1 Samuel 14:46 - Uwumbɔr aagbaŋ

⁴⁶ Nee aapuwɔb, le Sɔɔl di cha kaa ki san dii Filistia yaab, le bi gir buen baapepel.

1 Samuel 14:46 ပူးပေါင်းရင်းမြစ်များ

1 Samuel 14:45

Le bijab ngbaan bui Sɔɔl ke, “Jonatann u tii Israel linyaŋ limina na kpo oo? Aayii. Ti puu Uwumbɔr u bi n‑yoonn mɔmɔk na pu ke, hali waayikpir kibaa aan nya uyil pu. Waah ŋa pu din wee na ye Uwumbɔr aaterm pu la.” Le bijab ngbaan nan gaa Jonatann lii, le baa ku u.

1 Samuel 14:47

Sɔɔl aah nan jin Israel aanaan aapuwɔb na, u ni waadim ŋipepel mɔmɔk nan to tɔb butɔb la: u ni Moab yaab, ni Amonn yaab, ni Edom yaab, ni Soba aabɔrb, ni Filistia yaab nan to tɔb butɔb. Nimɔk u nan ti jan na kan, uma le nan nyaŋni bi.

1 Samuel 17:1

Filistia yaab nan kuun Soko aatiŋ ki bi Juda aanibol aapepel ni na ke bi to butɔb. Bi nan ti kuun kal nin chee bi yin nima ke Efes Damim aan ni bi Soko ni Aseka aakaasisik ni na la.