1 Samuel 16:13 - Uwumbɔr aagbaŋ

¹³ Samuel nan yoor olif aakpan ki di kpir David aayil pu, ki kaan u nnaan, ukpetiib aanimbil ni. Libuul ngbaan ni le Uwumbɔr Aafuur nyaan gbiin David, ki cha u pɔɔk nyib, ki bi u chee ki joo cha. Le Samuel gir buen Rama ni.

1 Samuel 16:13 ပူးပေါင်းရင်းမြစ်များ

2 Samuel 12:7

Le Natann bui David ke, “Sin le ye uja ngbaan. Le Israel yaab Aadindaan Uwumbɔr bui si ke, ‘M ŋa si Israel yaab aabɔr ki gaa si lii Sɔɔl chee.

2 Samuel 2:4

Le Juda aajab dan Hebronn aatiŋ ni, ki nan di nkpan kpir uyil pu, ki kaan u Juda aatiŋ aanaan. David aah ŋun ke Gilead aatiŋ ki bi yin ki ke Jabes na aanib le sub Sɔɔl na,

2 Samuel 23:1

Jese aajapɔɔn David le ye uja u Uwumbɔr nan tii u liyimbil na, Uwumbɔr u Jakob mu nan dii u na le nan lee u ubɔr, uma le nan naan Israel yaab aalahn i mɔ na. David aakookoo aabɔr sɔ:

2 Samuel 5:3

Kina pu le Israel yaab aayidam mɔmɔk dan Ubɔr David chee, Hebronn aatiŋ ni. U ni biyidam ngbaan nan ŋa kimɔbaan ki pɔɔ na, le bi di nkpan kpir uyil pu, ki kaan u Israel aatiŋ aanaan.

2 Bibɔrb 9:6

Le bima bilee ngbaan dii koo kidiik ni, le ubɔnabr pɔɔn ngbaan di olif aakpan na kpir Jehu aayil pu ki bui u ke, “Israel yaab Aadindaan Uwumbɔr le len ke: ‘Min le kaan si maanib Israel yaab aabɔr.

1 Bibɔrb Aabɔr 11:3

Kina pu le Israel yaab aayidam mɔmɔk dan Ubɔr David chee Hebronn aatiŋ ni. U ni biyidam ngbaan nan ŋa kimɔbaan Uwumbɔr aanimbiin ni, le bi di nkpan kpir uyil pu, ki kaan u Israel aatiŋ aanaan, ke Uwumbɔr aah nan puu pu tii Samuel na.

Ilahn 89:20

M di maakpan mu bi chain na kpir maatutunn David aayil pu, ki ŋa u ubɔr.

Ilahn 89:21

Maapɔɔn ga li bi u chee n‑yoonn mɔmɔk, maapɔɔn le ga tii u mpɔɔn.

Nkahm 11:17

M ga sunn ni ki nan len aa chee tibɔr nima, le ki di Maafuur Nyaan mu m di tii si na ngem, tii bi mu. Nima kan, bi ga ŋmaa ter si, aa joo binib ngbaan, le naan ki li ye si baanja le ga li joo bi.

Nkahm 27:18

Uwumbɔr nan bui Moses ke, “Nyan Nunn aajapɔɔn u bi yin u ke Josua na, uja u bi mbamɔm na, ki di aaŋaal paan uyil paab.

Jɔnn 3:34

Yesu u Uwumbɔr tun ni u na le len uma Uwumbɔr aabɔr; ba pu? Uwumbɔr di Waafuur Nyaan mu kaa kpa ŋŋaŋ na gbiin u.

Lituln 13:22

Nee aapuwɔb le Uwumbɔr nyan u bi chee, ki di David ŋa baabɔr, ki len ke, ‘David u ye Jese aajapɔɔn na bi maah gee pu na. U ga li ŋani maah gee pu na mɔmɔk.’

Hiibru Yaab 1:9

Aa gee lituln li ŋan na, le kaa gee titunwanbir. Nima pu le Uwumbɔr u ye Saawumbɔr na lee si, ki tii si mpopiin ki jer aaŋeen aatɔtiib mɔmɔk.”

Hiibru Yaab 11:32

Tɔ, m ga ki len ke ba? Maa kpa n‑yoonn ke m len Gideonn, ni Barak, ni Samsonn, ni Jefta, ni David, ni Samuel, ni Uwumbɔr aabɔnabtiib aabɔr.

Bibɔjirb 11:29

N‑yoonn ngbaan le Uwumbɔr Aafuur Nyaan gbiin Jefta. U nan bɔ dii Gilead ni Manase aatim ni, ki gir ni Mispa aatiŋ ki bi Gilead ni na, le ki di buen Amonn aatiŋ ni.

Bibɔjirb 13:25

Le waah nan bi Dann aajab aakakaa ni, Sora ni Estaol aatim aakaasisik ni na, Uwumbɔr Aafuur Nyaan piin ki tii u mpɔɔn.

Bibɔjirb 14:6

Libuul ngbaan ni le Uwumbɔr Aafuur Nyaan gbiin Samsonn, le u pɔɔk nyib, le u di uŋaal chuu uchinn ngbaan ki daa par u, ke waah ye uŋobo le na. Tɔ, waa nan kpiir tuk ute ni una waah ŋa pu na,

Bibɔjirb 3:10

Uwumbɔr Aafuur nan koo u, le u ŋa Israel yaab aasaloln. Otniel nan faa Mesopotamia aabɔr butɔb, le Uwumbɔr cha u nyaŋ u.

1 Samuel 1:19

Naah woln kichakpiik ni na, le Elkana ni waadichal fii mala, ki ki doon Uwumbɔr, le ki gir kun Rama aatiŋ ni. Tɔ, Elkana nan doon upuu Hana chee, le Uwumbɔr kii waameel.

1 Samuel 10:1

Le Samuel yoor likpasambil ki di mu kpir Sɔɔl aayil pu, ki moor utakpiln, le ki bui u ke, “Uwumbɔr le toor si ke aa li ye Israel aanib aajojoor. Sin le ga li joo waanib ki kii bi, baadim taa pii bi. Nimina le ga li ye seeraa u ga mɔk ke Uwumbɔr lee si ke aa li ye waanib aajojoor na:

1 Samuel 10:6

Libuul ngbaan ni le Uwumbɔr Aafuur Nyaan ga gbiin si, le aa ga kpaan bi chee, baah bi pak Uwumbɔr, Waafuur Nyaan aapɔɔn pu pu na, le ki ga kpaln uniyayan.

1 Samuel 11:6

Sɔɔl aah ŋun kina na, le Uwumbɔr Aafuur Nyaan gbiin u, le u pɔɔk nyib, le usui fii,

1 Samuel 16:18

Bitutum ngbaan ubaa nan len ke, “Jese, u nyan ni Betlehem na kpa japɔɔn ubaa, u ye ubeegbaar la. U ki ye unii u kaar ki ŋan na la, ki ye u ŋmaa to butɔb mbamɔm, ki ye u ŋmaa len na la, le Uwumbɔr bi u chee.”

1 Samuel 18:12

Sɔɔl nan gur san David ijawaan la; ba pu? Uwumbɔr nan siir cha uma Sɔɔl ki bi David chee.

1 Samuel 2:35

Le m ga lee utotoor u ga dii mi mbamɔm, ki ŋani tiwan nimɔk m ban na. M ga tii u yaabitiib bi ga li tun maatuln, maabɔr u m lee u na chee n‑yoonn mɔmɔk.