1 Samuel 16:12 - Uwumbɔr aagbaŋ

¹² Kina pu le Jese nan tun ke bi yin ni u. U nan ye unachipɔɔn u ŋan ki pɔɔ na, le unimbil wiin chain. Uwumbɔr nan bui Samuel ke, “Uma le na. Kaan u.”

1 Samuel 16:12 ပူးပေါင်းရင်းမြစ်များ

Mpiin 39:6

Nima le cha Potifa di waawan mɔmɔk ki di ŋa Josef aaŋaal ni, ki kan lifuur, kaa ki tun nibaa see waah ji tijikaar ti na baanja. Josef nan muun ki kpa tiwon le ki ŋan mu,

2 Samuel 23:1

Jese aajapɔɔn David le ye uja u Uwumbɔr nan tii u liyimbil na, Uwumbɔr u Jakob mu nan dii u na le nan lee u ubɔr, uma le nan naan Israel yaab aalahn i mɔ na. David aakookoo aabɔr sɔ:

2 Samuel 7:8

“Kina pu na, bui maatutunn David ke min Uwumbɔr, u yeh mpɔɔn na, le bui u ke, ‘Aa nan ye upihdaan le ki lik ipiih timoor ni, le m lee si ki di ŋa Israel yaab aajojoor.

1 Bibɔrb 1:34

Nima chee, Sadok, ni Natann di nkpan kpir uyil pu, ki kaan u Israel yaab aabɔr, le ki pii ukpiin ki teen mpɔɔn pu ke, ‘Ubɔr Solomonn li kpa limɔfafɔfɔŋ.’

Ilahn 2:2

Baabɔrb yiil Uwumbɔr aamɔb, le baajojoob kpaani ki kpokl Uwumbɔr, ni waah lee ubɔr u na pu.

Ilahn 2:6

U bui ke, “Maagongoln Sionn li bi chain na pu, le m maa kaan maabɔr.”

Ilahn 78:70

U nan lee waatutunn David la. U nan ti nyan ni u kinaakpaamook ni,

Nnyam 2:2

le ki ma u chee ubijabo. N‑yoonn ngbaan upii ngbaan aah kan ke ubijabo ngbaan ye ubo nyaan na le u di u bɔr iŋmal itaa.

Solomonn Aalahn 5:10

Mbɔɔn ŋan le ki pɔɔ; binib ŋichur kipiik ni kan, aa ga kan waaboln ubaa la.

Inandalahn 4:7

Timi aayidam nan ye binib bi kaa kpa tijɔŋ ki piin chain ke nkokoyon na la, bi nan kpa mpɔɔn, ki kpa laafee.

Sekaria 4:14

Le u bui mi ke, “Ima le ye bijab bilee bi Uwumbɔr, u ye kitiŋ kee mɔmɔk Aawumbɔr na, nyan bi ke bi li tun waatuln na.”

Lituln 4:27

Tɔ, David aah nan len pu na, ni ye mbamɔn la. Ubɔr Herod, ni Pontius Pailat, ni Juu yaab, ni binib bi kaa ye Juu yaab na nan kuun kitiŋ kee ponn ni, ke bi nan ku Saatutunn Yesu u ye chain na. Uma le aa nyan ke u gaa timi lii.

Lituln 7:20

N‑yoonn ngbaan le bi ma Moses, u nan ye ubo u ŋan sakpen na la. Le bi kpiin u ute do iŋmal itaa.

Hiibru Yaab 11:23

Moses aate ni una aah nan gaa Uwumbɔr ki kii pu na, le bi nan di u bɔr iŋmal itaa. Bi nan kan ke u ye ubo u ŋan sakpen na, kina pu na, baa nan san Ubɔr Faro aah nan siin ke bi ku bima Israel yaab aabijabim pu na aakaal.

1 Samuel 16:18

Bitutum ngbaan ubaa nan len ke, “Jese, u nyan ni Betlehem na kpa japɔɔn ubaa, u ye ubeegbaar la. U ki ye unii u kaar ki ŋan na la, ki ye u ŋmaa to butɔb mbamɔm, ki ye u ŋmaa len na la, le Uwumbɔr bi u chee.”

1 Samuel 17:42

Waah moo lik David mbamɔn na, le u lik seen u; ba pu? David nan laa ye unachipɔnbo, le ki ŋan.

1 Samuel 17:55

Sɔɔl aah kan David cha, u ni Goliaf ti jan na, le u baa waajab aaninkpel Abner ke, “Abner, ŋma aajapɔɔn ye u?” Le Abner bui u ke, “Maaninkpel, maa nyi u.”

1 Samuel 9:17

Samuel aah yaar tuu Sɔɔl pu na, le Uwumbɔr bui u ke, “Uja wee le m tuk si waabɔr na. Uma le ga joo maanib.”