1 Samuel 16:14 - Uwumbɔr aagbaŋ

¹⁴ Uwumbɔr Aafuur Nyaan nan nyan Sɔɔl ni, le Uwumbɔr di tiyayaar tun ni Sɔɔl pu, le ti joo u muk.

1 Samuel 16:14 ပူးပေါင်းရင်းမြစ်များ

2 Samuel 7:15

Maan tee nyan maaterm u chee ke maah nyan Sɔɔl u m nan nyan u ke aa ji nnaan na.

1 Bibɔrb 22:19

Mikaya nan ki len ke, “Tɔ, li pel man Uwumbɔr aah len pu na. M kan Uwumbɔr ka waabɔrjal pu paacham, le waatuuntiib mɔmɔk si gbɔk u.

1 Bibɔrb 22:22

Le Uwumbɔr baa mu ke, ‘Aa ga ŋa kinye?’ Le mu gar u ke, ‘M ga buen le ki ti cha Ahab aabɔnabr mɔmɔk mɔnn inyamɔn.’ Le Uwumbɔr bui ke, ‘Li cha ki ti ŋmann u. Aa ga ti ŋman.’”

Ilahn 51:11

Taa jenn mi aanimbiin ni kookoo; taa chuu nyan Saafuur Nyaan m chee.

Hosea 9:12

Tɔ, bi yaa ma mbim kan, m ga yoor bi mɔmɔk kaan gur ubaa. N‑yoonn mu m siir cha binib bee na kan, tibɔbir pam le ga kan bi.”

Bibɔjirb 16:20

Delila nan teen mpɔɔn pu ke, “Samsonn, Filistia yaab choo.” U nan finn le ki dak usui ni ke, “M ga ti gaa mbaa lii ke maah ti ŋani pu na.” Waa nan nyi ke Uwumbɔr aa nan ki bi u chee.

Bibɔjirb 16:29

Samsonn nan chuu jaatɔlk tiib bilee bi si sisik ni ki joo lidichal ngbaan na. U nan di uŋaal mubaa nyii jaatɔlk ubaa pu, ki di muken nyii uken pu, le ki tur bi,

Bibɔjirb 9:23

Le Uwumbɔr nan cha Abimelek ni Sekem aatiŋ aanib gur nan tɔb, le bi nyan sil u pu.

1 Samuel 11:6

Sɔɔl aah ŋun kina na, le Uwumbɔr Aafuur Nyaan gbiin u, le u pɔɔk nyib, le usui fii,

1 Samuel 16:15

Le waatutum bui u ke, “Ti nyi ke Uwumbɔr le tun ni tiyayaar le ti nan joo si muk kina.

1 Samuel 16:16

Timi aaninkpel, tiin timi nsan aan ti ban unii u ŋmaa gbaa kibeek na, aan tiyayaar ngbaan yaa ti ki fii aa pu kan, udaan li gbaa kibeek aan aalan ki sɔŋ.”

1 Samuel 16:23

Ki nyan n‑yoonn ngbaan ki joo cha, tiyayaar ti Uwumbɔr di tun ni u pu na yaa ti fii u pu kan, le David yoor waabeek ki gbaa, le tiyayaar ngbaan ti di cha u, le u ki kpaln unii.

1 Samuel 18:10

Kitaak aah woln na, le tiyayaar ti nyan ni Uwumbɔr chee na fii Sɔɔl pu libuul ni, le u ŋma tijar udo ke uwaar na. David nan bi gbaa kibeek, ke waah ti ŋani pu iwiin mɔmɔk na, le Sɔɔl ka joo kikpaatuŋ uŋaal ni, le ki bui ubaa ke,

1 Samuel 18:12

Sɔɔl nan gur san David ijawaan la; ba pu? Uwumbɔr nan siir cha uma Sɔɔl ki bi David chee.

1 Samuel 28:15

Le Samuel baa Sɔɔl ke, “Ba ŋa aa muk mi kina? Ba ŋa aa cha m gir ni?” Le Sɔɔl kii u ke, “M bi limukl sakpeln ni la. Filistia yaab bi to mi butɔb la, le Uwumbɔr siir cha mi. Waa ki gar mi tidaŋ ponn ni, bee waabɔnabtiib chee. Kina pu le m yin si ke aa nan bui mi maah ga ŋa pu na.”