1 Samuel 14:12 - Uwumbɔr aagbaŋ

¹² le ki yin Jonatann ni unachipɔɔn na ke, “Dan do man. Ti kpa tibɔr tibaa ti tuk nimi.” Le Jonatann bui unachipɔɔn ngbaan ke, “Li dii mi. Uwumbɔr tii Israel yaab linyaŋ bi pu a.”

1 Samuel 14:12 ပူးပေါင်းရင်းမြစ်များ

Mpiin 24:42

“N‑yoonn mu m fuu ni nnyunbun chee din wee na, le m mee Uwumbɔr u ye maaninkpel Abraham Aawumbɔr na ke u ter mi,

Mpiin 24:48

le ki gbaan kitiŋ nima chee, ki pak Uwumbɔr u ye maaninkpel Abraham Aawumbɔr na, ba pu? uma le ter mi, le m di nan tuur waamaal aanib do, le ki kan bibisal tii ujapɔɔn.

2 Samuel 5:24

Aa yaa nan ŋun ni bi ke binib le aah chuun isui ngbaan paab na kan, buen ti tak bi; ba pu? m ga loln ni pu nsan ki ti nyaŋ Filistia yaab aajab.”

2 Bibɔrb 14:8

Amasia nan tun ituun Israel yaab aabɔr Jehoas chee, ki ban u kijaak.

Bibɔjirb 4:14

Le Debora bui Barak ke, “Li cha. Uwumbɔr le loln aa pu nsan. Din wee le u tii si linyaŋ Sisera pu.” Le Barak ni waajab ŋichur kipiik ngbaan sunn Tabor Aajool.

Bibɔjirb 7:14

Ujɔ ngbaan nan gar u ke, “Ni ye Israel yaab aanii Joas aajapɔɔn Gideonn aajaak aajuk la. Taatataa le na. Uwumbɔr tii u linyaŋ, Midiann yaab, ni timi aatɔb aajab mɔmɔk pu la.”

Bibɔjirb 7:15

Gideonn aah nan ŋun uja ngbaan aadaŋ, ni taatataa aah ye pu na, le u gbaan utaŋaayil pu ki doon Uwumbɔr. U nan gir buen Israel yaab chee le ki ti bui ke, “Fii man. Uwumbɔr tii nimi linyaŋ Midiann aajab pu a.”

Bibɔjirb 9:54

Le u ŋa mala ki yin unachipɔɔn u joo waajawan na ki nan bui u ke, “Fuur saajaak aajuk ki di ku mi. Maa ban ke bi nan len ke upii le ku mi.” Kina pu le unachipɔɔn ngbaan nan saa chaar u, le u kpo.

1 Samuel 14:10

Tɔ, bi yaa bui ke ti dan bi chee kan, ti ga buen; ba pu? nima le ga li ye limɔkl li Uwumbɔr ga di tii timi ki mɔk ke ti nyaŋ bi na.”

1 Samuel 14:13

Le Jonatann jon ŋitakpal ngbaan pu ki baar utaa ni uŋaal pu, le unachipɔɔn ngbaan mu dii u. Jonatann nan ti tak Filistia yaab ngbaan le ki gbaa bi lir kitiŋ, le unachipɔɔn na ku bi.