan bi kitiŋ kee ni. M nyi ke aa yaa len tibɔnyaan lii unii pu kan, u kani tinyoor la, le aa yaa len tibɔbir lii unii pu kan, u kani tibɔr ti kaa ŋan na.”

Bibɔjirb 9:27

Bi mɔmɔk nan nyan buen baasubil aasui aasar ni ki ti ker ŋisubil, le ki di ŋa ndaan, le ki ŋa njim. Bi nan koo baawaal aadiik ni, le ki ti jin ki nyun ndaan nima ki seei Abimelek.

1 Samuel 14:12

le ki yin Jonatann ni unachipɔɔn na ke, “Dan do man. Ti kpa tibɔr tibaa ti tuk nimi.” Le Jonatann bui unachipɔɔn ngbaan ke, “Li dii mi. Uwumbɔr tii Israel yaab linyaŋ bi pu a.”

1 Samuel 24:14

Lik man Israel yaab aabɔr aah bi ban u ku tiwan ni na. Lik man waah bi san dii tiwan ni na. Libɔkpol aa? kibabr aa?

1 Samuel 24:15

Uwumbɔr ga ji timi aabɔr, le ki bee u aabɔr bii na. Cha u lik tibɔr ngbaan ponn ni, ki sil mpuwɔb, ki gaa mi lii.”