1 Samuel 14:52 - Uwumbɔr aagbaŋ

⁵² N‑yoonn mumɔk Sɔɔl nan bi limɔfal ni na, u ni Filistia yaab nan jaa kijapɔɔk la. Kina pu na, u yaa nan ti kan uja u pɔɔ, bee u kaar na kan, see u di udaan kpee waajab pu.

1 Samuel 14:52 ပူးပေါင်းရင်းမြစ်များ

1 Samuel 13:5

Filistia yaab nan kuun ke bi ni Israel yaab jan kijaak. Bi nan kpa butɔb aataan aatɔroku mam ŋichur piitaa la, ki kpa bijab bi dik itaan pu na ŋichur ŋiloob, ki kpee bijab bi wiir ke limɔɔgbaln aatambol na. Bi nan buen Mikmas, kitiŋ ki bi Bef Afenn aawipuul wɔb na, le ki ti kuun kal nima,

1 Samuel 14:47

Sɔɔl aah nan jin Israel aanaan aapuwɔb na, u ni waadim ŋipepel mɔmɔk nan to tɔb butɔb la: u ni Moab yaab, ni Amonn yaab, ni Edom yaab, ni Soba aabɔrb, ni Filistia yaab nan to tɔb butɔb. Nimɔk u nan ti jan na kan, uma le nan nyaŋni bi.

1 Samuel 8:1

Samuel aah nan ti por na, le u di ujapɔtiib ŋa bibɔlem Israel yaab ponn ni.

1 Samuel 8:11

Samuel nan kpiir tuk bi ke, “Kina le nimi aabɔr ngbaan ga nan li joo nimi: u ga di nijapɔtiib ŋa butɔb aajab; bibaa ga li ye butɔb aataan aatɔroku aatutum, biken mu ga li ye waatɔb aajab bi dik itaan pu na, le biken mu ga loln waataan aatɔroku mam pu nsan ki san.