1 Samuel 17:12 - Uwumbɔr aagbaŋ

¹² David nan ye Efraf aanii Jese u nyan ni Betlehem aatiŋ ki bi Juda ni na aajapɔɔn la. Jese nan kpa japɔtiib biniin la, ki nan ye uninkpel u kpa kipak na buyoonn Sɔɔl nan ye ubɔr na.

1 Samuel 17:12 ပူးပေါင်းရင်းမြစ်များ

Mpiin 35:19

Rachel aah nan kpo na, bi nan di u sub gbaŋ Efraf aasan chee, dandana bi yin nima chee ke Betlehem.

2 Samuel 23:1

Jese aajapɔɔn David le ye uja u Uwumbɔr nan tii u liyimbil na, Uwumbɔr u Jakob mu nan dii u na le nan lee u ubɔr, uma le nan naan Israel yaab aalahn i mɔ na. David aakookoo aabɔr sɔ:

Ilahn 132:6

Betlehem ni le ti ŋun Nkaal Aadakaa bɔr, le ki ti kan u Jearim aakpaakon ni.

Maika 5:2

Uwumbɔr bui ke, “Betlehem Efrata, aa ye kitiwaatiir kibaa le Juda aatiŋ pu, le sin ponn ni le m ga nyan ni ujojoor u ga li joo Israel aanib na, u ga nya ni mmaal mu ye n‑yaayoonn na aamaal ponn ni la.”

Matiu 1:6

Jese mu ma Ubɔr David. David mu ma Solomonn. Una nan ye Yuraya aapuu la, le David kpan u.

Matiu 2:1

Bi nan ma Yesu, Betlehem aatiŋ ponn ni la, ki bi Judea aatiŋ ni na, n‑yoonn mu Herod ye ubɔr na. Baah ma Yesu na, le bilankpalb bibaa nyan ni liwipuul wɔb ki dan Jerusalem,

Matiu 2:6

‘Sin Betlehem aatiŋ, ki bi Judea aatiŋ ni na, saa ye kitiwaatiir Judea aatim ponn ni; ba pu? uyidaan ga nyan aa ponn ni, ki ga li ye Uwumbɔr aanib Israel yaab aayidaan.’”

Ruf Aagbaŋ 4:17

Bipiib bi nan bi gbɔk bi na nan yin ubo ngbaan ke Obed. Bi nan bui unii mɔk ke, “Naomi kan ubijabo a.” Le Obed nan ma Jese u nan ma David na.

1 Samuel 1:1

Uja ubaa nan bi, bi nan yin u ke Elkana, u nyan ni Efraim aamaal ponn ni la, le ki koo Rama aatiŋ ki bi Efraim aatiŋ ki ŋigongon wiir nima na ponn ni. Ute le nan ye Jeroham, le uyaaja mu nan ye Elihu, u nyan ni Tohu aamaal mu ye Suf aataŋaal na.

1 Samuel 16:1

Uwumbɔr nan bui Samuel ke, “Aa ga li wii Sɔɔl pu ni ti yunn kinye? M yii u ke u taa ki li ye Israel yaab aabɔr. Tɔ, ban olif aakpan ki buen Betlehem ni, uja u bi yin u ke Jese na chee; ba pu? m lee ujapɔɔn ubaa ke u li ye ubɔr.”

1 Samuel 16:18

Bitutum ngbaan ubaa nan len ke, “Jese, u nyan ni Betlehem na kpa japɔɔn ubaa, u ye ubeegbaar la. U ki ye unii u kaar ki ŋan na la, ki ye u ŋmaa to butɔb mbamɔm, ki ye u ŋmaa len na la, le Uwumbɔr bi u chee.”

1 Samuel 17:11

Sɔɔl ni waajab aah ŋun kina na, le ijawaan chuu bi pam.

1 Samuel 17:58

Le Sɔɔl baa u ke, “Unachipɔɔn, ŋma aajapɔɔn ye si?” Le David bui u ke, “M ye saatutunn Jese u nyan ni Betlehem na aajapɔɔn la.”