1 Samuel 14:33 - Uwumbɔr aagbaŋ

³³ Le unii ubaa bui Sɔɔl ke, “Lik, binib ngbaan bi tun Uwumbɔr titunwanbir ki ŋmɔ tinann ti beenin kpa nsin na la.” Le Sɔɔl bui bi, “Ni ye binibiib la. Biln man litakpasakpeln tii ni mi do.”

1 Samuel 14:33 ပူးပေါင်းရင်းမြစ်များ

Mpiin 9:4

Taa ŋmɔ tinann ti nsin aa nyan ti ponn ni na, ni taa ji kina aawan; ba pu? limɔfal bi nsin ni la.

Liifai Yaab 17:10

Israel aanii ubaa, bee biwɔwɔm bi koo ni chee na ponn ni ubaa yaa ŋman tinann ti nsin beenin bi ti ponn ni na kan, Uwumbɔr ga daa utafal, udaan ngbaan aan ki li ye Uwumbɔr aanib ponn ni ubaa.

Liifai Yaab 19:26

“Ni taa ŋmɔ tinann ti nsin beenin bi ti ni na. Ni taa li ŋani bibɔɔb aatuln ki ji inyɔk.

Liifai Yaab 7:26

Israel aanii yaa koo nin chee na kan, u taa ŋmɔ unyoon, bee kiwakork aasin.

Liifai Yaab 7:27

Unii umɔk bii nkaal ngbaan na kan, waan ki li ye Uwumbɔr aanib ponn ni ubaa.

Matiu 7:5

Sin uŋmaŋmann umina, chuu nyan jaatɔlk ngbaan aanimbil ni waahr, aan ki li waa mbamɔm, aan ki nan nyan aana aabo yaan ni lidɔchɔl.

Lituln 15:20

Cha ti ŋmee kigbaŋ tii bi, ki tuk bi ke bi taa ki ŋmɔ kitork aanann, ki taa ki gɔr kidagook, ki taa ki ŋmɔ tiwan ni bi tab ku ni na, ki taa ki ŋmɔ nsin.

Rom Yaab 2:1

Tɔ, si u galni binib biken na, saan ŋmaa len tibaa ki nyan aabaa tibɔr ni Uwumbɔr chee; ba pu? aa mu ŋani kina la. Saah galni bi na, le ni mɔk ke saabɔr mu bii; ba pu? si u galni bi na, aa mu ŋani ke baah ŋani pu na la.

Ikaal 12:16

Tɔ, ni taa kpaan ŋmɔ tiwakor ngbaan aanann aan nsin li bi ti ponn ni. Ni kɔr tiwakor ngbaan ki nyan taasin kpir kitiŋ, ke naah kpir nnyun pu na.

Ikaal 12:23

Ni taa tee kpaan ŋmɔ tiwakor ngbaan aanann aan nsin li bi ti ponn ni, ba pu? limɔfal bi nsin ponn ni la; ni taa kpaan ŋmɔ tinann ni limɔfal.

Ikaal 15:23

Ni taa di naasin ŋa tijikaar ki ji, ni pɔɔn nibaa ki di mu kpir ke naah kpir nnyun pu na.

1 Samuel 14:34

Le u ki gir len ke, “Koo man binib ngbaan ponn ni, ki bui bi ke bi mɔmɔk li joo ni baawakor do. Bi nan kɔr ti ki ŋmɔ ti do, bi taa bi tun Uwumbɔr titunwanbir ki ŋmɔ tinann ti beenin kpa nsin na.” Kina pu le bi mɔmɔk nan joo ni baawakor, ki nan kɔr ti nima kinyeek ngbaan.