1 Samuel 13:7 - Uwumbɔr aagbaŋ

⁷ Bibaa mu nan san puur Jɔɔdann Aamɔɔl, ki koo Gad ni Gilead aapepel ponn ni. Sɔɔl nan beenin bi Gilgal ni, le binib bi nan bi u chee na aawon gbaa ijawaan pu.

1 Samuel 13:7 ပူးပေါင်းရင်းမြစ်များ

Liifai Yaab 26:17

M ga fenn ki cha nimi, nima kan, binib bi nan nimi na ga nyaŋ nimi ki li joo nimi, le ijawaan ga chuu nimi sakpen; ubaa aan li san dii nimi, le ni san.

Ikaal 20:8

“Biyidam ga ki baa bijab ngbaan ke, ‘Ŋma bi do, upobil yuk aan ijawaan chuu u? Kina aanii yaa ŋmal ni ponn ni kan, u li chaa kun. Nibaakan, u ga cha biken mu aapobil yuk, le ijawaan ga chuu bi.’

Ikaal 28:25

“Uwumbɔr ga cha nimi aadim nyaŋ nimi. Ni ga nya ni lipepel libaa wɔb le ki nan tak bi, le bi nyaŋ nimi ki cha ni san yaa tɔb chee ki buen ŋipepel mɔmɔk. Le dulnyaa ni aanib mɔmɔk yaa kan tiwan ni ŋa nimi na kan, ijawaan ga chuu bi.

Ikaal 3:12

“Taah nan gaa kitiŋ ngbaan na, m nan di lipepel li bi Aroer aatiŋ ŋŋangan wɔb ki bi gbɔk Anonn Aamɔɔl chee, ni ŋigongon aatiŋ Gilead aapepel nibaa wɔb, ni kaatim, le di tii Rubenn ni Gad aanibol.

Josua 13:11

ki ki kpee Gilead aapepel, ni Gesur ni Maaka aapepel, ni Hemonn Aajool aapepel mɔmɔk, ni Basann aatim mɔmɔk, ki yoor kina ki ti ker Saleka,

Josua 13:8

Rubenn ni Gad aanibol, ni Manase aanibol ligeln nan kan kitiŋ ki ga li ye baatiŋ na. Uwumbɔr aatutunn Moses nan puen yakr ki tii bi, ki nan bi Jɔɔdann aamɔɔdapuul, liwipuul wɔb la.

Bibɔjirb 7:3

Moon ki tuk binib ngbaan ke, ‘Unii umɔk san ijawaan na gir kun, ki cha timi gaar Gilead Aajool pu do.’” Kina pu na, bijab ŋichur moninko ni ŋilee le nan gir kun, le ŋichur kipiik ma gaar.

1 Samuel 13:8

U nan kiir Samuel iwiin ilole, ke Samuel aah nan bui u ke u ŋa pu na. Le Samuel aa nan kee fuu ni Gilgal ni. Le binib ngbaan piin ki bi san cha Sɔɔl,

1 Samuel 17:11

Sɔɔl ni waajab aah ŋun kina na, le ijawaan chuu bi pam.

1 Samuel 31:7

Israel yaab bi bi Jesreel Aafataŋ ni, ni bi bi Jɔɔdann Aamɔɔl aawipuul wɔb na ŋun ke Israel aajab san, aan bi ku Sɔɔl ni ujapɔtiib, le bi san cha baatim. Le Filistia yaab dan nan koo mu ni.