1 Samuel 16:18 - Uwumbɔr aagbaŋ

¹⁸ Bitutum ngbaan ubaa nan len ke, “Jese, u nyan ni Betlehem na kpa japɔɔn ubaa, u ye ubeegbaar la. U ki ye unii u kaar ki ŋan na la, ki ye u ŋmaa to butɔb mbamɔm, ki ye u ŋmaa len na la, le Uwumbɔr bi u chee.”

1 Samuel 16:18 ပူးပေါင်းရင်းမြစ်များ

Mpiin 39:2

Le Uwumbɔr nan bi Josef chee ki cha u tun lituln mbamɔm. Le u nan bi Ijipt aaninkpel ngbaan do,

Mpiin 39:23

Uwumbɔr aah nan bi Josef chee aan u tun lituln mbamɔm pu na, unaagbiijool ngbaan aa ki muk ubaa lituln li u di ŋa Josef aaŋaal ni na pu.

2 Samuel 14:20

Tɔ, u tee ŋa kina ke u toor tibɔr timina la. Mpɔɔndaan, aa kpa nlan ke Uwumbɔr aatuun na la, ki nyi tiwan nimɔk ŋani na.”

2 Samuel 17:10

Israel yaab mɔmɔk nyi ke David ye ujakpaan, le waajab mu kpa lipobil, nima pu le uja umɔk kaar kaa san nibaa ke uchinn na, ga san ijawaan.

2 Samuel 17:8

Aa nyi ke aate David ni waajab ye bijab bi kpa lipobil na la, ki ki nyi ke bi bir ke baah chuu kipeewanbiik ki aabo na la. Aate ye uja u nyi butɔb aabɔr na la, le waa doo waajab chee kinyeek.

Ŋiyataŋak 12:8

Aa yaa kpa ichiin kan, aa ga kan kipak; aa yaa ye ulatiir kan, binib ga lik seen si.

Matiu 1:23

“Usapɔɔn u kaa nyi uja na ga nan dek lipuul ki maa ubijabo, bi ga li yin u ke Imanuel.” (Imanuel aatataa le ye ke “Uwumbɔr bi ti chee”.)

Matiu 28:20

ki tuk bi ke bi li keei maah tuk nimi pu na mɔmɔk. Teer man ke m bi ni chee n‑yoonn mɔmɔk, ki nan saa dulnyaa aadoon.”

1 Samuel 10:7

Tiwan nee mɔmɔk yaa bi ŋani kan, ŋa Uwumbɔr aah mɔk si pu na mɔmɔk, uma le bi aa chee.

1 Samuel 16:12

Kina pu le Jese nan tun ke bi yin ni u. U nan ye unachipɔɔn u ŋan ki pɔɔ na, le unimbil wiin chain. Uwumbɔr nan bui Samuel ke, “Uma le na. Kaan u.”

1 Samuel 16:17

Le Sɔɔl nan tii bi nsan ke, “Ban kan man unii u ŋmaa gbaa mbamɔm na, ki li joo ni u m chee do.”

1 Samuel 16:19

Kina pu le Sɔɔl tun ti bui Jese ke, “Di aajapɔɔn David u kpaa ipiih na tii ni mi do.”

1 Samuel 17:12

David nan ye Efraf aanii Jese u nyan ni Betlehem aatiŋ ki bi Juda ni na aajapɔɔn la. Jese nan kpa japɔtiib biniin la, ki nan ye uninkpel u kpa kipak na buyoonn Sɔɔl nan ye ubɔr na.

1 Samuel 3:19

Samuel aah chikr cha na, le Uwumbɔr nan bi u chee ki cha Samuel aah len pu na mɔmɔk gbiini kina.