1 Samuel 17:26 - Uwumbɔr aagbaŋ

²⁶ David nan baa bijab bi si duun u na ke, “Uja u ku Filistia aanii wee ki nyan Israel yaab inimɔɔn yee ni na ga kan ba? Filistia aawanfam nee ye ŋma aan ki bi jinni Uwumbɔr u bi n‑yoonn mɔmɔk na aajab inimɔɔn?”

1 Samuel 17:26 ပူးပေါင်းရင်းမြစ်များ

2 Bibɔrb 19:4

Asiria aatiŋ aabɔrkpaan tun ni waaninkpiib aaninkpel ke u nan seei Uwumbɔr u bi kaa kpa ndoon na. Cha Aadindaan Uwumbɔr ŋun ŋisiibil ŋimina ki daa binib bi seei ŋi na aatafal. Kina pu na, mee Uwumbɔr tii timi aanib bi ŋmar na.”

2 Bibɔrb Aabɔr 32:17

Kigbaŋ ki ubɔrkpaan ngbaan nan ŋmee na nan seei Israel yaab Aadindaan Uwumbɔr. Mu nan len ke, “Ŋitimbol aawaa aa gaa ŋaanib maapɔɔn ni lii, le Hesekia Aawumbɔr mu aan ŋmaa gaa waanib m chee lii.”

Nehemia 5:9

Le m ki bui bi ke, “Naah ŋani pu na aa ŋan. Ni ba ga li san Uwumbɔr ki ŋa ni ŋan na. Nima kan, timi aadim bi kaa ye Juu yaab na aan ŋmaa kan nsan ki ŋa timi mbɔnyun.

Ilahn 44:13

Timi ni binib bi koo gbɔk tɔb na kani saah ŋani timi pu na, le bi ŋani timi mbɔnyun ki laa timi.

Ilahn 74:18

Uwumbɔr, teer ke saadim laa si, li nyi ke baa dii si, le ki lik si fam.

Ilahn 79:12

Uwumbɔr, pa ŋitimbol ŋi seei si ŋisiibil mɔmɔk aabɔŋ na nfum mulole pu baah seei si pu na.

Aisaya 37:23

Aa dak ke ŋma aa bi seei ki ŋani u mbɔnyun? Saa pak mi, Israel yaab Aawumbɔr u bi chain na kpala.

Jeremia 10:10

Tɔ, sin Uwumbɔr le ye Uwumbɔr bamɔnn, sin le ye Uwumbɔr u bi na, le ki ye ubɔr u bi n‑yoonn mɔmɔk na. Saaŋuul yaa fii kan, dulnyaa deŋni la; ŋitimbol aan ŋmaa sil saaŋuul chee.

Jeremia 9:25

Uwumbɔr nan ki bui ke, “N‑yoonn choo, le m ga nan daa Ijipt, ni Juda, ni Edom, ni Amonn, ni Moab, ni nteersakpiin ni aanib bi chee biyigbeer pu aayikpir na aatafal. Ba pu? Bi kaa ye Juda aanib binib bimina ponn ni na gii ŋichakpan, le kaa dii mi. Juda aanib ma kan, bi gii ŋichakpan, kaa tee joo lichakpangeei aakaal aah mɔk pu na.”

Esekiel 28:10

Aa ga kpo biwɔwɔm bi kaa san Uwumbɔr na aaŋaal ni ke ubɔ na la. Min Aadindaan Uwumbɔr le len kina aabɔr.”

Daniel 5:23

Aa tun Paacham Aadindaan tiwan ni kaa ŋan na, ki yoor tiyikur ni ŋisambil ŋi nyan ni Waadichal ni na; le sin, ni saaninyuum, ni aapuutiib, ni aabɔtiib nyun ndaan tiyikur ni ŋisambil ngbaan ponn ni, ki pak ŋiwaa ŋi bi di salmaa, ni tikunabr, ni tikumann, ni tikur, ni idɔ, ni ŋitakpal naan ŋi na, ŋiwaa ŋi kaa waa, kaa ŋun tibɔr, kaa nyi nibaa na, kaa tee nyuŋni Uwumbɔr u lik ke aa ga li bi, bee aa ga kpo, ki joo tiwan ni mɔmɔk aa ŋani na.

Daniel 6:27

U gaal binib lir ki cha bi ŋmar; u tun iwaan, ni lijinjiir aatuln paacham, ni kitiŋ do. U cha ichinn aa ŋmaa ku Daniel.”

Daniel 9:16

Sin le nan kii timi n‑yoonn mu jer na, kina pu na, taa ki gee Jerusalem aatiŋ pu liŋuul. Ki ye saatiŋ ki bi chain na la. Binib bi mɔmɔk bi itingbaan mɔmɔk ni na lik seen Jerusalem aatiŋ, ni saanib, timi aatunwanbir, ni tiyaajatiib aatunwanbir pu.

Joel 2:19

U kii baameel ki len ke: “Dandana wee m ban m tii nimi tijikaar ni ndaan, ni olif aakpan, aan ni mɔɔr nimi. Ŋinibol ŋiken aan ki lik seen nimi.

Ikaal 5:26

Unibɔn ubaa kee ŋun Uwumbɔr u bi n‑yoonn mɔmɔk na bi mmii ni ki len u chee tibɔr, aan udaan ki bi, ki kpa limɔfal aa?

1 Tesalonika 1:9

Ba pu? binib ngbaan len ke taah nan dan ni chee na, ni nan gaa timi, ki di ŋiwaa lii, ki fenn ki dii Uwumbɔr, u ye limɔfadaan ki ye Uwumbɔr bamɔnn na,

Josua 3:10

Mbamɔn, naah tur cha pu na, u ga jenn nyan Kanaann yaab, ni Hef yaab, ni Hif yaab, ni Peris yaab, ni Girgas yaab, ni Amor yaab, ni Jebus yaab.

1 Jɔnn 5:20

Ti nyi ke Uwumbɔr Aajapɔɔn nan dan ki nan tii timi nlan ke ti bee Uwumbɔr, u ye Uwumbɔr bamɔnn na la. Ti bi Ujapɔɔn Yesu Kristo ni, nima le ti bi Uwumbɔr bamɔnn mu ni. Uma le ye Uwumbɔr bamɔnn, ni limɔfal li kaa kpa ndoon na daan.

1 Samuel 11:2

Nahas nan gar bi ke, “Ni yaa cha m lokr nyan ni mɔmɔk aanimbigii aan ki jinn Israel yaab mɔmɔk inimɔɔn kan, ti ga ŋmaa ŋa kimɔbaan.”

1 Samuel 14:6

Le Jonatann bui unachipɔɔn ngbaan ke, “Cha ti puur buen Filistia aanifam ngbaan chee. Nibaakan Uwumbɔr ga ter timi. U yaa ga ter timi kan, nibaa aan ŋmaa kiir u, u taa di linyaŋ ngbaan tii timi ki bui ke taa wiir.”

1 Samuel 17:10

Din wee le m kpak nimi Israel aajab, nyan man ni ponn ni ubaa aan ti jan.”

1 Samuel 17:30

Le u fenn upuwɔb le ki ki baa uja uken mbaan baan ngbaan, le n‑yoonn mumɔk u baa na, bi tii u ngarm baan la.

1 Samuel 17:36

M ku ichinn ni takɔ mam, ki ga ŋmaa ŋa Filistia aawanfam ni seei Uwumbɔr u bi n‑yoonn mɔmɔk aajab na mu kina.

1 Samuel 31:4

Le u bui unachipɔɔn u joo waajawan na ke, “Nyan saajaak aajuk ki ku mi, aan Filistia yaab bi kaa san Uwumbɔr na taa nan di kinanaŋ ku mi.” Le ijawaan nan chuu unachipɔɔn ngbaan sakpen, le waa kaa u ŋa kina. Kina pu le Sɔɔl nyan ubaa aajaak aajuk ki lir ki pu ki ku ubaa.