1 Samuel 13:2 - Uwumbɔr aagbaŋ

² Le Sɔɔl nan kuun bijab ŋichur ŋitaa, ki cha ŋichur ŋilee bi u chee Mikmas aatiŋ, ni Betel aatiŋ, ŋigongon aah wiir nin chee na, ki di lichur libaa na tii ujapɔɔn Jonatann ke u di buen Gibea ni, Benjaminn aamaal aapepel ni. Sɔɔl nan cha bijab bi gur na gir kun linampal.

1 Samuel 13:2 ပူးပေါင်းရင်းမြစ်များ

2 Samuel 20:1

Kinifaŋ kibaa nan nyan ni Benjaminn aanibol ni, ki ye Bikri aajapɔɔn, le ki bi Gilgal ni, le bi yin u ke Seba. U nan pii kakaan ki bui ke, “Taa ban David. Taan dii u. Israel aajab, cha ti kun man.”

2 Samuel 21:6

Kina pu na, nyan waamaal ni aajab bilole tii timi, aan ti ti leen bi iŋmin pu, Sɔɔl u Uwumbɔr lee u ubɔr na aatiŋ Gibea ni, Uwumbɔr aanimbiin ni.” Le ubɔr David bui bi ke, “M ga di bi tii nimi.”

Nehemia 11:31

Binib bi nan ye Benjaminn aanibol yaab na nan kal Geba, ni Mikmas, ni Ai, ni Betel, ni itingbaan i bi gbɔk nima na,

Josua 18:28

ni Sela, ni Ha Elef, ni Jebus, bee Jerusalem, ni Gibea, ni Kiriaf Jearim aatim: ntim ngbaan mɔmɔk nan ti saa ntim kipiik ni munaa la, le ki kpee itingbaan i bi gbɔk mu na. Ntim mu Benjaminn aamaal nan gaa aan mu ye baatiŋ na le na.

Josua 22:6

Josua nan mee Uwumbɔr aanyoor ŋa bi pu, le ki cha bi gir kun, le ki di tibɔr tee sur bi, “Ni joo liwangol le ki gir chaa kun: tiwakor, ni tikunabr, ni salmaa, ni tikumann, ni tikur, ki kpee tiwanpeenkaan pam. Naah gaa tiwan ni nimi aadim chee na, ni ti yakr ni tii niŋeen aatɔtiib biken.” Le bi siir buen. Moses le nan di kitiŋ ki bi liwipuul, Jɔɔdann Aamɔɔdapuul wɔb na tii Manase aanibol ligeln. Josua mu nan ban kitiŋ Jɔɔdann Aamɔɔl aawilir wɔb, ki tii Manase aanibol ligeln li gur na, ŋinibol ŋiwae na chee.

Bibɔjirb 19:12

Waaninkpel nan gar u ke, “Taan sil kitiŋ ki kaa ye Israel aanib aatiŋ na ni. Ti ga jer le ki foor siib ki ti doon Gibea aatiŋ ni, bee Rama aatiŋ ni.”

1 Samuel 10:26

Sɔɔl mu nan gir kun Gibea. Le bijab bi pɔɔ aan Uwumbɔr meeh bisui na dii u buen.

1 Samuel 10:5

Aa yoor ti fuu Uwumbɔr Aagongoln li bi Gibea ni na, aa ga kan Filistia yaab kuun ki bi nima. Kitiŋ ngbaan aabisamɔb chee, aa ga kan Uwumbɔr aabɔnabtiib bibaa nyan ligongoln paab, Uwumbɔr aatork aabimbiln chee, ki sunn choo ki gbaa tibar ni ŋigangan, ki pii ŋiwul mam. Bi ga li bi pak Uwumbɔr, Waafuur Nyaan aapɔɔn pu.

1 Samuel 13:1

Buyoonn Sɔɔl nan ji nnaan na, u nan ye ŋibin piitaa la, le ki nan joo Israel yaab ki ti saa ŋibin imonko ilee ni ŋilee.

1 Samuel 13:11

Le Samuel baa u ke, “Aa ŋa ba?” Sɔɔl nan kii u ke, “Binib ngbaan bi san cha mi la, le aa mu aa fuu ni n‑yoonn mu aa bui ke aa ga fuu ni na. Ki ki kpee na, Filistia yaab bi kuuni Mikmas ni la.

1 Samuel 13:15

Samuel nan nyan Gilgal ni, le ki siir buen. Binib bi nan gur na nan dii Sɔɔl, waah gir cha waajab chee pu na. Bi nan nyan Gilgal ni, le ki buen Gibea aatiŋ ki bi Benjaminn aapepel ni na. Sɔɔl nan kahn waajab, le ki kan ke bi ye ikui iloob la.

1 Samuel 13:16

Sɔɔl ni ujapɔɔn Jonatann ni baajab nan kuun kal Geba aatiŋ ki bi Benjaminn aapepel na ni; le Filistia aajab mu kuun kal Mikmas ni.

1 Samuel 13:23

Filistia yaab nan nyan bijab bibaa le bi ti kiir baah puur nkpen mu bi ŋijoo aakaasisik ni na chee, Mikmas aatiŋ chee.

1 Samuel 13:5

Filistia yaab nan kuun ke bi ni Israel yaab jan kijaak. Bi nan kpa butɔb aataan aatɔroku mam ŋichur piitaa la, ki kpa bijab bi dik itaan pu na ŋichur ŋiloob, ki kpee bijab bi wiir ke limɔɔgbaln aatambol na. Bi nan buen Mikmas, kitiŋ ki bi Bef Afenn aawipuul wɔb na, le ki ti kuun kal nima,

1 Samuel 14:31

Liyaadaal ngbaan Israel yaab nan nyaŋ Filistia yaab, ki dii bi nyan Mikmas ni, ki ti saa Aijalonn ni. N‑yoonn mue na nkon nan chuu Israel yaab, le biwon yɔl.

1 Samuel 14:5

Litakpal li nan si ŋŋangan wɔb na, nan lik Mikmas wɔb la, le litakpal li mu si ŋŋangii wɔb na, lik Geba wɔb.

1 Samuel 14:52

N‑yoonn mumɔk Sɔɔl nan bi limɔfal ni na, u ni Filistia yaab nan jaa kijapɔɔk la. Kina pu na, u yaa nan ti kan uja u pɔɔ, bee u kaar na kan, see u di udaan kpee waajab pu.

1 Samuel 15:34

Samuel nan buen Rama aatiŋ ni, le ubɔr Sɔɔl mu kun Gibea aatiŋ ni.

1 Samuel 24:3

U nan ti fuu kitakpaluŋ kibaa chee, ki nan bi ipiih aabɔkpenn tibaa chee la, le ki koo ki ponn ni ke u ti sɔnn. Kitakpaluŋ baan ngbaan ponn ni, le David ni waajab mu nan bɔr ponn ponn ni.

1 Samuel 26:2

Libuul ngbaan ni, le Sɔɔl di Israel aajab bi nyi butɔb aabɔr mbamɔm na ŋichur ŋitaa buen Sif aateersakpiin ni, u ti ban David.

1 Samuel 8:11

Samuel nan kpiir tuk bi ke, “Kina le nimi aabɔr ngbaan ga nan li joo nimi: u ga di nijapɔtiib ŋa butɔb aajab; bibaa ga li ye butɔb aataan aatɔroku aatutum, biken mu ga li ye waatɔb aajab bi dik itaan pu na, le biken mu ga loln waataan aatɔroku mam pu nsan ki san.