1 Samuel 14:16 - Uwumbɔr aagbaŋ

¹⁶ Sɔɔl aajab bi nan bi Benjaminn aanibol aatiŋ Gibea ni ki kii na, kan ke Filistia yaab aalan ŋmal, le bi bi san gonni.

1 Samuel 14:16 ပူးပေါင်းရင်းမြစ်များ

Ilahn 58:7

Cha bi wɔŋ ke nnyun mu bi foor na; cha bi yɔl ke timoor ti dɔ nsan ni na.

Ilahn 68:2

Libuln aah daar iŋmanyuu cha pu na, kina le u jenni bi cha; nsiigban aah donni mmii chee pu na, kina le bibiindam kulni Uwumbɔr aanimbiin ni.

Aisaya 19:2

Uwumbɔr len ke, “M cha butɔb fii Ijipt aatiŋ ni, ki cha unii ni una aabo fenn lir tɔb pu, ki cha unii ni umaantɔ fenn lir tɔb pu. Ntim mu ye tɔb puchatiib na ga fenn lir tɔb pu, le bibɔrb mu li kpak tɔb ki ban mpɔɔn.

Bibɔjirb 7:22

Gideonn ni waajab aah pii baakpiin na, le Uwumbɔr cha baadim ngbaan aajab di baajaak aajuk fenn lir tɔb pu. Bi nan di san toŋ Saretann aatiŋ wɔb, ki ti nyan Bef Sita aatiŋ ni, ki yoor kina ti nyan Abel Mehola aatiŋ ki bi duun Tabaf aatiŋ na ni.

1 Samuel 14:15

Filistia yaab bi mɔmɔk nan bi itingbaan ni na aapobil nan yuk. Ijawaan nan chuu bijab bi looni na, ni bijab bi nan bi baah kuun ka nin chee na, le biwon gbaa. Kitiŋ nan dam, le bilan ŋmal, le bi gur san yɔl yɔl.

1 Samuel 14:17

Le Sɔɔl bui waajab ke, “Kahn man bijab ngbaan ki lik ke ŋma aa bi.” Bi nan ŋa kina ki kan ke Jonatann ni unachipɔɔn u joo waajawan na aa bi.

1 Samuel 14:20

Le u ni waajab buen ki ti lir Filistia yaab, bi nan bi jaa biŋmeen, bilan aah ŋmal pu na pu.