1 Samuel 16:7 - Uwumbɔr aagbaŋ

⁷ Le Uwumbɔr bui u ke, “Taa lik waah fɔk ki ŋan pu na pu. M yii u; ba pu? maa dak ke unibɔn aah dak pu na. Unibɔn lik tiwon la, le m ma lik unii aasui ni.”

1 Samuel 16:7 ပူးပေါင်းရင်းမြစ်များ

Mpiin 4:5

le ki yii Kainn ni waapiin. Le Kainn gee liŋuul pam, le unimbil wɔb bii.

2 Samuel 14:25

Ubaa aa nan ki bi Israel aanib ni ki kpa kinyaan ke Absalom na. Uwon nibaa chee aa nan bi ki kpa kidaan.

2 Samuel 7:20

M ga ki ŋmaa len kinye aa pu? Aa nyi mi saatutunn aabɔr.

1 Bibɔrb 8:39

pel waameel. Saah bi aado paacham na, pel, ki di cha pinn u, ki ter u. Sin baanja le nyi unibɔn aasui ponn ni aalandak. Unii aabimbin yaa ŋeer pu na kan, aa ŋa udaan kina,

1 Bibɔrb Aabɔr 17:18

M ga ki ŋmaa len kinye aa pu. Aa nyi mi mbamɔm, le ki nyuŋ mi saatutunn.

1 Bibɔrb Aabɔr 28:9

Le u bui Solomonn mu ke, “Maabo, aa li nyi aate Aawumbɔr ki li dii u ni aasui mɔmɔk ni lineen. U nyi timi aalandak ni timi aageehn mɔmɔk. Aa yaa di aabaa tii u kan, u ga gaa si; tɔ, aa yaa fenn aapuwɔb tii u kan, u ga siir cha si kookoo la.

2 Bibɔrb Aabɔr 16:9

Uwumbɔr aanimbil waa dulnyaa wee mɔmɔk, le ki tii binib bi aasui bi u ni na mpɔɔn. Aa tun kijɔrk aatuln la, kina pu na, ki nyan n‑yoonn mue ki joo cha, aa ni butɔb le ga li bi.”

2 Bibɔrb Aabɔr 6:30

li pel waameel. Saah bi aado paacham na, pel ki di cha pinn bi. Sin baanja le nyi unibɔn aasui ponn ni aalandak. Unii aabimbin aah ŋeer pu na kan, aa ŋa udaan kina,

Job Aagbaŋ 10:4

Aa lik tiwan ke taah lik ni pu na la aa?

Job Aagbaŋ 35:5

Lik kitaapaak. Lik ntaalangbam chee aah daa pu na.

Ilahn 139:2

Aa nyi maah ŋani tiwan nimɔk na; aa bi dandar le ki nyi maah dak pu na.

Ilahn 7:9

Uwumbɔr, aa ye ubamɔndaan la, ki nyi tisui ponn ni aah bi pu na. Kuln kinimbɔŋdam aabiin; ki pa binib bi ŋan na baapar.

Ŋiyataŋak 15:11

Hali kitekpiitiŋ aan ŋmaa di tiwan ni bi ki ponn ni na bɔr Uwumbɔr; kina pu na, unibɔn ga ŋa kinye aan ki di waalandak bɔr Uwumbɔr?

Ŋiyataŋak 16:2

Unibɔn ma dak ke waabimbin mɔmɔk ŋan la, Uwumbɔr baanja mu le nyi unibɔn aabimbin aah bi pu na.

Ŋiyataŋak 24:12

Nibaakan aa ga bui ke naa ye saabɔr, le Uwumbɔr ma nyi ki lik saabimbin. U lik saabimbin, ki nyi ni mɔmɔk. Le u ga pa si saatuln aah ŋeer pu na.

Ŋiyataŋak 31:30

Ibɔnyɔk ŋmanni, le kinyaan mu door, le upii u san Uwumbɔr ijawaan na ma kpa kipak.

Jeremia 11:20

Le m mee limeel ke, “Uwumbɔr Mpɔɔnsakpiindaan, aa ji binib tibɔr ibamɔn pu la; aa tɔŋni binib aalandak ni bisui. M di maabɔr ŋa aaŋaal ni, kina pu na, m ga li ka le ki lik saah ga teen binib ngbaan pu na.”

Jeremia 17:10

Min Uwumbɔr le lik unii aalandak ni le ki tɔŋni binib aasui lik. M ŋani unii mɔmɔk, waabimbin aah bi pu na la, ni udaan aah tun pu na.”

Jeremia 20:12

Uwumbɔr Mpɔɔnsakpiindaan, le aa ma joo ibamɔn tɔŋni binib, aa nyi tiwan ni bi bisui, ni baalandak ni na. Kina pu na, cha m kan saah ga teen maadim pu na, ba pu? m di maabɔr ŋa sin le aaŋaal ni.

Tibɔnyaan ti Luk ŋmee ti na 16:15

Le u bui bi, “Nimi le ban ke binib li dak ke ni ye bininyaam. Uwumbɔr le nyi nisui ni aah bi pu na. Binib aah nyuŋni tiwan ni na ye fam le Uwumbɔr chee.

Jɔnn 7:24

Ni taa bii unii, kaa nyi tibɔr ti bi usui ni na. Puen bee tiwan ni bi usui ni na, aan ki nin len waabɔr mbamɔm.”

Jɔnn 8:15

Ni len maabɔr binibɔm aah len tibɔr pu na la. Maa len unii ubaa aabɔr.

Lituln 1:24

Le bi mee Uwumbɔr ke, “Tidindaan, aa nyi binib mɔmɔk aasui ni aah bi pu na. Mɔk timi unii u aa lee u na bijab bilee ngbaan ponn ni aan u li ye saakpambal ki gaa lituln li Judas nan di cha ki buen nin chee ŋeer u na.”

2 Korenti 10:10

Bibaa len ke m ŋmee tigbann ke mpɔɔndaan na, ke m yaa bi ni chee kan, maa pɔɔ, maaliin aa bi tibɔr tibaa ni.

2 Korenti 10:7

Tɔ, ni lik binib paacham la aa? Ubaa yaa bi ni ponn ni ki len ke u ye Kristo aanii kan, cha u teer ke ti mu ye Kristo aanib ke waah ye pu na la.

Hiibru Yaab 4:13

Tiwan nibaa aa bi ki bɔr Uwumbɔr. Tibɔr mɔmɔk nyan ki dɔ mpaan pu, ki dɔ tiŋmeen unimbil ni. Uma le ti ga len timi aabɔr ki tuk u.

1 Piita 2:4

Dan Tidindaan u ye limɔfadaan na chee man. U naahn litakpal li bidimaab yii li na la. Le Uwumbɔr lee u ke u ŋan sakpen.

1 Piita 3:4

Tiwan ni ga cha ni li ŋan na le ye mbimbin mu ŋan na. Ni yaa kpa mbimbin suuna kan, nima le ye kinyaan ki kaan fir, ki ŋan sakpen Uwumbɔr chee na.

Tibɔkpiirkaan 2:23

ki ga ku waabim mu. Le maanib bi bi ŋipepel mɔmɔk na ga bee ke min le nyi bisui ni aah bi pu na. M ga tii ni ponn ni unii mɔmɔk waatuln aah ŋeer pu na.

1 Samuel 2:3

Di cha nimi aapupuk ngbaan man; ŋmin man nimi aagaak aamɔliin ngbaan; ba pu? Uwumbɔr ye Uwumbɔr u nyi na la, le ki nyi binib mɔmɔk aah ŋani pu na.

1 Samuel 9:2

U nan kpa japɔɔn ubaa bi yin u ke Sɔɔl. Sɔɔl nan ye unachipɔɔn u ŋan na la, le ki nan paa Israel yaab aanii mɔmɔk pu liyil, le ki ŋan jer bi mɔmɔk.