1 Samuel 13:14 - Uwumbɔr aagbaŋ

¹⁴ Tɔ, n‑yoonn mue na, saanaan aan buen mɔb; ba pu? aa yii Uwumbɔr, le u ga ban uja u u gee na, ki di u ŋa waanib aajojoor.”

1 Samuel 13:14 ပူးပေါင်းရင်းမြစ်များ

2 Samuel 5:2

N‑yoonn mu jer na, hali Sɔɔl aah nan beenin ye timi aabɔr na, sin le nan lolni timi Israel aanib pu nsan butɔb ni, le Uwumbɔr nan puu ke sin le ga loln waanib pu nsan, ki li ye baajojoor.”

2 Samuel 6:21

David nan gar u ke, “M ba bi waa ki pak Uwumbɔr u yii aate ni waadichal, ki lee mi ke m li ye waanib Israel yaab aayidaan na la. Le m ga li moo waa ki pak Uwumbɔr,

2 Bibɔrb 20:5

ke u gir buen Hesekia u ye uma Uwumbɔr aanib aajojoor na chee, ki ti bui u ke, “Min Uwumbɔr u ye aayaaja David Aawumbɔr na ŋun saameel, ki kan saanyunyunn. M ga cha saaween sɔŋ, ki joo cha ni iwiin itaa na aa ga buen Uwumbɔr Aadichal ni.

1 Bibɔrb Aabɔr 10:13

Sɔɔl aah kaa nan dii Uwumbɔr mbamɔm na, le u nan kpo. U nan yii Uwumbɔr aakaal, le ki tee ban bitekpiib chee nsurm,

Ilahn 78:70

U nan lee waatutunn David la. U nan ti nyan ni u kinaakpaamook ni,

Ŋiyataŋak 27:24

ba pu? liwangol aan gaar unibaan chee. Hali ŋitimbol aan ŋmaa li bi ki ti saa n‑yoonn mu kaa kpa ndoon na.

Aisaya 39:5

Le Aisaya bui u ke, “Uwumbɔr Mpɔɔnsakpiindaan bui ke,

Lituln 13:22

Nee aapuwɔb le Uwumbɔr nyan u bi chee, ki di David ŋa baabɔr, ki len ke, ‘David u ye Jese aajapɔɔn na bi maah gee pu na. U ga li ŋani maah gee pu na mɔmɔk.’

Lituln 7:46

Uwumbɔr nan gee Ubɔr David. Le David nan ban ke u maa lidichal tii Uwumbɔr, u nan ye uyaaja Jakob Aawumbɔr na. David mu aa nan maa lidichal tii Uwumbɔr.

Hiibru Yaab 2:10

Uwumbɔr u nan naan tiwan mɔmɔk ki joo ni mɔmɔk na, ni ŋeer u ke u cha Yesu ji falaa, ki li joo ni Uwumbɔr aabim bi wiir na waanaan ni. Uma le gaa bi lii. Waah ji falaa pu na, nima le cha u ye timi aaŋmaŋmardaan bamɔnn.

1 Samuel 15:23

Aa yaa yii waamɔb kan, ni ye titunwanbir ke kisook na la. Kigaak mu bir ke ŋiwaa aadoon na la. Saah yii Uwumbɔr aamɔb pu na, kina le u mu yii si, ke saan ki li ye ubɔr.”

1 Samuel 15:26

Le Samuel bui u ke, “Maan gir dii si buen. Aa yii Uwumbɔr aamɔb, le u mu yii si, ke saan ki li ye Israel yaab aabɔr.”

1 Samuel 15:28

Le Samuel bui u ke, “Uwumbɔr daa gaa Israel aanaan aa chee, ki di tii unii u jer si na.

1 Samuel 16:1

Uwumbɔr nan bui Samuel ke, “Aa ga li wii Sɔɔl pu ni ti yunn kinye? M yii u ke u taa ki li ye Israel yaab aabɔr. Tɔ, ban olif aakpan ki buen Betlehem ni, uja u bi yin u ke Jese na chee; ba pu? m lee ujapɔɔn ubaa ke u li ye ubɔr.”

1 Samuel 16:12

Kina pu le Jese nan tun ke bi yin ni u. U nan ye unachipɔɔn u ŋan ki pɔɔ na, le unimbil wiin chain. Uwumbɔr nan bui Samuel ke, “Uma le na. Kaan u.”

1 Samuel 2:30

Min, Israel yaab Aadindaan Uwumbɔr le nan puu n‑yoonn mu jer na ke saadichal ni saamaal le ga li tun maatuln ke bitotoorb na n‑yoonn mɔmɔk. Le dandana wee m len ke maan ŋa nimi kina. Maah ga ŋa pu na sɔ, m ga nyuŋ binib bi nyuŋni mi na la, le ki lik seen binib bi lik mi fam na.

1 Samuel 24:20

Dandana wee na, m bee ke aa ga ŋa Israel yaab aabɔr, le nnaan ngbaan li bi saajoom ni.

1 Samuel 25:30

Maaninkpel, Uwumbɔr yaa ŋa tiwanyaan nimɔk u puu ke u ŋa tii si, ki ŋa si Israel yaab aabɔr na kan,

1 Samuel 9:16

“Fen kinakokoona, m ga fe tun ni uja ubaa aa chee. U nyan ni Benjaminn aanibol ponn ni la. Toor u ki di u kaan nnaan, u li joo maanib Israel yaab. Le u ga gaa bi Filistia yaab chee lii. M kan maanib ngbaan aafalaa, ki ŋun baah wii pu ki ban nterm na.”