1 Samuel 14:35 - Uwumbɔr aagbaŋ

³⁵ Sɔɔl nan maa waajan aatork aabimbiln tii Uwumbɔr nima la.

1 Samuel 14:35 ပူးပေါင်းရင်းမြစ်များ

2 Samuel 24:25

le ki maa kitork aabimbiln tii Uwumbɔr, ki toor kitork ki bi ga di see mmii ni na, ni kimɔbaan aatork nima. Uwumbɔr nan kii waameel, le iween ngbaan doo Israel aatiŋ pu.

Hosea 8:14

“Israel aanib maa ŋibɔrdichal, le ki tee suln Uwumbɔr u naan bi na bɔr. Juda aanib maa ntim mu kpa tijawan aan bi maa ŋigon gob mu na. Le m ga cha mmii wu baabɔrdichal ni ntim ngbaan.”

2 Timoti 3:5

Bi ga li ŋmanni ke bi dii Uwumbɔr aasan, ki ga lann Uwumbɔr aapɔɔn. Aa taa dii binib ngbaan.

Jemisi 4:8

Ni foor malni Uwumbɔr man, le u mu ga foor mal nimi. Nimi titunwanbirdam, di nimi aatunwanbir lii man. Nimi bi ban ni dii dulnyaa aasan, ni Uwumbɔr aasan mu na, toor nisui man.

Bibɔjirb 21:4

Kitaak aah woln na, kichakpinaanyeek ni, le binib ngbaan maa kitork aabimbiln nima chee, le ki toor kimɔbaan aapiin aatork, le ki di tiwakor ngbaan tibaa timɔnn see mmii ni tii Uwumbɔr.

Bibɔjirb 6:24

Gideonn nan maa kitork aabimbiln nima chee tii Uwumbɔr, ki yin li ke, “Uwumbɔr le ye Nsuudoon.” Li beenin si Ofra aatiŋ ki ye Abieser aataŋaal aatiŋ na ni.

1 Samuel 14:34

Le u ki gir len ke, “Koo man binib ngbaan ponn ni, ki bui bi ke bi mɔmɔk li joo ni baawakor do. Bi nan kɔr ti ki ŋmɔ ti do, bi taa bi tun Uwumbɔr titunwanbir ki ŋmɔ tinann ti beenin kpa nsin na.” Kina pu le bi mɔmɔk nan joo ni baawakor, ki nan kɔr ti nima kinyeek ngbaan.

1 Samuel 7:12

Samuel nan yoor litakpal ki di ŋum Mispa ni Senn aakaasisik ni, ki bui ke, “Uwumbɔr le ter timi ki nan saa din,” le ki yin li ke, “Nterm Aatakpal.”

1 Samuel 7:17

le ki gir buen waatiŋ Rama ponn ni, nin chee u ti ki ye ubɔlen na. U nan maa kitork aabimbiln Rama aatiŋ ni tii Uwumbɔr.

1 Samuel 7:9

Le Samuel kɔr upiih, ki toor kitork, ki di see mmii ponn ni tii Uwumbɔr, le ki mee Uwumbɔr ke u ter Israel yaab, le Uwumbɔr kii waameel ngbaan.