1 Samuel 16:5 - Uwumbɔr aagbaŋ

⁵ Le Samuel bui bi ke, “Een, m dan m nan toor kitork tii Uwumbɔr la. Toor nibaa man, aan ti buen.” U nan toor Jese ni ujapɔtiib ke bi dan kitork ngbaan ni.

1 Samuel 16:5 ပူးပေါင်းရင်းမြစ်များ

Mpiin 35:2

Le Jakob bui waamaal, ni binib bimɔk nan bi u chee na ke, “Chuu nyan ŋiwaa ŋi mɔmɔk ni kpa na ki di mee man; ki ŋa nibaa chain aan ki kpeln nimi aawanpeenkaan man.

1 Bibɔrb 2:13

Le Adonija, u aana ye Hagif na, buen Solomonn aana Batseba chee. Le Batseba baa u ke, “Mmann mue ye kijɔtiik aamann la aa?”

1 Bibɔrb Aabɔr 12:18

Le Uwumbɔr Aafuur Nyaan gbiin bi ponn ni ubaa, u bi yin u ke Amasai na. U nan ŋa “Piitaa Na” aayidaan n‑yoonn mubaa, le u teen ke, “Jese aajapɔɔn David, ti si aachaŋ ni la. Linyaŋ ye sin ni binib bi ter si na yaan la. Uwumbɔr bi aa chee.” David nan gaa bi iŋaal ilee, le ki ŋa bi bininkpiib waajab ni.

Job Aagbaŋ 1:5

Njim ngbaan mubaa yaa ti jer ki woln kitaak na kan, Job ga fii lichakpitaawoln le ki toor kitork, waabim ngbaan ubaa mɔk pu. U dak ke nibaakan bi ponn ni ubaa ga li sii Uwumbɔr, ki tun u taani, kaa nyi, nima pu le u nan ŋani kina n‑yoonn mɔmɔk.

Nnyam 19:10

le Uwumbɔr bui u ke, “Li cha binib ngbaan chee, ki ti tuk bi ke bi di din ni fen, aan ki toor ki ŋaŋ bibaa ki nan doon mi. Bi finn baakeken,

Joel 2:16

Kuun binib mɔmɔk kpaan tɔb chee; cha bi mɔmɔk gor bibaa ki li kii nkuun mu bi chain na; li joo ni binib bi por na; kuun bibilb ni mbipɔm mu. Hali binib bi laa mɔn tichar na ga nyan ni baadir ni ki dan.

Sefania 1:7

Uwumbɔr aawiin peen ni a, nwiin mundaal Uwumbɔr ga ji binib tibɔr na peen ni a, kina pu na, li ŋmin suuna man. Uwumbɔr gor ke u kɔr waanib ke kitork aawakor na la, le ki yin baadim ke bi nan yoor baawan.

Nkahm 11:8

Kinyeek kan, le mana nan dii limaln, ki lir mann goln baah ka pu na. Le ni yaa woln kichakpiik ni kan, binib ngbaan fii ban mana ngbaan, bi yaa ban kan, bi ga nan ni, bee bi ga san ni le ni ŋa n‑yon, le bi ga ŋaan ni ki di ni ŋa maab papam. Le u mɔ ke baah di olif aakpan le ken u na.

1 Korenti 11:28

Nima pu na, cha unii mɔmɔk lik waabimbin aah bi pu na aan ki nin ŋmɔ boroboro ngbaan ki nyu tiwanyukaan ngbaan.

Josua 3:5

Le Josua bui binib ngbaan ke, “Toor nibaa man, ba pu? Uwumbɔr ga fe ŋa lijinjiir aatuln nikaasisik ni.”

Josua 7:13

Fii sil. Toor binib ngbaan ki cha bi dan m chee. Tuk bi ke bi fe gor bibaa; ba pu? Min, u ye nimi Israel yaab Aadindaan Uwumbɔr na aah kpa pu m len na sɔ: ‘Israel yaab, ni joo tiwan ni m bui nimi ke ni bii ni na nibaa chee. Naan ŋmaa sil nimi aadim aanimbiin ni, see ni nyan tiwan ngbaan.’

1 Samuel 20:26

Sɔɔl mu aa nan len tibaa liyaadaal ngbaan; ba pu? u nan dak ke, “Nibaa le ga li ŋa u, le waa toor ubaa kiir njim ngbaan.”