1 Samuel 14:3 - Uwumbɔr aagbaŋ

³ Tɔ, utotoor u nan joo tiwan ni bi joo beer Uwumbɔr aageehn na nan ye Ahija, u aate nan ye Ikabod aakpel Ahitub na. Ahitub aate le nan ye Fineas, le uyaaja ye Eli, Uwumbɔr aatotoor u nan bi Silo aatiŋ ni na. Unii ubaa aa nan nyi ke Jonatann siir.

1 Samuel 14:3 ပူးပေါင်းရင်းမြစ်များ

1 Samuel 1:3

Libiln mɔmɔk ponn ni kan, Elkana nan nya Rama ki chaa Silo ti toor kitork, ki dooni Uwumbɔr u yeh mpɔɔn mɔmɔk na. Nima chee le Eli aajapɔtiib Hofni ni Fineas nan ye Uwumbɔr aatotoorb.

1 Samuel 14:36

Sɔɔl nan ki bui waajab ke, “Cha ti buen ti tak Filistia yaab kinyeek kee, ki ku bi mɔmɔk, ki yoor baawan ti woln kitaak.” Le bi kii ke, “Ŋa saah dak ke nimɔk ŋan na.” Le utotoor na bui bi ke, “Cha ti puen baa Uwumbɔr waahr.”

1 Samuel 2:18

N‑yoonn mue na Samuel u nan laa ye ubo na nan beenin bi tun Uwumbɔr aatuln, ki pee libɔkul li bitotoorb peeni na.

1 Samuel 2:28

Israel aamaal mɔmɔk ponn ni, m nan lee waadichal le ke bi li ye maatotoorb, ki li toor kitork libimbiln paab, ki see tiwan ni nu mɔ na, ki li pee bitotoorb aawanpeenkaan, ki li bi maadiik ni. M mu nan tii bi nsan ke bi li yeh kitork aanann ti bi joo seer mmii ponn ni na tibaa.

1 Samuel 22:20

Ahimelek aajapɔɔn Abiatar ma nan san ŋmar, ki buen David chee,

1 Samuel 4:21

U nan yin ubo ngbaan ke Ikabod, ki kpiir len laatataa ke, “Uwumbɔr aapɔɔn siir cha Israel yaab a;” ki joo mɔk baah gaa Uwumbɔr Aakaal Aadakaa na, ni uchooja ni uchal aah kpo pu na.

1 Samuel 4:4

Le bi tun binib Silo aatiŋ ni, ke bi ti yoor ni Uwumbɔr Mpɔɔnsakpiindaan u bi tiwan ni kpa ifeen na aapaacham na Aakaal Aadakaa. Le Eli aajapɔtiib bilee na, Hofni ni Fineas, mu dii buen.