1 Samuel 12:9 - Uwumbɔr aagbaŋ

⁹ Le binib ngbaan suln Bidindaan Uwumbɔr pu, le u mu cha Filistia yaab, ni Moab yaab aabɔr, ni Sisera, u ye Hasor aatiŋ aajab aaninkpel na, ni niyaajatiib jan, le bi nyaŋ niyaajatiib.

1 Samuel 12:9 ပူးပေါင်းရင်းမြစ်များ

Ilahn 106:21

Bi suln Uwumbɔr u nan di waapɔɔn sakpiin tun ŋitun Ijipt aatiŋ ni ki gaa bi lii na aabɔr.

Aisaya 63:10

le bi nan yii u ki nyan upuwɔb, le ni tii Waafuur Nyaan mpombiin. Kina pu le Uwumbɔr kpaln baadin, le ki jan bi kijaak.

Jeremia 2:32

Upiisapɔɔn ga ŋmaa suln waaleenyaan pu uu? Ubɔndinn mu ga ŋmaa suln waakekenyaan pu uu? Le maanib ma aah suln m pu pu na, saan ŋmaa kahn iwiin ngbaan.

Ikaal 32:18

Bi nan suln Uwumbɔr Mpɔɔnsakpiindaan u gaa bi lii ki tii bi limɔfal na bɔr.

Ikaal 32:30

Ba ŋa unibaan nan ŋmaa nyaŋ bi binib lichur, aan binib bilee ŋmaa nyaŋ bi binib ŋichur kipiik? Bidindaan Uwumbɔr le nan yii bi, Baawumbɔr u ye Mpɔɔnsakpiindaan na le nan di bi tii baadim.

Bibɔjirb 10:7

Kina pu na, Uwumbɔr aaŋuul nan fii Israel yaab pu, le u cha Filistia yaab ni Amonn yaab nyaŋ bi.

Bibɔjirb 13:1

Israel yaab nan ki gir tun Uwumbɔr titunwanbir, le u cha Filistia yaab joo bi ki ti saa ŋibin imonko ilee.

Bibɔjirb 2:14

Kina pu le Uwumbɔr aaŋuul nan fii Israel yaab pu sakpen, le u cha bijab gur looni bi ki su baawan. U nan cha bidim bi mɔmɔk mann goln bi ki ti ton na nyaŋ bi, le Israel yaab aa nan ki ŋmaa kiir bibaa.

Bibɔjirb 3:12

Israel aanib nan ki tun Uwumbɔr titunwanbir. Kina pu le Uwumbɔr nan cha Moab aatiŋ aabɔr Eglonn pɔɔk jer Israel aanib.

Bibɔjirb 3:31

Usaloln u nan nab Ehud aatuln pu na le nan ye Anaf aajapɔɔn Samgar. U mu nan gaa Israel yaab lii. U nan di lidabil li aamɔb chɔɔ na, le ki ku Filistia aajab ikui iloob.

Bibɔjirb 4:2

Kina pu le Uwumbɔr nan cha Kanaann Aabɔr Jabinn u nan bi Hasor aatiŋ ni na nyaŋ bi. Waajab aaninkpel le nan ye Sisera u nan koo Harosef Hagoyim aatiŋ ni na.

1 Samuel 12:15

Ni yaa kaa ŋun tii Uwumbɔr, kaa dii waakaal kan, u ga fenn lir nimi ni nimi aabɔr pu la.