1 Samuel 16:16 - Uwumbɔr aagbaŋ

¹⁶ Timi aaninkpel, tiin timi nsan aan ti ban unii u ŋmaa gbaa kibeek na, aan tiyayaar ngbaan yaa ti ki fii aa pu kan, udaan li gbaa kibeek aan aalan ki sɔŋ.”

1 Samuel 16:16 ပူးပေါင်းရင်းမြစ်များ

1 Bibɔrb 10:8

Aapuutiib kpa liyinyaan. Le saatutum bi bi aa chee n‑yoonn mɔmɔk ki kpa nsan ke bi li ŋun saaninkpeliin na mu kpa liyinyaan.

2 Bibɔrb 3:15

Tɔ, ban ubeegbaar ubaa tii mi.” Ubeegbaar ngbaan aah bi gbaa waabeek na, le Uwumbɔr aapɔɔn sunn ni Elaisa pu,

1 Samuel 10:5

Aa yoor ti fuu Uwumbɔr Aagongoln li bi Gibea ni na, aa ga kan Filistia yaab kuun ki bi nima. Kitiŋ ngbaan aabisamɔb chee, aa ga kan Uwumbɔr aabɔnabtiib bibaa nyan ligongoln paab, Uwumbɔr aatork aabimbiln chee, ki sunn choo ki gbaa tibar ni ŋigangan, ki pii ŋiwul mam. Bi ga li bi pak Uwumbɔr, Waafuur Nyaan aapɔɔn pu.

1 Samuel 16:14

Uwumbɔr Aafuur Nyaan nan nyan Sɔɔl ni, le Uwumbɔr di tiyayaar tun ni Sɔɔl pu, le ti joo u muk.

1 Samuel 16:15

Le waatutum bui u ke, “Ti nyi ke Uwumbɔr le tun ni tiyayaar le ti nan joo si muk kina.

1 Samuel 16:17

Le Sɔɔl nan tii bi nsan ke, “Ban kan man unii u ŋmaa gbaa mbamɔm na, ki li joo ni u m chee do.”

1 Samuel 18:10

Kitaak aah woln na, le tiyayaar ti nyan ni Uwumbɔr chee na fii Sɔɔl pu libuul ni, le u ŋma tijar udo ke uwaar na. David nan bi gbaa kibeek, ke waah ti ŋani pu iwiin mɔmɔk na, le Sɔɔl ka joo kikpaatuŋ uŋaal ni, le ki bui ubaa ke,

1 Samuel 19:9

Daalbaadaal, le tiyayaar ti nyan ni Uwumbɔr chee na fii Sɔɔl pu. U nan ka waadichal ni, ki joo kikpaatuŋ uŋaal ponn ni. Le David mu bi nima, ki gbaa kibeek.