1 Samuel 13:5 - Uwumbɔr aagbaŋ

⁵ Filistia yaab nan kuun ke bi ni Israel yaab jan kijaak. Bi nan kpa butɔb aataan aatɔroku mam ŋichur piitaa la, ki kpa bijab bi dik itaan pu na ŋichur ŋiloob, ki kpee bijab bi wiir ke limɔɔgbaln aatambol na. Bi nan buen Mikmas, kitiŋ ki bi Bef Afenn aawipuul wɔb na, le ki ti kuun kal nima,

1 Samuel 13:5 ပူးပေါင်းရင်းမြစ်များ

Mpiin 22:17

nima pu le m puu ke m ga cha aayaabitiib li wiir ke iŋmabi aah bi paacham pu na, ki ga ki li wiir ke limɔɔtanbol li dɔ nnyusakpem aagbaan na. Aayaabitiib le ga li nyaŋni baadim.

2 Samuel 17:11

Maasurm le ye ke aa kuun ni Israel aanib mɔmɔk Israel aatiŋ kee pu nan kpaan. Bi li wiir ke litambol li bi nnyusakpem aagbaan na, le sin aabaa di bi buen butɔb.

1 Bibɔrb 20:27

Israel yaab nan nyan ni ki gor mbamɔm, le ki yakr ŋiker ŋilee pu ki buen ti sil toŋ Siria yaab ngbaan. Siria yaab ngbaan aah nan wiir sakpen ki gaa nima kookoo pu na, Israel yaab nan naahn iŋoob siib ibaa le aah yakr ŋiker ŋilee pu ki si na.

2 Bibɔrb Aabɔr 1:9

Ndindaan Uwumbɔr, cha saah nan puu tipuur ti tii nte na gbiin. Aa di mi ŋa binib bi wiir ki ti nyaŋ na aabɔr la.

Aisaya 10:28

Nimi aadim aajab nyaŋ Ai yaab a. Bi kpaan jer Migronn a. Bi di baawan bil Mikmas la.

Aisaya 48:19

Niyaabitiib ba ga li wiir ke limɔɔtambol na la, le m ba ga li kii bi, ubaa taa bii bi.”

Jeremia 15:8

Bikpopiib bi nimi aatiŋ pu ki wiir jer litambol li bi nnyusakpem aagbaan na. M ku nimi aanachipɔm baanachipɔnn ni la, le binatiib ji falaa. Libuul ni le m tii bi iween ni ijawaan sakpiin.

Hosea 10:5

Binib bi koo Samaria aatiŋ ni na ga san ijawaan ki wii, baah ga lann salmaa aanaaja aawaal li bi naan siin Bef Afenn ni na pu. Bi ni bitotoorb bi dooni liwaal ngbaan na ga wii li pu. Buyoonn baadim chuu nyan laasalmaa aanyaan na le bi ga li kaani.

Hosea 4:15

“Tɔ, nimi Israel aanib aa kii maamɔb, Juda yaab ma taa ji kina aabɔkpol. Ni taa ki buen Gilgal, bee Bef Afenn ki ti doon mi, ki taa puu tipuur nima chee min Uwumbɔr u bi na aayimbil pu.

Hosea 5:8

Pii butɔb aakpiin Gibea aatiŋ ni man. Faa nkuun Rama aatiŋ ni man. Faa butɔb aakuun Bef Afenn aatiŋ ni. Benjaminn aajab, fii buen butɔb ni man.

Rom Yaab 9:27

Tɔ, Uwumbɔr aabɔnabr Aisaya nan len Israel yaab aabɔr; u nan len ke Israel yaab wiir ke nnyusakpem aatambol aah wiir pu na, le bi ponn ni, binib siib baanja ga ŋmar;

Josua 11:4

Bi mɔmɔk nan kuun ni, ki joo ni baajab. Bi nan wiir ke litambol li dɔ nnyun aagbaan na aah wiir pu na la, ki nan kpa itaan ni tɔroku mam.

Josua 18:12

Ŋŋangan wɔb, baatiŋ aanaanmɔk le nan yoor ni Jɔɔdann Aamɔɔl mɔk, ki di kina ti ker Jeriko aatiŋ aaŋangan wɔb, le ki nyan nima ki di buen liwilir wɔb, ki di dii ŋigongon aatiŋ ponn ni ki ti kar Bef Afenn aateersakpiin pu.

Josua 7:2

Josua nan nyan waanib Jeriko aatiŋ ni, ki tun bi Ai aatiŋ ni, kitiŋ ngbaan nan bi Betel aawipuul wɔb la, ki bi gbɔk Bef Afenn aatiŋ na, ke bi chuun pekr lik kitiŋ ngbaan. Baah buen ki labr ni na,

Bibɔjirb 7:12

Midiann yaab, ni Amalek yaab, ni ŋinibol ŋi bi nteersakpiin ni na aajab nan yaa gaa kifataŋ ngbaan ni ke itoon na, le baalaakumii tiib nan wiir ke limɔɔtambol li dɔ nnyusakpem aagbaan na.

1 Samuel 13:11

Le Samuel baa u ke, “Aa ŋa ba?” Sɔɔl nan kii u ke, “Binib ngbaan bi san cha mi la, le aa mu aa fuu ni n‑yoonn mu aa bui ke aa ga fuu ni na. Ki ki kpee na, Filistia yaab bi kuuni Mikmas ni la.

1 Samuel 13:2

Le Sɔɔl nan kuun bijab ŋichur ŋitaa, ki cha ŋichur ŋilee bi u chee Mikmas aatiŋ, ni Betel aatiŋ, ŋigongon aah wiir nin chee na, ki di lichur libaa na tii ujapɔɔn Jonatann ke u di buen Gibea ni, Benjaminn aamaal aapepel ni. Sɔɔl nan cha bijab bi gur na gir kun linampal.

1 Samuel 14:23

ki dii Filistia yaab ki ti jer Bef Afenn ni. Uwumbɔr nan gaa Israel yaab lii liyaadaal ngbaan.

1 Samuel 14:52

N‑yoonn mumɔk Sɔɔl nan bi limɔfal ni na, u ni Filistia yaab nan jaa kijapɔɔk la. Kina pu na, u yaa nan ti kan uja u pɔɔ, bee u kaar na kan, see u di udaan kpee waajab pu.

1 Samuel 17:1

Filistia yaab nan kuun Soko aatiŋ ki bi Juda aanibol aapepel ni na ke bi to butɔb. Bi nan ti kuun kal nin chee bi yin nima ke Efes Damim aan ni bi Soko ni Aseka aakaasisik ni na la.

1 Samuel 7:13

Kina le Uwumbɔr nan nyaŋ Filistia yaab, le kaa ki cha bi koo ni Israel yaab aatiŋ ponn ni n‑yoonn mumɔk Samuel nan bi limɔfal ponn ni na.