1 Samuel 16:1 - Uwumbɔr aagbaŋ

¹ Uwumbɔr nan bui Samuel ke, “Aa ga li wii Sɔɔl pu ni ti yunn kinye? M yii u ke u taa ki li ye Israel yaab aabɔr. Tɔ, ban olif aakpan ki buen Betlehem ni, uja u bi yin u ke Jese na chee; ba pu? m lee ujapɔɔn ubaa ke u li ye ubɔr.”

1 Samuel 16:1 ပူးပေါင်းရင်းမြစ်များ

1 Bibɔrb 8:16

‘Ki nyan n‑yoonn mu m nyan ni maanib Ijipt aatiŋ ni ki nan saa din na, maa lee kitiŋ kibaa Israel yaab aatiŋ ni, ke nima chee le bi ga maa Lidichal li ponn ni bi ga li dooni mi na. M tee lee si David, ke aa li joo maanib Israel yaab.’”

2 Bibɔrb 9:1

N‑yoonn mue na, Uwumbɔr aabɔnabr Elaisa nan yin bibɔnabpɔm ngbaan ponn ni ubaa ki nan bui u ke, “Gor aabaa ki buen Ramof aatiŋ ki bi Gilead aatiŋ pu na ni. Li joo olif aakpasambil limina.

2 Bibɔrb 9:3

ki di olif aakpan mue kpir uyil pu, ki len ke, ‘Uwumbɔr le len ke u kaan si Israel yaab aabɔr.’ Aa yaa doo kan, aa nya nima mala.”

2 Bibɔrb 9:6

Le bima bilee ngbaan dii koo kidiik ni, le ubɔnabr pɔɔn ngbaan di olif aakpan na kpir Jehu aayil pu ki bui u ke, “Israel yaab Aadindaan Uwumbɔr le len ke: ‘Min le kaan si maanib Israel yaab aabɔr.

1 Bibɔrb Aabɔr 11:3

Kina pu le Israel yaab aayidam mɔmɔk dan Ubɔr David chee Hebronn aatiŋ ni. U ni biyidam ngbaan nan ŋa kimɔbaan Uwumbɔr aanimbiin ni, le bi di nkpan kpir uyil pu, ki kaan u Israel aatiŋ aanaan, ke Uwumbɔr aah nan puu pu tii Samuel na.

1 Bibɔrb Aabɔr 28:4

Timi Israel yaab Aadindaan Uwumbɔr lee min ni n‑yaabitiib le ke ti li ye Israel aajojoob, ki ti saa n‑yoonn mu kaa kpa ndoon na. U nan lee Juda aanibol ke bi li ye bisalolm, le ki nyan nte aadichal Juda aanibol ni. Lidichal ngbaan mɔmɔk ni, ni nan ye waageehn le ke u lee mi ki di mi ŋa Israel yaab mɔmɔk aabɔr.

Aisaya 11:1

Baah gaa busub lii aan ibonpɔɔn ki kpenn pu na, kina le ubɔrkpaan David aamaal ponn ni bi. Ubɔrkpaan pɔɔn ga ki nyan ni David aayaabitiib ni.

Aisaya 11:10

Nwiin mubaa choo, le ubɔrkpaan pɔɔn ubaa ga nyan ni ubɔrkpaan David aamaal ni, ki fuu ni, ki ga li ye ŋitimbol mɔmɔk aamɔkl. Bi ga kuun waanaan aatiŋ ni ki nyuŋ u.

Aisaya 55:4

M nan ŋa u ŋitimbol mɔmɔk aayidaan; le ki cha bi kan maapɔɔn aah bi pu na u pu.

Jeremia 11:14

Jeremia, taa mee limeel tii binib ngbaan, taa gaŋ mi bi pu. Bi yaa bi tibɔr ni ki yin mi ki ban nterm kan, maan gar bi.”

Jeremia 15:1

Le Uwumbɔr bui mi ke, “Hali Moses ni Samuel le yaa ba si do ki gaŋni mi kan, maa ba ga san binib bee kinimbaak. Cha bi li cha; taa cha nnimbil ki kan bi.

Jeremia 6:30

Min, Uwumbɔr aah yii maanib na, le bi ga li gur yin bi ke tigbengbir ti kaa kpa tinyoor na.”

Jeremia 7:16

Uwumbɔr bui ke, “Jeremia, taa mee limeel tii binib bee. Taa wii, ki taa mee limeel bi pu; taa gaŋni mi, ba pu? maan pel saameel.

Sekaria 4:14

Le u bui mi ke, “Ima le ye bijab bilee bi Uwumbɔr, u ye kitiŋ kee mɔmɔk Aawumbɔr na, nyan bi ke bi li tun waatuln na.”

Rom Yaab 15:12

Uwumbɔr aabɔnabr Aisaya mu nan len ke, “Jese aayaabil ga fuu ni. Uwumbɔr ga tii u mpɔɔn u li ye binib bi kaa ye Juu yaab na aayidaan. Le bi ga gaa u ki kii.”

Hiibru Yaab 11:32

Tɔ, m ga ki len ke ba? Maa kpa n‑yoonn ke m len Gideonn, ni Barak, ni Samsonn, ni Jefta, ni David, ni Samuel, ni Uwumbɔr aabɔnabtiib aabɔr.

1 Jɔnn 5:16

Unii yaa kan una aabo tun titunwanbir ti kaan cha u kpo na kan, u ga mee Uwumbɔr tii u. Le Uwumbɔr ga tii u limɔfal. Binib bi tun titunwanbir ti kaan cha bi kpo na, Uwumbɔr ga tii bi limɔfal. Le titunwanbir ti cha binib kpo na mu bi. Maa len ke ni li mee Uwumbɔr tii binib bi tun titunwanbir ngbaan na.

1 Samuel 10:1

Le Samuel yoor likpasambil ki di mu kpir Sɔɔl aayil pu, ki moor utakpiln, le ki bui u ke, “Uwumbɔr le toor si ke aa li ye Israel aanib aajojoor. Sin le ga li joo waanib ki kii bi, baadim taa pii bi. Nimina le ga li ye seeraa u ga mɔk ke Uwumbɔr lee si ke aa li ye waanib aajojoor na:

1 Samuel 15:11

“Nsui bii, maah ŋa Sɔɔl ubɔr pu na. U fenn upuwɔb tii mi, le ki yii maah tuk u pu na.” Liŋuul nan chuu Samuel, le kinyeek ngbaan ki ti woln u nan bi gaŋni Uwumbɔr.

1 Samuel 15:23

Aa yaa yii waamɔb kan, ni ye titunwanbir ke kisook na la. Kigaak mu bir ke ŋiwaa aadoon na la. Saah yii Uwumbɔr aamɔb pu na, kina le u mu yii si, ke saan ki li ye ubɔr.”

1 Samuel 15:26

Le Samuel bui u ke, “Maan gir dii si buen. Aa yii Uwumbɔr aamɔb, le u mu yii si, ke saan ki li ye Israel yaab aabɔr.”

1 Samuel 15:35

Ki nyan nima ki ti saa Samuel aakundaal, waa nan ki kan ubɔr Sɔɔl, le ki tee wii u pu. Uwumbɔr aasui nan bii ke u ŋa Sɔɔl Israel yaab aabɔr.

1 Samuel 16:15

Le waatutum bui u ke, “Ti nyi ke Uwumbɔr le tun ni tiyayaar le ti nan joo si muk kina.

1 Samuel 16:23

Ki nyan n‑yoonn ngbaan ki joo cha, tiyayaar ti Uwumbɔr di tun ni u pu na yaa ti fii u pu kan, le David yoor waabeek ki gbaa, le tiyayaar ngbaan ti di cha u, le u ki kpaln unii.

1 Samuel 17:12

David nan ye Efraf aanii Jese u nyan ni Betlehem aatiŋ ki bi Juda ni na aajapɔɔn la. Jese nan kpa japɔtiib biniin la, ki nan ye uninkpel u kpa kipak na buyoonn Sɔɔl nan ye ubɔr na.

1 Samuel 9:16

“Fen kinakokoona, m ga fe tun ni uja ubaa aa chee. U nyan ni Benjaminn aanibol ponn ni la. Toor u ki di u kaan nnaan, u li joo maanib Israel yaab. Le u ga gaa bi Filistia yaab chee lii. M kan maanib ngbaan aafalaa, ki ŋun baah wii pu ki ban nterm na.”