1 Samuel 17:28 - Uwumbɔr aagbaŋ

²⁸ Le David aakpel Eliab ŋun David bi len bijab ngbaan chee. Le waaŋuul fii David pu, le u bui ke, “Aa ŋani ba do? Ŋma bi lik ipiih kipɔɔk ni nima? Sin maaŋuntafal aabo wee. Aa dan aa nan lik butɔb ngbaan la.”

1 Samuel 17:28 ပူးပေါင်းရင်းမြစ်များ

Mpiin 37:11

Le Josef aakpetiib nan kpa lipiipoln u pu; ute ma nan bi dakl tibɔr ngbaan pu n‑yoonn mɔmɔk.

Mpiin 37:4

Josef aakpetiib aah kan ke bite gee u ki jer bi na, le bi nan u, kaa ki len tibɔnyaan u chee.

Mpiin 37:8

Le ukpetiib baa u ke, “Aa dak ke sin le ga li ye timi aabɔr ki lik timi ii?” Le waadaŋ ngbaan aabɔr ni waah len pu na nan cha liŋuul moo chuu ukpetiib, le bi nan u sakpen.

2 Bibɔrb Aabɔr 11:18

Rehoboam aapuu le nan ye David aajapɔɔn Jerimof aabisal u bi nan yin u ke Mahalaf na. Mahalaf aana le nan ye Eliab aabisal Abihail. Abihail aayaaja le nan ye Jese.

Ilahn 35:11

Titunwanbirdam mɔnn inyamɔn paani mi, ki galni mi taani u pu maa nyi na.

Ŋiyataŋak 18:19

Ter aana aabo aan u li kii si ke ligoln li kii kitisakpeŋ na. Tɔ, aa ni uma yaa jaa kan, waan ki cha aa koo ni waadichal ni.

Ŋiyataŋak 27:4

Liŋuul aa ŋan ki ki ŋmaa bii tiwan mu, ki mu aa ŋmaa bii tiwan ki ti pii lipiipoln aah ga bii tiwan pu na.

Ulandaan 4:4

M nan ki bee naah ŋa pu aan binib nyani kitotoŋ sakpen ke bi li kpa na; nima le ye ke bi kpa biŋeen aatɔtiib pu lipiipoln. Tɔ, ni mu ye fam la. Ni bi ke unii aah san dii libuln pu na la.

Matiu 10:36

Unii aadim ga li ye waachiln ni aanib la.

Matiu 27:18

Pailat nan bee ke bi kpa lipiipoln Yesu pu, nima le cha bi di u ŋa uŋaal ni.

Tibɔnyaan ti Mak ŋmee ti na 3:21

Udoyaab aah ŋun kina na, le bi dan bi nan chuu u; ba pu? bi ŋun binib len ke u waar la.

Juud 1:10

Bibiindam ngbaan ma seei Uwumbɔr aatuuntiib la, kaa nyi baah bi pu na. Bi ŋani bisui aah gee pu na, ke ipeel i kaa dak ilandak na aah ŋani pu na. Nima le Uwumbɔr ga daa bitafal.

1 Samuel 16:13

Samuel nan yoor olif aakpan ki di kpir David aayil pu, ki kaan u nnaan, ukpetiib aanimbil ni. Libuul ngbaan ni le Uwumbɔr Aafuur nyaan gbiin David, ki cha u pɔɔk nyib, ki bi u chee ki joo cha. Le Samuel gir buen Rama ni.

1 Samuel 16:7

Le Uwumbɔr bui u ke, “Taa lik waah fɔk ki ŋan pu na pu. M yii u; ba pu? maa dak ke unibɔn aah dak pu na. Unibɔn lik tiwon la, le m ma lik unii aasui ni.”

1 Samuel 17:29

Le David baa u ke, “Tɔ, m ŋa ba? Maa kpa nsan m baa mbaan la aa?”