1 Samuel 15:9 - Uwumbɔr aagbaŋ

⁹ Tɔ, Sɔɔl ni waajab aa nan ku ubɔr Agag, kaa ku ipiih ni inaa i ŋan na, ni inaabi, ni ipihbi, bee tiwan nimɔk ŋan na. Bi nan bii tiwan ni kaa ŋan kaa bi tibaa ni na baanja la.

1 Samuel 15:9 ပူးပေါင်းရင်းမြစ်များ

2 Samuel 6:13

Bijab bi nan tu Uwumbɔr Aakaal Aadakaa ngbaan na aah nan yoor ŋitaa ti pii ŋitaa ŋiloob na, le David cha bi sil, le u di unaaja, ni unaabo u bi kpiin u, u filk na, toor kitork tii Uwumbɔr nima.

1 Bibɔrb 20:34

Le Ben‑Hadad bui u ke, “M ga giin ntim mu nte nan gaa aate chee na tii si, le aa ga ŋmaa ŋa saanyaŋ Damaskus aatiŋ ni ke nte aah nan ŋa kinyaŋ Samaria aatiŋ ni pu na.” Ahab nan gar u ke, “Tipuur tee pu le m ga di si lii.” U ni uma nan ŋa kimɔbaan, le u di u lii.

Matiu 26:9

Ti ba ga ŋmaa di u kooh ki kan ilik sakpen ki di tii bigiim.”

Josua 6:18

Ni taa yoor tiwan ni Uwumbɔr tuk timi ke ti bii na nibaa. Ni yaa yoor nibaa kan, ni ga joo ni tibɔbir Israel yaab pu.

Josua 7:21

Tiwan nimɔk ti jenn gaa na ponn ni, m kan Babiloŋ yaab aabɔkul nyaan libaa, ni tikunabr ti aanyunyuun ga pii njikaabim kuruwaa bilee na, ni salmaa u aanyunyuun ga pii njikaabim kuruwaa ubaa na, le nsui gee ni sakpen, le m yoor. M di tikunabr ngbaan le ŋa taab ki di ni mɔmɔk sub maabool ni. Ni ga kan ni nima.”

1 Samuel 15:10

Le Uwumbɔr bui Samuel ke,

1 Samuel 15:15

Sɔɔl nan kii u ke, “Maajab le gaa i Amalek yaab chee. Bi joo ipiih ni inaa i ŋan na ke bi di toor kitork tii Aadindaan Uwumbɔr la, le ki ku doo i gur na pel pel.”

1 Samuel 15:19

Ni ki ŋa kinye aan saa kii waamɔb? Ba ŋa aa ber ti gaa baawan, ki ŋa tiwan ni kaa piir Uwumbɔr aasui na?”

1 Samuel 15:3

Buen ti tak Amalek yaab ki doo baah kpa tiwan ni mɔmɔk na. Taa di cha nibaa; ku baajab mɔmɔk, ni bipiib, ni bibilb, ni mbipɔm, ni inaa, ni ipiih, ni laakumii tiib, ni ibon.”

1 Samuel 28:18

Aa yii Uwumbɔr aamɔb, kaa ku doo Amalek yaab mɔmɔk, ni baah kpa pu na. Nima pu le Uwumbɔr bi ŋani si kina dandana wee.