1 Samuel 15:11 - Uwumbɔr aagbaŋ

¹¹ “Nsui bii, maah ŋa Sɔɔl ubɔr pu na. U fenn upuwɔb tii mi, le ki yii maah tuk u pu na.” Liŋuul nan chuu Samuel, le kinyeek ngbaan ki ti woln u nan bi gaŋni Uwumbɔr.

1 Samuel 15:11 ပူးပေါင်းရင်းမြစ်များ

Mpiin 6:6

nima pu le usui bii sakpen, waah naan unibɔn u na pu.

Mpiin 6:7

Le u bui ke, “M ga kuln unibɔn, ni ipeel, ni tiwakor, ni inyoon, ni tiwan ni fu na mɔmɔk; ba pu? nsui bii maah naan unibɔn aan u tun titunwanbir ti na pu.”

2 Samuel 24:16

Uwumbɔr aatuun aah nan ban ti bii Jerusalem na, le Uwumbɔr kpeln waalandak, waanib aatafadaan ngbaan pu, ki bui waatuun mu bi ku bi na ke, “Sil nima. Ni ŋeer kina.” Uwumbɔr aatuun ngbaan nan ti fuu Jebus aatiŋ aanii Arauna aadipoipaal na chee la, le Uwumbɔr bui u kina.

1 Bibɔrb 11:9

Hali Israel yaab Aadindaan Uwumbɔr aah di ubaa mɔk Solomonn nfum mulee mɔk ki bui u ke u li nyi ki taa li dooni ŋiwaa na, Solomonn aa nan kii Uwumbɔr aamɔb, le ki fenn upuwɔb tii u. Kina pu le Uwumbɔr aaŋuul nan fii Solomonn pu,

1 Bibɔrb Aabɔr 10:13

Sɔɔl aah kaa nan dii Uwumbɔr mbamɔm na, le u nan kpo. U nan yii Uwumbɔr aakaal, le ki tee ban bitekpiib chee nsurm,

1 Bibɔrb Aabɔr 21:15

le ki tun waatuun ke mu ti bii Jerusalem, tɔ, u nan kpeln waalandak le ki bui ntuun ngbaan ke, “Sil nima. Ni ŋeer kina.” Uwumbɔr aatuun ngbaan nan ti si Jebus aatiŋ aanii Arauna aadipoipaal chee la.

Job Aagbaŋ 34:27

ba pu? bi yii, kaa ki dii u ki suln waakaal mɔmɔk.

Ilahn 109:4

M gee bi, ki mee Uwumbɔr tii bi, le baa lik waa kina, ki galn mi.

Ilahn 110:4

Uwumbɔr puu tipuukpaan, kaan kpeln ti ke, “Aa ga li ye utotoor ki ti saa n‑yoonn mu kaa kpa ndoon na ke Melkisedek aah nan ye pu na la.”

Ilahn 119:136

Binib aah yii saakaal pu na cha m wii, le maanyunyunn ti puu ke limɔɔl na.

Ilahn 125:5

Tɔ, aa yaa nan daa bibiindam aatafal kan, aa daa binib bi yii saasan na mu aatafal. Nsuudoon li bi Israel yaab pu.

Ilahn 36:3

Waabɔlen ye mbiin ŋmeen, le ki gbii inyamɔn; waa ki kpa nlan, kaa ki ŋani tiwan ni ŋan na.

Ilahn 78:41

Bi tɔŋni Uwumbɔr, ki ki gir tɔŋni u, ki cha uma Israel yaab Aawumbɔr u bi chain na aasui bii.

Ilahn 78:57

bi tee nyan upuwɔb kaa dii waah len pu na ke biyaajatiib na, kaa si chob ke mpiin mu gɔr na.

Nnyam 32:11

Tɔ, Moses nan gaŋ Udindaan Uwumbɔr le ki bui ke, “Uwumbɔr, ba ŋa aa cha saaŋuul fii saanib pu sakpen kina, naa ye saapɔɔn sakpiin pu le aa nan di nyan ni bi Ijipt aatiŋ ni ii?

Nnyam 32:14

Nima pu na, Uwumbɔr nan kpeln waalandak, le kaa ki daa bitafal waah nan dak pu na.

Jeremia 11:10

Bi gir buen biyaajatiib bi nan yii maah bui bi ke bi tun pu na aatunwanbir ni la; bi nan dooni ŋiwaa la. Israel ni Juda yaab mɔmɔk bii tipuur ti m ni biyaajatiib nan puu tii tɔb na.

Jeremia 13:17

Ni yaa kaan pel kan, m ga wii libɔɔl ni, nimi aagaak pu. Baah ga di Uwumbɔr aanib buen tinaagbiir ni pu na, m ga wii, le maanyunyunn ti li puu.

Jeremia 34:16

Tɔ, le ni ki kpeln nimi aalandak ki lik seen mi. Ni mɔmɔk ki gir chur nimi aanaagbiib bi ni nan di lii aan bi gee kina na, le ki ki chuu bi mpɔɔn ŋa tinaagbiir ni lelee.

Jeremia 9:1

N‑yil yaa ba ye nnyunbun, aan nnimbil mu ye uyayak aanyunbun kan, m ba ga li wii nwiin pu ni kinyeek, baah ku maanib bi na pu.

Jeremia 9:18

Le binib ngbaan bui ke, “Bui bi ke bi ŋa mala ki gaa nkpolahn tii timi, aan tinyunyunn ti gbiin tinimbil ni, aan tinimbil aagban sɔŋ ikpowiil pu.”

Esekiel 18:24

“Tɔ, uninyaan yaa di cha waatunyaan aatum ki piin ki tun titunwanbirdam aatun ŋi mɔmɔk sukr ponn ni na kan, u ga li beenin kpa limɔfal aa? Aayii. Maan ki teer waatunyaan na mɔmɔk libaa bɔr. U ga kpo waah kaa dii maamɔkm pu na ni waatunwanbir pu la.

Amos 7:3

Le Uwumbɔr kpeln waalandak ki bui ke, “Saah kan tiwan ni na aan ŋa kina.”

Jona 3:10

Uwumbɔr nan kan baah ŋa pu na; u nan kan ke bi di cha baabiin aabimbin, kina pu le u kpeln waalandak kaa ki daa bitafal ke waah ba ga daa pu na.

Jona 4:2

Le u mee Uwumbɔr ke, “Uwumbɔr, maah nan laa bi linampal na, m nan len ke kina le aa ga ŋa. Kina pu le m nan pɔɔn mbaa ke m san mala ki buen Speenn aatiŋ ni. M nyi ke aa ye Uwumbɔr u gee binib ki san bi kinimbaak na la, aa kpa limɔr n‑yoonn mɔmɔk, ki kpa tiŋann n‑yoonn mɔmɔk, ki ŋmaa kpelni saalandak kaa dar binib aatafal.

Sefania 1:6

M ga kuln binib bi mɔmɔk fenn bipuwɔb tii mi, kaa ki dii mi na, bima le aa ki choo m chee ke m nan li mɔk bi nsan na.”

Matiu 24:13

Unii umɔk ji limɔr ki dii mi ki ti saa limɔfal aadoon na, uma le ga ŋmar.

Matiu 5:44

Min le tuk nimi: ni li gee nimi aadim man, [ki bui binib bi seei nimi na ke, ‘Uwumbɔr ŋa tinyoor ŋa ni pu;’ ki ŋa binib bi nan nimi na tiŋann,] ki mee Uwumbɔr ki tii binib bi ŋani nimi falaa ki muk nimi na.

Tibɔnyaan ti Luk ŋmee ti na 6:12

N‑yoonn ngbaan le Yesu jon lijool paab, u ti mee Uwumbɔr, le ki mee u kinyeek ngbaan ki ti woln kitaak.

Hiibru Yaab 10:38

Uwumbɔr aaninyaam bi gaa u ki kii na ga li kpa limɔfal. Unii ubaa mu yaa gir puwɔb kan, waan piir Uwumbɔr aasui.”

Josua 22:16

Baah nan kpaan ki ye Uwumbɔr aanib aasalolm pu na, le bi bui bi ke, “Ba ŋa ni ŋa titunwanbir timina aaboln timi Israel yaab Aawumbɔr aanimbiin ni? Ni yii Uwumbɔr aamɔb, le ki maa kitork aabimbiln limina tii nibaa, kaa di li tii Uwumbɔr.

1 Samuel 12:23

M ma kan, Uwumbɔr taa cha m tun titunwanbir ke maan ki mee u tii nimi. M ga mɔk nimi nsan mu ŋan ke ni dii mu na.

1 Samuel 13:13

Samuel nan gar u ke, “Kijɔrk aatuln le aa tun na. Saa dii nkaal mu Aadindaan Uwumbɔr tii si na. Aa yaa ba dii mu kan, u ba ga cha sin ni aayaabitiib li joo Israel yaab ki ti saa n‑yoonn mu kaa kpa ndoon na.

1 Samuel 15:10

Le Uwumbɔr bui Samuel ke,

1 Samuel 15:3

Buen ti tak Amalek yaab ki doo baah kpa tiwan ni mɔmɔk na. Taa di cha nibaa; ku baajab mɔmɔk, ni bipiib, ni bibilb, ni mbipɔm, ni inaa, ni ipiih, ni laakumii tiib, ni ibon.”

1 Samuel 15:35

Ki nyan nima ki ti saa Samuel aakundaal, waa nan ki kan ubɔr Sɔɔl, le ki tee wii u pu. Uwumbɔr aasui nan bii ke u ŋa Sɔɔl Israel yaab aabɔr.

1 Samuel 15:9

Tɔ, Sɔɔl ni waajab aa nan ku ubɔr Agag, kaa ku ipiih ni inaa i ŋan na, ni inaabi, ni ipihbi, bee tiwan nimɔk ŋan na. Bi nan bii tiwan ni kaa ŋan kaa bi tibaa ni na baanja la.

1 Samuel 16:1

Uwumbɔr nan bui Samuel ke, “Aa ga li wii Sɔɔl pu ni ti yunn kinye? M yii u ke u taa ki li ye Israel yaab aabɔr. Tɔ, ban olif aakpan ki buen Betlehem ni, uja u bi yin u ke Jese na chee; ba pu? m lee ujapɔɔn ubaa ke u li ye ubɔr.”

1 Samuel 8:6

Baah nan ban pu na aa nan piir Samuel aasui, kina pu le u mee Uwumbɔr,