1 Samuel 15:22 - Uwumbɔr aagbaŋ

²² Le Samuel bui u ke, “Uwumbɔr tee gee nilani: aa kii waamɔb, bee aa toor kitork tii u? Ni ŋan ke aa kii waamɔb ki jer ke aa di ipiih i ŋan na toor kitork tii u.

1 Samuel 15:22 ပူးပေါင်းရင်းမြစ်များ

Mpiin 4:4

Le Abel mu nan lik waapiih ponn ni waapihninkpel aah pue ma njan aapihbo u na, ki di toor kitork, ki di tinann ti kpa nkpan na ki tii Uwumbɔr. Le Uwumbɔr pak Abel ni waapiin,

Nnyam 19:5

Dandana wee, ni yaa ga kii maaliin aan ki joo maah puu tipuur ti na kan, ni ga li ye maanib. Min le yeh dulnyaa wee mɔmɔk, nimi le ga li ye bininyaam

Ŋiyataŋak 21:3

Ŋa ni ŋan ki tok na. Nima le piir Uwumbɔr aasui ki jer saah kɔr tiwakor ti ke aa toor kitork tii u na.

Ulandaan 5:1

Li nyi saah chaa Uwumbɔr Aadichal ni pu na. Aa yaa buen nima ke aa ti bae kan, ni ŋan ki jer bijɔrb bi kaa ŋmaa ganni tiwan ni ŋan na, ni ni kaa ŋan na ponn ni aah chaa ke bi ti toor kitork pu na.

Jeremia 11:4

Ti ye tipuur ti m nan puu tii biyaajatiib, buyoonn m nan nyan ni bi Ijipt aatiŋ ki nan bi ke mmii sakpiin ki tii bi na ni. M nan bui bi ke bi kii maamɔb ki li tun maah bui bi pu na mɔmɔk. M nan bui bi ke bi yaa keei maamɔb kan, bi ga li ye maanib, le m li ye Baawumbɔr.

Jeremia 11:7

Maah nan nyan ni biyaajatiib Ijipt aatiŋ ni na, m nan sak bi mbamɔm ke bi kii maamɔb, le ki beenin sakr bi ki nan saa din wee.

Jeremia 26:13

Ni kpeln mbimbin mu ni bi mu ni na, ni tiwan ni ni ŋani na, ki kii Nidindaan Uwumbɔr aamɔb. Ni yaa ŋa kina kan, u ga kpeln waalandak ki taa ki cha libiil li u bui ke u ga joo ni ni pu na dan.

Hosea 6:6

M ban nimi aageehm le n‑yoonn mɔmɔk, maa ban nimi aatork baanja la. M ga li gee ke maanib li nyi mi ki jer ke bi li joo kitork seer mmii ni tii mi.

Hosea 8:13

Bi toor kitork tii mi, le ki ŋmɔ kaanann. Le min Uwumbɔr aasui aa piin bi pu, le m ga teer baatunwanbir n‑yoonn mumina ki daa bitafal ti pu; m ga giin bi Ijipt aatiŋ ni.

Matiu 12:7

Uwumbɔr Aagbaŋ len ke waa ban ke binib toor kitork baanja ki tii u. U ban ke bi li san tɔb kinimbaak. Ni yaa ba nyi iliin ngbaan aatataa kan, naa ba ga galn binib bi kaa kpa taani na.

Matiu 23:23

“Nimi Uwumbɔr aakaal aamɔmɔkb ni Farisii yaab, tibɔbir bi ni pu; ni yakr tikpifar nfum kipiik ki nyan nibaa na ki di tii Uwumbɔr, ki muk nibaa ke ni joo Uwumbɔr aakaal mumina, ki yii nkaal mu ye nkaalkpaan na. Ni yii, kaa ŋani ni ŋan na, kaa san binib kinimbaak, kaa dii Uwumbɔr mbamɔm. Ni ŋan ke ni li joo nkaal ngbaan, ki yakr nimi aawan mu ki di tii Uwumbɔr.

Matiu 5:24

di saapiin di bil nima, ki buen ti chuu utaal waahr, aan ki nin gir ni ki nan tii Uwumbɔr ipiin ngbaan.

Matiu 9:13

Uwumbɔr Aagbaŋ len ke waa ban ke binib toor kitork baanja ki tii u. U ban ke bi li san tɔb kinimbaak la. Li cha ki ti bae tibɔr ngbaan aatataa. Maa dan ke m nan yin bininyaam. M dan ke m nan yin titunwanbirdam [ke bi nan kpeln baabimbin.”]

Tibɔnyaan ti Mak ŋmee ti na 12:33

Unii yaa gee Uwumbɔr usui mɔmɔk ni, ni waalandak mɔmɔk, ni waapɔɔn mɔmɔk, ki gee una aabo ke waah gee ubaa pu na kan, nima le ŋan ki jer u di tiwakor toor kitork ki see mmii ni tii Uwumbɔr.”

1 Samuel 13:12

Le m dak ke Filistia yaab ngbaan ga dan nan tak mi Gilgal ni do, buyoonn maa kee toor kitork ki mee Uwumbɔr ke u ter mi na. Le m ŋa nlandak ke ni ŋan m toor kitork.”

1 Samuel 13:13

Samuel nan gar u ke, “Kijɔrk aatuln le aa tun na. Saa dii nkaal mu Aadindaan Uwumbɔr tii si na. Aa yaa ba dii mu kan, u ba ga cha sin ni aayaabitiib li joo Israel yaab ki ti saa n‑yoonn mu kaa kpa ndoon na.