1 Samuel 14:15 - Uwumbɔr aagbaŋ

¹⁵ Filistia yaab bi mɔmɔk nan bi itingbaan ni na aapobil nan yuk. Ijawaan nan chuu bijab bi looni na, ni bijab bi nan bi baah kuun ka nin chee na, le biwon gbaa. Kitiŋ nan dam, le bilan ŋmal, le bi gur san yɔl yɔl.

1 Samuel 14:15 ပူးပေါင်းရင်းမြစ်များ

Mpiin 35:5

Nee aapuwɔb le Jakob ni udo yaab nan piin ki nyan cha, le ijawaan sakpiin chuu binib bi aatim nan bi gbɔk nima chee na, le baa kaa bi paan bi pu.

2 Samuel 5:24

Aa yaa nan ŋun ni bi ke binib le aah chuun isui ngbaan paab na kan, buen ti tak bi; ba pu? m ga loln ni pu nsan ki ti nyaŋ Filistia yaab aajab.”

Job Aagbaŋ 18:11

Ijawaan sakpiin le mann goln ki kii u; i dii u waah yoor litaal limɔk na ni.

Ilahn 14:5

Tɔ, ijawaan sakpiin ga chuu bi, ba pu? Uwumbɔr bi binib bi kii waamɔb na chee.

Nnyam 19:18

Le Sainai Aajool paab kpaln iŋmanyuu ŋmeen, ba pu? Uwumbɔr nan nyan ni paacham ki sunn ni li pu mmii ponn ni la. Le iŋmanyuu fii jon paacham ke mmii sakpiin aaŋmanyuu na, le binib mɔmɔk aawon gbaa sakpen.

Daniel 5:6

Ijawaan nan chuu u, le uwon yɔl, le utaŋaayil gbaa.

Matiu 24:6

Ni ga ŋun ke binib to butɔb kɔnkɔni do, ni dandar mu. Ni taa cha ni li muk nimi man. Uwumbɔr le siin ke nimina mɔmɔk ga ŋa. Nima le aan mɔk ke dulnyaa wee ga doo libuul ngbaan ni.

Josua 2:9

le ki ti bui bi ke, “M bee ke Uwumbɔr le di kitiŋ kee tii nimi. Unii umɔk bi kitiŋ kee ni na aapobil yuk ni pu la.

Bibɔjirb 7:21

Uja mɔmɔk nan nyal sil ki mann goln baadim aakakaa ngbaan, le baadim aajab mɔmɔk san ki gbaa ikuun cha.

1 Samuel 13:17

Filistia aajab nan yakr ŋigetek ŋitaa, le ki chaa ti looni Israel yaab; ligetekr libaa nan buen Ofra aatiŋ ki bi Sual aapepel ni na wɔb la,

1 Samuel 13:18

le liken mu buen Bef Horonn wɔb, le liken na mu buen kitiŋ aanaanmɔk, ni bi Seboyim Aafataŋ, ni nteersakpiin wɔb na.

1 Samuel 13:23

Filistia yaab nan nyan bijab bibaa le bi ti kiir baah puur nkpen mu bi ŋijoo aakaasisik ni na chee, Mikmas aatiŋ chee.

1 Samuel 14:14

Njan aanikul ngbaan ponn ni, Jonatann ni unachipɔɔn ngbaan nan ku bijab moninko la, kaa foor buen nibaa.

1 Samuel 14:16

Sɔɔl aajab bi nan bi Benjaminn aanibol aatiŋ Gibea ni ki kii na, kan ke Filistia yaab aalan ŋmal, le bi bi san gonni.

1 Samuel 7:10

Buyoonn Samuel bi toor kitork ngbaan na, le Filistia yaab dan ke bi nan tak bi. Libuul ngbaan ni, le Uwumbɔr teen paacham ke utaal na, bi pu. Le bilan ŋmal, le ijawaan chuu bi, le bi san.