1 Samuel 14:20 - Uwumbɔr aagbaŋ

²⁰ Le u ni waajab buen ki ti lir Filistia yaab, bi nan bi jaa biŋmeen, bilan aah ŋmal pu na pu.

1 Samuel 14:20 ပူးပေါင်းရင်းမြစ်များ

1 Bibɔrb 20:21

Ubɔr Ahab nan ti koo timoor ni le ki chur itaan ni yaatɔroku tiib, le ki nyaŋ Siria yaab ngbaan pel pel.

2 Bibɔrb Aabɔr 20:23

Amonn yaab ni Moab yaab nan di kpaan le ki di lir Edom yaab pu ki kuln bi pel pel, le ki mu ki di fenn lir tɔb pu ke biwaarb na.

Aisaya 19:2

Uwumbɔr len ke, “M cha butɔb fii Ijipt aatiŋ ni, ki cha unii ni una aabo fenn lir tɔb pu, ki cha unii ni umaantɔ fenn lir tɔb pu. Ntim mu ye tɔb puchatiib na ga fenn lir tɔb pu, le bibɔrb mu li kpak tɔb ki ban mpɔɔn.

Esekiel 38:21

M ga di tibɔbir mɔmɔk aabɔŋ faan ubɔr Gog sakpen. Min Dindaan Uwumbɔr len a. Waajab ga di baajaak aajum fenn lir tɔb pu.

Bibɔjirb 7:22

Gideonn ni waajab aah pii baakpiin na, le Uwumbɔr cha baadim ngbaan aajab di baajaak aajuk fenn lir tɔb pu. Bi nan di san toŋ Saretann aatiŋ wɔb, ki ti nyan Bef Sita aatiŋ ni, ki yoor kina ti nyan Abel Mehola aatiŋ ki bi duun Tabaf aatiŋ na ni.

1 Samuel 14:16

Sɔɔl aajab bi nan bi Benjaminn aanibol aatiŋ Gibea ni ki kii na, kan ke Filistia yaab aalan ŋmal, le bi bi san gonni.

1 Samuel 9:16

“Fen kinakokoona, m ga fe tun ni uja ubaa aa chee. U nyan ni Benjaminn aanibol ponn ni la. Toor u ki di u kaan nnaan, u li joo maanib Israel yaab. Le u ga gaa bi Filistia yaab chee lii. M kan maanib ngbaan aafalaa, ki ŋun baah wii pu ki ban nterm na.”