1 Samuel 12:24 - Uwumbɔr aagbaŋ

²⁴ Kii tii Uwumbɔr man, ki di gaakii, ni nisui mɔmɔk tun tii u. Teer man litusakpeln li u tun tii nimi na.

1 Samuel 12:24 ပူးပေါင်းရင်းမြစ်များ

2 Bibɔrb 17:39

Ni kii min Nidindaan Uwumbɔr aamɔb, le m ga gaa nimi, nimi aadim chee lii.”

Job Aagbaŋ 28:28

Uwumbɔr nan bui unibɔn ke, “Aa ga li san Uwumbɔr le ki nin kan nlan. Aa ga fenn aapuwɔb tii titunwanbir le ki bee tiwan aatataa.”

Ilahn 111:10

Aa yaa ban aa li kpa nlan kan, nyuŋ Uwumbɔr; u tii binib bi keei waamɔb na nlan. Ni ŋan ke ti pak u n‑yoonn mɔmɔk.

Ilahn 119:80

Cha m li joo saakaal, saah ban pu na, ki nya nlirm aanimɔɔn ni.

Nnyam 12:13

Nsin mu ni di boon ibisamɔi na le ga li ye limɔkl ke nimi Israel yaab aadichal le na. N‑yoonn mu m kan nsin ngbaan na kan, m ga lakr jer ni pu, kaan kpaan ni ni Ijipt yaab ki daa ni mu aatafal.

Ŋiyataŋak 1:7

Waahr aan aa nin kan nlan na, see aa kpa kipak ni ijawaan ki tii Uwumbɔr. Bijɔrb ma aa ban nlan, ki yii ke baan bae mu.

Ulandaan 12:13

Nimina mɔmɔk aapuwɔb na, tiwan nibaa baanja le gur ti len naabɔr. Li san Uwumbɔr, ki li dii waakaal, ba pu? kina pu le u nan naan unibɔn.

Aisaya 5:12

Nimi aajim ponn ni, ni gbaa tibar ni ichayakrtuun ki pee ŋiwul ki nyu ndaan, le kaa nyi Uwumbɔr aah ŋani pu na.

Jɔnn 1:47

Yesu nan waa Natanael choo u chee, le ki bui ke, “Lik, Israel aabobamɔnn. Nnyamɔn aa bi u ni.”

Rom Yaab 12:1

Nima pu na, nnaabitiib, Uwumbɔr aanimbaasaln pu le m gaŋ nimi, ni di nimi aawon tii Uwumbɔr, ki ŋa kitork ki fu, ki bi chain, ki ga piir usui na. Nimina le ye naah ga li dooni u mbamɔm pu na.

Ikaal 10:21

Ni li pak u. Uma le ye nimi Aawumbɔr, le ninimbil kan waah ŋa lijinjiir aawan nimɔk ki tii nimi na.

Ikaal 29:1

Tipuur timina le Uwumbɔr nan bui Moses ke uma Uwumbɔr puu tii Israel yaab, Moab yaab aatiŋ ni. Tipuur timina le nan ki kpee tipuur ti Uwumbɔr nan puu tii bi Sainai Aajool chee na pu.

Ikaal 29:2

Moses nan kuun Israel aanib ngbaan mɔmɔk le ki bui bi ke, “Nimi nibaa aanimbil nan kan Uwumbɔr aah nan ŋa Ijipt yaab aabɔr, ni waatutum, ni waatiŋ mɔmɔk pu na.

Hiibru Yaab 12:29

Ba pu? timi Aawumbɔr bi ke mmiigaal mu ji tiwan ni kaa ŋan na mɔmɔk na la.

Josua 24:14

Josua nan ki bui bi ke, “Kina pu na, ni li nyuŋni Uwumbɔr, ki gaa u iŋaal ilee, ki li dii u mbamɔm. Ni di ŋiwaa ŋi niyaajatiib nan dooni ŋi Mesopotamia, ni Ijipt aatim ni na lii, aan ki dii Uwumbɔr baanja.