1 Samuel 13:13 - Uwumbɔr aagbaŋ

¹³ Samuel nan gar u ke, “Kijɔrk aatuln le aa tun na. Saa dii nkaal mu Aadindaan Uwumbɔr tii si na. Aa yaa ba dii mu kan, u ba ga cha sin ni aayaabitiib li joo Israel yaab ki ti saa n‑yoonn mu kaa kpa ndoon na.

1 Samuel 13:13 ပူးပေါင်းရင်းမြစ်များ

Mpiin 31:28

Hali, saa cha m moor n‑yaabitiib ni mbisatiib aatakpin ki chɔi bi. Saah ŋa pu na, ni naahn kijɔrk aatuln la.

2 Samuel 24:10

Tɔ, David aah kahn binib ngbaan doo kina na, le usui bii, le u bui Uwumbɔr ke, “M tun titunwanbir ti bir sakpen na. M gaŋ si ke aa di cha pinn mi. M tun kijɔrk aatuln la.”

1 Bibɔrb 18:18

Le Elaija gar u ke, “Maa ye ubɔbann ubaa. Sin ni aate le ye bibɔbam. Aa yii Uwumbɔr aamɔb, le ki dooni liwaal Baal.

1 Bibɔrb 21:20

Ahab aah kan Elaija na, le u baa u ke, “Maadin, aa pii ni mi do oo?” Le Elaija gar u ke, “Een, m pii ni si. Aa di aabaa tii ke aa li tun ni kaa ŋan Uwumbɔr chee na la.

1 Bibɔrb Aabɔr 10:13

Sɔɔl aah kaa nan dii Uwumbɔr mbamɔm na, le u nan kpo. U nan yii Uwumbɔr aakaal, le ki tee ban bitekpiib chee nsurm,

2 Bibɔrb Aabɔr 16:9

Uwumbɔr aanimbil waa dulnyaa wee mɔmɔk, le ki tii binib bi aasui bi u ni na mpɔɔn. Aa tun kijɔrk aatuln la, kina pu na, ki nyan n‑yoonn mue ki joo cha, aa ni butɔb le ga li bi.”

2 Bibɔrb Aabɔr 19:2

Hanani aajapɔɔn Jehu, u nan ye Uwumbɔr aabɔnabr na, nan buen ti tooh u nsan ni, ki baa u nsurm ni ke, “Aa dak ke ni ŋan ke aa ter bibiindam, ki kpee binib bi nan Uwumbɔr na pu uu? Saah tun pu na cha Uwumbɔr aaŋuul fii aa pu.

Job Aagbaŋ 34:18

Bibɔrb ni bijojoob yaa kaa bi tibaa ni, bee bi yaa kpa mbiin kan, Uwumbɔr bii baabɔr.

Ŋiyataŋak 12:8

Aa yaa kpa ichiin kan, aa ga kan kipak; aa yaa ye ulatiir kan, binib ga lik seen si.

Ŋiyataŋak 19:3

Binib bibaa joo baajɔrk aatun le junni baamɔfal, le ki tee galni Uwumbɔr.

Aisaya 39:5

Le Aisaya bui u ke, “Uwumbɔr Mpɔɔnsakpiindaan bui ke,

Jeremia 18:10

aan litimbol ngbaan yaa ki tun titunwanbir kaa kii maamɔb kan, m ga yii, kaan ki ŋa maah bui ke m ga ŋa li tiŋann pu na.

1 Samuel 1:22

N‑yoonn mue na, le Hana aa nan buen. U nan bui uchal ke, “M yaa nan giin ubo libiil n‑yoonn mu na kan, le m ga kpaan di u buen Uwumbɔr Aadichal ponn ni, nin chee u ga ti li bi ki ti saa waakun daal na.”

1 Samuel 13:12

Le m dak ke Filistia yaab ngbaan ga dan nan tak mi Gilgal ni do, buyoonn maa kee toor kitork ki mee Uwumbɔr ke u ter mi na. Le m ŋa nlandak ke ni ŋan m toor kitork.”

1 Samuel 15:11

“Nsui bii, maah ŋa Sɔɔl ubɔr pu na. U fenn upuwɔb tii mi, le ki yii maah tuk u pu na.” Liŋuul nan chuu Samuel, le kinyeek ngbaan ki ti woln u nan bi gaŋni Uwumbɔr.

1 Samuel 15:22

Le Samuel bui u ke, “Uwumbɔr tee gee nilani: aa kii waamɔb, bee aa toor kitork tii u? Ni ŋan ke aa kii waamɔb ki jer ke aa di ipiih i ŋan na toor kitork tii u.

1 Samuel 15:28

Le Samuel bui u ke, “Uwumbɔr daa gaa Israel aanaan aa chee, ki di tii unii u jer si na.

1 Samuel 16:1

Uwumbɔr nan bui Samuel ke, “Aa ga li wii Sɔɔl pu ni ti yunn kinye? M yii u ke u taa ki li ye Israel yaab aabɔr. Tɔ, ban olif aakpan ki buen Betlehem ni, uja u bi yin u ke Jese na chee; ba pu? m lee ujapɔɔn ubaa ke u li ye ubɔr.”

1 Samuel 26:21

Sɔɔl nan kii u ke, “M tun taani. Maabo David, gir ni. Maan ki tun si taani ubaa; ba pu? aa gaa maamɔfal lii kinyeek kee. M ŋa mbaa ujɔr la. M tun titunwanbir sakpen.”