1 Samuel 12:25 - Uwumbɔr aagbaŋ

²⁵ Ni mu yaa tee yii ki beenin tun titunwanbir kan, nimi, ni nimi aabɔr mɔmɔk ga kuln.”

1 Samuel 12:25 ပူးပေါင်းရင်းမြစ်များ

Job Aagbaŋ 36:12

Tɔ, bi yaa yii kan, le bi ga kpo maanyi ni, le ki koo kitekpiitiŋ ni.

Aisaya 1:20

Le ni yaa yii maamɔb kan, ni ga sil kan nkun. Min Uwumbɔr le len kina.”

Aisaya 3:11

Le titunwanbirdam ga kuln; le baah ŋa biken pu na, Uwumbɔr ga di giin ŋa bi.

Hosea 10:3

Binib ngbaan ga piin ki bi len ke, “Taah kaa san Uwumbɔr na le taa kpa ubɔr. Tɔ, ubɔr ba ga ŋmaa ŋa ba tii timi?”

Ikaal 28:36

“Uwumbɔr ga cha bi di nimi, ni nimi aabɔr buen biwɔwɔm aatim ni, nin chee niyaajatiib, ni nimi nibaa aa kee buen na. Nima chee le ni ga ti li dooni idɔ ni ŋitakpal aawaa.

Ikaal 8:19

Ni taa suln Nidindaan Uwumbɔr bɔr aan ki fenn dii ŋiwaa, ki dooni ŋi, ki tun tii ŋi. Mbamɔn le m tuk nimi din wee na, ni yaa ŋa kina kan, u ga kuln nimi.

Josua 23:16

Ni yaa kaa joo nkaal mu Nidindaan Uwumbɔr bui nimi ke ni li joo mu na, ki yaa dooni ŋiwaa kan, waaŋuul ga fii, le u ga daa nitafal, naan yunn le ni mɔmɔk ubaa kina aan ki gur kitinyaan ki u di tii nimi na ponn ni.”

Josua 24:20

le ni yaa yii u, ki ban ni li dooni ŋiwaa kan, u ga daa nitafal. Hali waah nan ŋa tinyoor ŋa ni pu na, ni yaa dii liwaal libaa kan, u ga kuln nimi.”

1 Samuel 13:1

Buyoonn Sɔɔl nan ji nnaan na, u nan ye ŋibin piitaa la, le ki nan joo Israel yaab ki ti saa ŋibin imonko ilee ni ŋilee.