1 Samuel 15:14 - Uwumbɔr aagbaŋ

¹⁴ Le Samuel baa u ke, “Kina kan, ni ŋa kinye aan m ŋun inaa wooni aan ipiih mu wii?”

1 Samuel 15:14 ပူးပေါင်းရင်းမြစ်များ

Ilahn 36:2

U dak ke waah nyuun sakpen pu na, Uwumbɔr aan ŋmaa kan waatunwanbir ki bui ke taa ŋan.

Nnyam 32:21

Le u baa Aaronn ke, “Binib ngbaan ŋa si kinye, aan aa cha bi tun titunwanbir sakpen timina aaboln?”

Tibɔnyaan ti Luk ŋmee ti na 19:22

Le u bui u, ‘Si ututunn u kaa ŋan na, saah len pu na, nima le bii si. Aa bui ke aa nyi ke m ye unii u chur binib mpɔɔn na ki gaal maah kaa yeh tiwan ni na, ki chee maah kaa nan bun tijikaar ti na.

Rom Yaab 3:19

Tɔ, ti nyi ke nkaal aah len pu na mɔmɔk len binib bi bi mu chee na la. Nima le dulnyaa wee ni aanib mɔmɔk aabɔr bii Uwumbɔr chee. Ubaa aan ŋmaa len tibaa ke u nyan ubaa tibɔr ni Uwumbɔr chee.

1 Korenti 4:5

Nima pu na, ni yaa kaa kee ŋeer kan, ni taa ji unii ubaa tibɔr, see Tidindaan nan gir ni. Uma le ga kpiir tiwan ni bɔɔ mbɔmbɔɔn ni na, ki kpiir unibɔn mɔmɔk aalandak. Liyaadaal ngbaan kan, Uwumbɔr ga pak binibamɔm mɔmɔk.

1 Samuel 15:15

Sɔɔl nan kii u ke, “Maajab le gaa i Amalek yaab chee. Bi joo ipiih ni inaa i ŋan na ke bi di toor kitork tii Aadindaan Uwumbɔr la, le ki ku doo i gur na pel pel.”