1 Samuel 13:12 - Uwumbɔr aagbaŋ

¹² Le m dak ke Filistia yaab ngbaan ga dan nan tak mi Gilgal ni do, buyoonn maa kee toor kitork ki mee Uwumbɔr ke u ter mi na. Le m ŋa nlandak ke ni ŋan m toor kitork.”

1 Samuel 13:12 ပူးပေါင်းရင်းမြစ်များ

Ilahn 66:3

Bui Uwumbɔr ke, “Saah ŋa tiwan ni na nyaŋ a. Saapɔɔn nyaŋ, le saadim san ijawaan ki gbaani aanimbiin ni.

Amos 8:5

Ni bui nibaa ke, “Taan ŋmaa kiir ke iwinyaan daal ti jer waahr aan ti nin kooh timi aajikaar. Bayoonn aan likpaakool aawiin ga doo, aan ti ki piin ki kooh timi aawan, ki cha ti tii kidaak ki pɔɔ na, ki di tiwaŋaŋkaan ni kaa ye nibamɔnn na di ŋaŋ ki ji biwandaab?

2 Korenti 9:7

Unii mɔmɔk aah di pu ŋa usui ni ke u ga tii ni na, cha u tii kina. U taa tii ni mpombiin, ki taa tii limukl aatiin. Ba pu? Uwumbɔr gee unii u tii ni mpopiin na la.

1 Samuel 13:11

Le Samuel baa u ke, “Aa ŋa ba?” Sɔɔl nan kii u ke, “Binib ngbaan bi san cha mi la, le aa mu aa fuu ni n‑yoonn mu aa bui ke aa ga fuu ni na. Ki ki kpee na, Filistia yaab bi kuuni Mikmas ni la.

1 Samuel 13:13

Samuel nan gar u ke, “Kijɔrk aatuln le aa tun na. Saa dii nkaal mu Aadindaan Uwumbɔr tii si na. Aa yaa ba dii mu kan, u ba ga cha sin ni aayaabitiib li joo Israel yaab ki ti saa n‑yoonn mu kaa kpa ndoon na.

1 Samuel 15:12

Kitaak aah woln na, le u buen u ti ban kan Sɔɔl. U nan ti ŋun ke Sɔɔl buen Kamel aatiŋ ni, nin chee u maa tiwan siin waayimbil pu na, le ki nyan nima buen Gilgal ni.

1 Samuel 15:22

Le Samuel bui u ke, “Uwumbɔr tee gee nilani: aa kii waamɔb, bee aa toor kitork tii u? Ni ŋan ke aa kii waamɔb ki jer ke aa di ipiih i ŋan na toor kitork tii u.

1 Samuel 21:7

Sɔɔl aanaakpaaninkpel, u bi yin u ke Doeg na, aan u nyan Edom aatiŋ ni na, nan bi nima liyaadaal ngbaan; ba pu? u nan bi nima u toor ubaa nsan mu u dii na pu la.