1 Samuel 17:36 - Uwumbɔr aagbaŋ

³⁶ M ku ichinn ni takɔ mam, ki ga ŋmaa ŋa Filistia aawanfam ni seei Uwumbɔr u bi n‑yoonn mɔmɔk aajab na mu kina.

1 Samuel 17:36 ပူးပေါင်းရင်းမြစ်များ

2 Bibɔrb Aabɔr 32:17

Kigbaŋ ki ubɔrkpaan ngbaan nan ŋmee na nan seei Israel yaab Aadindaan Uwumbɔr. Mu nan len ke, “Ŋitimbol aawaa aa gaa ŋaanib maapɔɔn ni lii, le Hesekia Aawumbɔr mu aan ŋmaa gaa waanib m chee lii.”

Aisaya 10:15

Le Uwumbɔr ma bui ke, “Kichɔk ga ŋmaa bui ke ki jer unii u joo ki na aa? Ukpikpiir aah joo kichɔk ki kpii tiwan na aan ŋmaa bui ke ki jer u. Lichakukul aan ŋmaa yoor unii paacham; unii le ga yoor lichakukul paacham.”

Aisaya 36:15

Taa cha u ŋmann nimi ke ni li lik Uwumbɔr pu. Taa ka dak man ke Uwumbɔr ga gaa nimi lii aan ki kiir Asiria aajab, bi taa ŋmaa nyaŋ nimi aatisakpeŋ ngbaan.

Aisaya 36:18

Taa cha Hesekia ŋmann nimi aan ni ka dak ke Uwumbɔr ga gaa nimi lii. Litimbol libaa aawaa ŋman ki gaa ŋaatim Asiria aabɔrkpaan chee ee?

Esekiel 28:10

Aa ga kpo biwɔwɔm bi kaa san Uwumbɔr na aaŋaal ni ke ubɔ na la. Min Aadindaan Uwumbɔr le len kina aabɔr.”

Esekiel 32:19

Tuk bi ke, “Ni dak ke ni ŋan jer unii mɔmɔk la aa? Ni ga sunn buen kitekpiitiŋ ni ki ti doon binib bi kaa nyi Uwumbɔr na chee.

Daniel 5:23

Aa tun Paacham Aadindaan tiwan ni kaa ŋan na, ki yoor tiyikur ni ŋisambil ŋi nyan ni Waadichal ni na; le sin, ni saaninyuum, ni aapuutiib, ni aabɔtiib nyun ndaan tiyikur ni ŋisambil ngbaan ponn ni, ki pak ŋiwaa ŋi bi di salmaa, ni tikunabr, ni tikumann, ni tikur, ni idɔ, ni ŋitakpal naan ŋi na, ŋiwaa ŋi kaa waa, kaa ŋun tibɔr, kaa nyi nibaa na, kaa tee nyuŋni Uwumbɔr u lik ke aa ga li bi, bee aa ga kpo, ki joo tiwan ni mɔmɔk aa ŋani na.

Sekaria 12:3

Tɔ, n‑yoonn ngbaan yaa nan fuu ni kan, m ga cha Jerusalem nyuŋ ke litakpal sakpeln na. Le litimbol li pɔɔn libaa ke li yoor li na kan, li kan titotonn. Dulnyaa aatimbol mɔmɔk ga kuun nan kpaan ke ŋi tak Jerusalem.

Sekaria 2:8

Uwumbɔr Mpɔɔnsakpiindaan u kpa kipak mɔmɔk na di tibɔr timina tun mi ŋitimbol ŋi nan jan ki gaa waanib aawan na chee ke: “Unii umɔk faa maanib na faa tiwan ni m gee sakpen ke nnimbil na la.

1 Samuel 14:6

Le Jonatann bui unachipɔɔn ngbaan ke, “Cha ti puur buen Filistia aanifam ngbaan chee. Nibaakan Uwumbɔr ga ter timi. U yaa ga ter timi kan, nibaa aan ŋmaa kiir u, u taa di linyaŋ ngbaan tii timi ki bui ke taa wiir.”

1 Samuel 17:10

Din wee le m kpak nimi Israel aajab, nyan man ni ponn ni ubaa aan ti jan.”

1 Samuel 17:26

David nan baa bijab bi si duun u na ke, “Uja u ku Filistia aanii wee ki nyan Israel yaab inimɔɔn yee ni na ga kan ba? Filistia aawanfam nee ye ŋma aan ki bi jinni Uwumbɔr u bi n‑yoonn mɔmɔk na aajab inimɔɔn?”

1 Samuel 17:35

m san dii u la, le ki ti tak u, ki gaa upihbo ngbaan, le uchinn, bee takɔ ngbaan yaa fenn ban mi kan, m chuu uneen ni le ki gbaa ti ku u.

1 Samuel 17:37

Uwumbɔr gaa mi ichinn ni takɔ mam chee lii, u ga gaa mi Filistia aanii wee mu chee lii.” Le Sɔɔl bui u ke, “Ni ŋan. Li cha aan Uwumbɔr le bi aa chee.”

1 Samuel 18:17

Sɔɔl nan bui David ke, “Mbisal upol Merab sɔ. Aa yaa tun tii mi ki kaar ke uja u si udindaan aapuwɔb mbamɔm na, ki jaa Uwumbɔr aatɔb ponn ni kan, m ga cha aa di u ŋa aapuu.” Sɔɔl nan dak ke u yaa ŋa kina kan, Filistia yaab le ga ku David, naan li ye uma.

1 Samuel 31:4

Le u bui unachipɔɔn u joo waajawan na ke, “Nyan saajaak aajuk ki ku mi, aan Filistia yaab bi kaa san Uwumbɔr na taa nan di kinanaŋ ku mi.” Le ijawaan nan chuu unachipɔɔn ngbaan sakpen, le waa kaa u ŋa kina. Kina pu le Sɔɔl nyan ubaa aajaak aajuk ki lir ki pu ki ku ubaa.