1 Samuel 14:6 - Uwumbɔr aagbaŋ

⁶ Le Jonatann bui unachipɔɔn ngbaan ke, “Cha ti puur buen Filistia aanifam ngbaan chee. Nibaakan Uwumbɔr ga ter timi. U yaa ga ter timi kan, nibaa aan ŋmaa kiir u, u taa di linyaŋ ngbaan tii timi ki bui ke taa wiir.”

1 Samuel 14:6 ပူးပေါင်းရင်းမြစ်များ

2 Samuel 1:20

Taa mooni ti Gaf aatiŋ ni. Taa tuk Askelonn aatiŋ aanib. Taa cha Filistia aapiib aasui piir; taa cha binib bi kaa dii Uwumbɔr na aabisatiib kan mpopiin.

2 Samuel 16:12

Nibaakan Uwumbɔr ga kan maanimbaak, ki tii mi tinyoor tibaa aan ti gaa waapuun ngbaan aabuul ni.”

2 Bibɔrb 19:4

Asiria aatiŋ aabɔrkpaan tun ni waaninkpiib aaninkpel ke u nan seei Uwumbɔr u bi kaa kpa ndoon na. Cha Aadindaan Uwumbɔr ŋun ŋisiibil ŋimina ki daa binib bi seei ŋi na aatafal. Kina pu na, mee Uwumbɔr tii timi aanib bi ŋmar na.”

2 Bibɔrb Aabɔr 14:10

Asa nan nyan ke bi ti kan tɔb, le bi mɔmɔk lul kiir butɔb, Sefata Aafataŋ ki bi duun Maresa aatiŋ na ni.

2 Bibɔrb Aabɔr 14:11

Asa nan mee Udindaan Uwumbɔr ke, “Uwumbɔr, aa ga ŋmaa ter bijab bi kaa kpa mpɔɔn na ke saah ga ter bi kpa mpɔɔn na pu na la. Tidindaan Uwumbɔr, ti lik sin pu, le ki nyan ni saayimbil pu ke ti ni bijab sakpem bee nan faa tɔb butɔb, ter timi n‑yoonn mue. Uwumbɔr, si le ye Tidindaan, ubaa aan ŋmaa nyaŋ si.”

Ilahn 135:6

U ŋani waah gee pu na paacham ni taab, ni nnyusakpem aataab.

Jeremia 9:23

Uwumbɔr ki bui ke, “Bilandam taa li kpa kipupuk baalan pu, binib bi pɔɔ na mu taa li kpa kipupuk baapɔɔn pu, biwankpadam mu taa li kpa kipupuk baawangol pu.

Jeremia 9:25

Uwumbɔr nan ki bui ke, “N‑yoonn choo, le m ga nan daa Ijipt, ni Juda, ni Edom, ni Amonn, ni Moab, ni nteersakpiin ni aanib bi chee biyigbeer pu aayikpir na aatafal. Ba pu? Bi kaa ye Juda aanib binib bimina ponn ni na gii ŋichakpan, le kaa dii mi. Juda aanib ma kan, bi gii ŋichakpan, kaa tee joo lichakpangeei aakaal aah mɔk pu na.”

Amos 5:15

Li nan kinimbɔŋ man, ki li gee tiwan ni ye ibamɔn na, aan ki cha ibamɔn li bi libɔjil ponn ni. Nibaakan, Uwumbɔr ga san binib bi gur linibol limina ni kaa kpoi na kinimbaak.

Sefania 2:3

Fenn gir ni Uwumbɔr chee, nimi binib bi mɔmɔk sunn nibaa taab ki kii waakaal na, fenn gir ni u chee man. Ŋa tiwan ni ŋan na man, ki sunn nibaa taab Uwumbɔr aanimbiin ni. Nibaakan, ni ga nan nya ntafadaan ni, bundaal aan Uwumbɔr ga nan nyan waaŋuul paacham na.

Sekaria 4:6

Ntuun ngbaan le nan di tibɔr ti Uwumbɔr di tuk u na tuk mi, ke m di nabr Serubabel ke, “Aa ga nyaŋ, ni mu aan li ye bijab aapɔɔn, bee sin aabaa aapɔɔn, ni ga li ye Maafuur Nyaan aapɔɔn pu la.

Nkahm 10:32

Aa yaa dii timi buen kan, ti ni si ga kpaan ji Uwumbɔr aah ga tii timi tinyoor ti na.”

Nkahm 31:4

Ni nyan linibol mɔmɔk ni bijab lichur libaa, bi buen butɔb ngbaan.”

Matiu 19:26

Le Yesu lik bi le ki bui bi, “Ni pɔɔ binib le chee. Nibaa aa pɔɔ Uwumbɔr chee.”

Rom Yaab 8:31

Uwumbɔr aah ŋa kina mɔmɔk na, ti ga len kinye? Uwumbɔr aah si tichaŋ ni na, ubaa aan ŋmaa ŋa timi nibaa.

Ikaal 32:30

Ba ŋa unibaan nan ŋmaa nyaŋ bi binib lichur, aan binib bilee ŋmaa nyaŋ bi binib ŋichur kipiik? Bidindaan Uwumbɔr le nan yii bi, Baawumbɔr u ye Mpɔɔnsakpiindaan na le nan di bi tii baadim.

Filipi 3:3

Timi bi kpaan Uwumbɔr Aafuur Nyaan chee ki pak u, ki kpa kipupuk Yesu Kristo pu, ki bee ke taan ŋmar tibaa aapɔɔn pu na, timi le kpa lichakpangeei bamɔnn.

Josua 14:12

Nima pu na, di ŋigongon pu aatiŋ tii mi, Uwumbɔr aah nan puu tipuur tii mi n‑yoonn ngbaan pu na. Ti nan tuk si liyaadaal ngbaan ke ŋiwɔk aanib, bi bi nan yin bi ke Anak yaab na, nan bi ntisakpem mu aagon fɔk na ni. Uwumbɔr yaa bi m chee ki ter mi kan, m ga jenn nyan bi ke waah nan len pu na.”

Bibɔjirb 15:18

N‑yoonn ngbaan le nnyunyuu chuu Samsonn, le u yin Uwumbɔr ki bui ke, “Aa tii mi linyaŋ sakpeln; aa ga cha nnyunyuu le ku mi aan Filistia aanifam ngbaan nan chuu mi ii?”

1 Samuel 14:5

Litakpal li nan si ŋŋangan wɔb na, nan lik Mikmas wɔb la, le litakpal li mu si ŋŋangii wɔb na, lik Geba wɔb.

1 Samuel 14:7

Le unachipɔɔn ngbaan bui u ke, “Saah ban pu na kan, m si aachaŋ ni.”

1 Samuel 17:26

David nan baa bijab bi si duun u na ke, “Uja u ku Filistia aanii wee ki nyan Israel yaab inimɔɔn yee ni na ga kan ba? Filistia aawanfam nee ye ŋma aan ki bi jinni Uwumbɔr u bi n‑yoonn mɔmɔk na aajab inimɔɔn?”

1 Samuel 17:36

M ku ichinn ni takɔ mam, ki ga ŋmaa ŋa Filistia aawanfam ni seei Uwumbɔr u bi n‑yoonn mɔmɔk aajab na mu kina.

1 Samuel 17:46

Din aataak kee le Uwumbɔr ga di si ŋa maapɔɔn ni. M ga nyaŋ si ki gii aayil, ki di Filistia aajab aawon tii inyoon ni ipeel, le dulnyaa wee mɔmɔk bee ke Israel yaab sil kpa Uwumbɔr,

1 Samuel 17:47

le binib bi mɔmɔk bi do na kan ke Uwumbɔr aa ban kijaak aajum, bee tikpaatunn, ke u di gaa waanib lii. U nyaŋni butɔb ni, le ki ga di ni mɔmɔk ŋa timi aapɔɔn ni.”

1 Samuel 31:4

Le u bui unachipɔɔn u joo waajawan na ke, “Nyan saajaak aajuk ki ku mi, aan Filistia yaab bi kaa san Uwumbɔr na taa nan di kinanaŋ ku mi.” Le ijawaan nan chuu unachipɔɔn ngbaan sakpen, le waa kaa u ŋa kina. Kina pu le Sɔɔl nyan ubaa aajaak aajuk ki lir ki pu ki ku ubaa.