1 Samuel 15:6 - Uwumbɔr aagbaŋ

⁶ U nan tun ti bui Kenn aanib, bi aayaajatiib nan ŋa Israel yaab tiŋann buyoonn bi nan nyan ni Ijipt ni na ke, “Nyan cha man Amalek yaab, aan m taa nan ku nimi kpee bi pu.” Le Kenn yaab ngbaan nyan cha bi.

1 Samuel 15:6 ပူးပေါင်းရင်းမြစ်များ

Mpiin 15:19

ki kpee Kenn yaab aatim, ni Kenis yaab aatim, ni Kadmonn yaab aatim,

Mpiin 18:25

Mbamɔn, saan kpaan ki ku bininyaam ni titunwanbirdam kina. Sin Uwumbɔr aa kee ŋa kina, kaan kii ŋa kina mu. Aa yaa ŋa kina kan, bininyaam mu ga ji falaa titunwanbirdam chee. Saan kii ki ŋa kina. Sin Uwumbɔr u ye dulnyaa wee mɔmɔk aabɔjir na ga sil ŋa tiwan mɔmɔk ibamɔn ponn ni.”

1 Bibɔrb Aabɔr 2:55

Imaal imina, Tiraf, ni Simeaf, ni Sukaf yaab, bi nan koo Jabes aatiŋ ni na, nan ye biwanyib bi ŋmaa ŋmee ki ki lik binib aaŋmeen ki ŋmee ŋani tigbann ni na la. Bi nan ye Kenn yaab la, le ki yoor Rekab aapiib.

Nnyam 18:19

Dandana wee, cha m sur si, aan Uwumbɔr ga li bi aa chee. Ni ŋan ke aa li si binib ngbaan aasisii, Uwumbɔr aanimbiin ni, ki li joo ni baabɔr u chee.

Ŋiyataŋak 9:6

Nya maa‑nyi‑nibaa‑dam chee man, ki kan limɔfal. Li dii nlan aasan man.”

Nkahm 16:34

Israel yaab ngbaan mɔmɔk aah kan ki ŋun baah kaani pu na, le bi san nima chee. Bi nan tar ke, “Li san man. Nibaakan kitiŋ ga di ti mu nab.”

Lituln 2:40

Le Piita di tibɔr ti wiir na tuk bi Yesu aabɔr, le ki sur bi ki bui bi, “Pɔɔn nibaa man ki ŋmar, ki nya ntafadaan mu ga pii titunwanbirdam ngbaan na ni.”

2 Korenti 6:17

Nima le cha Uwumbɔr ki bui ke, “Nya binib bi kaa dii mi na ponn ni man, ki li bi nibaa, ki di cha titunwanbir, le m ga gaa nimi.

2 Timoti 1:16

Onesiforus pɔɔni ntaakpab kpala kpala. Maah nan bi kiyondiik ni na, inimɔɔn aa nan joo u kina pu. Cha Uwumbɔr san u ni waachiln ni aanib kinimbaak.

Tibɔkpiirkaan 18:14

Tijikaar nyaan ti kitiŋ ngbaan aanib aanimbil nan man ti pu na, taa ki bi bi chee. Tiwanpeenkaan ni ŋan na ni tiwanyaan mɔmɔk waŋ a. Baan ki kan ni.

Bibɔjirb 1:16

Moses aachool, u nan ye Kenn aanii na aayaabitiib nan nyan Jeriko, kitiŋ ki ye ŋibɔkpal aatiŋ na ni, ki dii Juda aanib buen kitikuun ki bi Arad aatiŋ aaŋangii wɔb, Juda aapepel ni na, le ki ti kal Amalek yaab chee nima.

Bibɔjirb 4:11

N‑yoonn mue na, Kenn aanii Heber nan puen gaa waakeken aabool likpaln aasub bubaa taab, Sananim aatiŋ ki bi gbɔk Kedes aatiŋ na chee. U nan fii udo yaab biken, Hobab, u nan ye Moses aachiin na aayaabitiib chee.

Bibɔjirb 5:24

Upiiyinyaan daan le ye Jael u aachal ye Kenn aanii Heber na, uma le ye upiiyinyaan daan u koo ŋikeken aaboo ni na.

1 Samuel 15:5

Le u ni waajab buen Amalek aatiŋ ni, ki ti dɔ nkpen mubaa aabufan ni ki kii.

1 Samuel 27:10

Akis ga ti baa u ke, “Aa buen ti binn la chee din wee?” Le David ga ŋmann u ki bui u ke u buen Juda aaŋangii wɔb la, bee Jerameel yaab aapepel, bee Kenn yaab aapepel la.

1 Samuel 30:29

ni Rakal aatim aanib, ni Jerameel aamaal, ni Kenn yaab,