1 Samuel 12:3 - Uwumbɔr aagbaŋ

³ Min le na. M yaa ŋa ubaa tibaa kan, galn mi man dandana wee, Uwumbɔr ni waah lee ubɔr u na aanimbiin ni. M gaa ubaa aanaa bee ubaa aabon aa? M jin ubaa pem pem, bee m muk ubaa aa? M gaa ubaa chee igaŋgaŋlik aa? M yaa ŋa nimina ponn ni nibaa kan, m ga pa maah gaa ni na.”

1 Samuel 12:3 ပူးပေါင်းရင်းမြစ်များ

2 Samuel 22:22

M kii Uwumbɔr aakaal; maa fenn mpuwɔb tii Maawumbɔr.

Nehemia 5:11

Bi yaa pinn nimi ŋimombil, bee tijikaar, bee olif aakpan kan, ni di ni mɔmɔk tii bi; ki giin baakpaakon, ni ŋisubil aasar, ni nkpan aasui aasar, ni baadichal dandana wee tii bi.”

Ilahn 15:5

U pinni binib ilik kaa ban ipaar, kaa gaa igaŋgaŋlik ke u mɔnn inyamɔn paan unii u kaa kpa taani ubaa na pu. Unii umɔk ŋani tiwan nee mɔmɔk na kpa ukikiir.

Nnyam 20:17

“Aa taa cha aanimbil li man aaŋeen aatɔ aadichal, bee upuu, bee waanaagbiib, bee waanaa, bee waabon, bee waah kpa tiwan nimɔk na pu.”

Nnyam 23:8

Ni taa li gaal igaŋgaŋlik, ni yaa ŋani binib kina kan, ni ga cha ni taa ki li nyi ibamɔn, ki bii binib bi kaa kpa taani na.

Ŋiyataŋak 15:27

Ukumɔndaan ban tibɔr tii waadichal la, le unii u yii igaŋgaŋlik na kpa limɔfal.

Liifai Yaab 6:4

Unii yaa ti tun titunwanbir kina aaboln kan, waah kaa dii mbamɔn ki kan tiwan ngbaan na, u pa ni pu. Bundaal bi bee ke uma le ŋa kina na, u pa uwandaan waawan mɔmɔk, ki ki pa paan ni pu.

Nkahm 16:15

Moses nan gee liŋuul sakpen, le ki bui Uwumbɔr ke, “Binib bee yaa joo ni baapiin kan, taa gaa i. Maa ŋa bi taani ubaa, ki mu aa gaa baabon ubaa.”

Matiu 22:21

Le bi bui u, “Siisa yaan.” Le u bui bi, “Nima pu na, di ni ye Siisa yaan na, ki di tii u man, ki di ni ye Uwumbɔr yaan na, ki di tii Uwumbɔr.”

Tibɔnyaan ti Luk ŋmee ti na 19:8

Tɔ, Sakeus nan fii sil, ki bui u, “Ndindaan, lik, m ga di maawankpal ligeln tii bigiim la. Maah nan jin binib bi aawan na, m ga giin kina nfum munaa le ki di tii bi.”

Lituln 20:33

Maah nan bi ni chee na, maa nan ban unii ubaa aamombil, kaa ban unii ubaa aawanpeenkaan.

2 Korenti 12:14

Tɔ, dandana wee, m gor ke m dan ni chee taataa. Maan li ban nibaa ni chee. M ban nimi la, naa ye nimi aamombil. Mbim aa kpiini tetiib, tetiib le kpiini mbim. Ni bi ke maabim na la.

Ikaal 16:19

Bi taa di inyamɔn ni imaagann ji tibɔr, ki mu taa li gaal igaŋgaŋlik, ba pu? ŋimombil ga cha binib bi kpa nlan ki bi mbamɔm na jɔb, le kaan ki li nyi ibamɔn.

1 Tesalonika 2:10

Nimi bi gaa Yesu ki kii na, ti ŋa nimi mbamɔm la, ki nan bi chain, kaa nan kpa taani ubaa joo cha ni wɔb. Ni ni Uwumbɔr nyi ke ni ye mbamɔn la.

1 Tesalonika 2:5

Ni nyi ke taa nan gbaa nimi mmɔmɔɔn aabɔr. Uwumbɔr nyi ke taa nan ye inimandam bi ŋmanni, ke binib taa bee ke ti ye na.

1 Piita 5:2

ni li ter Uwumbɔr aanib bi bi nido na, ke upihkpaal aah lik waapiih pu na. Ni taa ter bi limukl aaterm. Ni li ter bi nimi aageehn, Uwumbɔr aah ban pu na. Ni taa ter bi ŋimombil pu, ni li ter bi ni mpopiin.

1 Samuel 10:1

Le Samuel yoor likpasambil ki di mu kpir Sɔɔl aayil pu, ki moor utakpiln, le ki bui u ke, “Uwumbɔr le toor si ke aa li ye Israel aanib aajojoor. Sin le ga li joo waanib ki kii bi, baadim taa pii bi. Nimina le ga li ye seeraa u ga mɔk ke Uwumbɔr lee si ke aa li ye waanib aajojoor na:

1 Samuel 12:4

Binib ngbaan gar u ke, “Aayii, saa jin timi pem pem, kaa muk timi; saa gaa ubaa chee nibaa.”

1 Samuel 12:5

Le Samuel giin kii bi ke, “Uwumbɔr, ni waah lee ubɔr u na le ye seeraadam din wee ke maa kpa taani ubaa.” Le bi kii ke, “Een, Uwumbɔr le ye seeraadaan.”

1 Samuel 2:35

Le m ga lee utotoor u ga dii mi mbamɔm, ki ŋani tiwan nimɔk m ban na. M ga tii u yaabitiib bi ga li tun maatuln, maabɔr u m lee u na chee n‑yoonn mɔmɔk.

1 Samuel 24:11

Lik, nte, lik saabɔkul aageln le m joo na. M ba ga ŋmaa ku si, le m tee gii nimina. Nima le ga ŋmaa mɔk si limɔkl ke maa si aa pu, kaa kpak si, ki mu aa ban m ku si. Aa bi tee mban ki ban mi ke aa ku mi, le maa kpaan ŋa si nibaa.

1 Samuel 24:6

Le u bui waajab ke, “Uwumbɔr taa cha m ŋa maaninkpel, u uma Uwumbɔr lee u ubɔr na taani ubaa. Maan ŋa u nibaa siib kina; ba pu? uma le Uwumbɔr ŋa u ubɔr.”

1 Samuel 24:7

Le David aajab nan ŋun tii u, ke bi taa tak Sɔɔl. Sɔɔl nan fii, le ki nyan, ki ki kal nsan pu.

1 Samuel 26:11

Uwumbɔr aan kii ke m tun unii u uma Uwumbɔr ubaa ŋa u ubɔr na titunwanbir. Cha ti yoor waakpaatuŋ, ni waanyun aatuun, ki li cha.”

1 Samuel 26:9

Le David bui u ke, “Taa ŋa u nibaa. Uwumbɔr ga sil daa unii u ŋa waabɔr u u lee u na taani na aatafal.”