1 Samuel 12:22 - Uwumbɔr aagbaŋ

²² Uwumbɔr puu tipuukpaan, kaan suln ni pu. U puu ke nimi le ga li ye waanib.

1 Samuel 12:22 ပူးပေါင်းရင်းမြစ်များ

1 Bibɔrb 6:13

M ga li bi saah bi maa Lidichal li na ponn ni, ki bi maanib Israel yaab chee. Maan di bi lii daalbaadaal.”

1 Bibɔrb 8:57

Tidindaan Uwumbɔr li bi ti chee, ke waah nan bi tiyaajatiib chee pu na; u taa di timi lii kpala, bee u siir cha timi;

2 Bibɔrb 14:27

Tɔ, naa nan ye Uwumbɔr aalandak ke u kuln Israel aanib kookoo, kina pu le u nan cha Jehoas aajapɔɔn Ubɔr Jeroboam gaa bi lii.

2 Bibɔrb 21:14

M ga siir cha binib bi ŋmar na, le ki ga di bi tii baadim, le bi ga nyaŋ bi ki faar baatiŋ aawan mɔmɔk.

1 Bibɔrb Aabɔr 28:9

Le u bui Solomonn mu ke, “Maabo, aa li nyi aate Aawumbɔr ki li dii u ni aasui mɔmɔk ni lineen. U nyi timi aalandak ni timi aageehn mɔmɔk. Aa yaa di aabaa tii u kan, u ga gaa si; tɔ, aa yaa fenn aapuwɔb tii u kan, u ga siir cha si kookoo la.

2 Bibɔrb Aabɔr 15:2

le u buen ki ti tooh Ubɔr Asa nsan pu. U nan teen ki len ke, “Ubɔr Asa, ni Juda, ni Benjaminn aanib bee mɔmɔk, n‑yoonn mumɔk ni bi Uwumbɔr chee na, u mu bi ni chee. Ni yaa ban u kan, u ga cha ni kan u, le ni yaa fenn nipuwɔb tii u kan, u ga di nimi lii.

Nehemia 9:17

Bi nan yii, kaa kii tii si; bi nan suln saah ŋa tiwan nimɔk na; bi nan suln saah ŋa iwaan aawan nimɔk na. Baanimpoo ni, bi nan nyan uyidaan ubaa ke u di bi giin tinaagbiir ponn ni, Ijipt aatiŋ ni. Le aa ye Uwumbɔr u joo cha pinni titunwanbir na; aa ŋan ti nyaŋ, ki gee binib, le saaŋuul aa fii mala mala. Saanimbaasaln aah nyaŋ sakpen pu na, le saa nan yii bi.

Ilahn 106:8

Tɔ, waah nan puu pu na, u nan gaa bi lii, ke ni mɔk waah kpa mpɔɔn sakpiin mu na.

Ilahn 94:14

Uwumbɔr aan siir cha waanib; waan suln binib bi ye waanib na aabɔr.

Nnyam 32:12

Aa ban ke Ijipt yaab len ke aa nyan ni saanib Ijipt aatiŋ ni, ke aa nan ku bi ŋijoo ŋee ni, ki bii bi kookoo la aa? Cha saaŋuul sɔŋ, ki kpeln saalandak, ki taa bii saanib ngbaan kina.

Aisaya 37:35

M ga kiir kitiŋ kimina, ki biin ki pu, maapak pu, ni maah puu tipuur ti tii maatutunn Ubɔrkpaan David na pu.’”

Aisaya 41:17

Buyoonn bigiim bi kaa kpa nibaa na ban nnyun kaa kan na, aan nnyunyuu joo bi na, le bineen kuur, n‑yoonn ngbaan le min Uwumbɔr ga kii baameel; min, Israel yaab Aawumbɔr, aan san cha bi.

Aisaya 42:16

M ga loln maanib bi jɔb na pu isan i ni baa kee dii i na. M ga cha baabɔmbɔɔn kpaln nwiihn ki cha ŋitingbaln ŋi kaa joon na jɔŋ aan bi dii jer. Maah puu tipuur ti na le bi na, le m ga li joo ti, kaan bii ti.

Aisaya 43:25

Nee aapuwɔb na, min le ye Uwumbɔr u joo cha pinni nimi, nimi aatunwanbir na; le m ŋani nimina maabimbinyaan pu. Maa daa nitafal nimi aatunwanbir pu.

Aisaya 43:7

Bi ye maanib la, le m naan bi ke bi tii mi kipak.”

Aisaya 48:11

Maah ŋani tiwan nimɔk na, m ŋani mbaa pu la. Maa ban ke m bii maayimbil, kaa ban ke ubaa yakr m chee kipak; ki ga li ye min baanja aapak la.”

Aisaya 49:15

Le Uwumbɔr gar ke, “Upii ga ŋmaa suln waabo bɔr, kaan li gee ubo u u ma na aa? Hali upii yaa suln waabo bɔr kan, mma aan suln ni bɔr.

Aisaya 63:8

Uwumbɔr bui ke, “Bi ye maanib la; baan ŋmann mi.”

Jeremia 14:21

Teer saah nan puu pu na ki taa lik seen timi; taa cha inimɔɔn dan Jerusalem pu, nin chee saapak aabɔrjal bi na. Taa bii tipuur ti timi ni sin nan puu tii tɔb na.

Jeremia 14:7

Le maanib wii yin mi ke, ‘Timi aatunwanbir galni timi la, Uwumbɔr, ter timi ke saah nan puu ke aa ga ŋa pu na. N‑yoonn n‑yoonn pam le ti fenn tipuwɔb tii si; ti tun si titunwanbir.

Jeremia 14:9

Ba ŋa aa bi ke uja u tibɔr nan lir u na; ba ŋa aa bi ke uja u kaa ki kpa mpɔɔn ke u ter timi na? Uwumbɔr, ni sil ye mbamɔn ke aa bi ti chee. Ti ye saanib la, taa di timi lii.’”

Inandalahn 5:20

Aa yii timi ni yunn sakpen a. Saan ki teer timi aabɔr la aa?

Esekiel 20:14

Maa nan ŋa kina; ba pu? kina ba ga nan joo ni maayimbibiil, ŋitimbol ŋi kan maah di Israel yaab nyan ni Ijipt aatiŋ ni pu na chee.

Esekiel 20:9

Kina ngbaan aah ba ga nan joo ni maayimbibiil na, maa nan ŋa kina, ba pu? baah nan koo binib bi chee na aanimbil ni le m nan bui Israel yaab ngbaan ke m ga nyan bi Ijipt aatiŋ ni.

Malakai 1:2

Uwumbɔr bui waanib ke, “M gee nimi n‑yoonn mɔmɔk.” Le bi gar u ke, “Kinye aan aa mɔk timi saah gee timi pu na?” Le Uwumbɔr gar bi ke, “Esɔ ni Jakob nan ye naabitiib la, le m nan tee lee Jakob ni uyaabitiib,

Matiu 11:26

Nte, saageehn le na, nima le cha aa ŋa kina.

Jɔnn 15:16

Nimi le aa nyan mi. Min le nyan nimi, ki siin ke ni li ŋani tinyoor ti ga li bi n‑yoonn mu kaa kpa ndoon na, ke ni yaa mee Nte Uwumbɔr tiwan maayimbil pu kan, u ga tii nimi.

Rom Yaab 11:1

Nima pu le m baa ke, “Uwumbɔr yii waanib Israel yaab aa?” Naa bi kina kpala. Min Pɔɔl mbaa ye Israel yaab aanii la. M ye Abraham aayaabil, ki ye Benjaminn aanibol aanii la.

Rom Yaab 11:29

Uwumbɔr yaa lee binib ki ŋa tinyoor ŋa bi pu kan, waan kpeln waalandak.

1 Korenti 4:7

Ŋma ŋa si le aa jer uken? Saah kpa ni na, naa ye Uwumbɔr le tii si ii? Uwumbɔr aah tii si na, ba ŋa aa kpa kipupuk ke uma le aah kaa tii si na?

Efesusi 1:12

U nyan timi bi puen kpa limakl Kristo pu na, ke ti li mɔk binib waah ŋan sakpen pu na, aan bi pak u.

Efesusi 1:6

Waabogeehn pu le u ŋa tinyoor sakpen ŋa ti pu, nima le ti pak u ki nyuŋni u waabulchinn sakpenn pu.

Ikaal 14:2

Nidindaan Uwumbɔr le yeh nimi, uma le nyan nimi binib bimɔk bi dulnyaa wee ponn ni na, ke ni li ye waanib.

Ikaal 31:17

Bi yaa ŋa kina kan, m ga gee liŋuul bi pu, ki yii bi, le ki ga kuln bi. Tibɔbir pam ga dan bi pu, le ni ga cha bi bee ke min Baawumbɔr aa ki bi bi chee.

Ikaal 31:6

Ni nya sil, ki li kpa lipobil. Ni taa san bi ijawaan. Nidindaan Uwumbɔr ubaa ga li bi ni chee. Waan jinn nimi inimɔɔn, ki mu aan di nimi lii.”

Ikaal 31:8

Uwumbɔr ubaa le ga loln aa pu nsan ki li bi aa chee. Waan jinn si inimɔɔn, ki mu aan di si lii aabaa, nima pu na, aa taa cha aataakpab yɔl, ki taa san ijawaan.”

Ikaal 7:6

Naah ye Nidindaan Uwumbɔr aanib pu na, ni ŋa kina. Nimi le u nyan dulnyaa aanib mɔmɔk ni, ke ni li ye uma ubaa aanib.

Ikaal 9:5

Naa ye ke ni ye bininyaam ki ŋani tiwan ni ŋan na nima le cha u ban ni gaa baatiŋ. U ga jenn nyan bi, ba pu? bi ye mbiindam la, le u ki ban u gbiin tipuur ti u nan puu tii niyaajatiib Abraham, ni Aisak, ni Jakob na.

Filipi 1:6

M bee ke Uwumbɔr u nan piin ki bi toor nimi aabimbin na, u ga li beenin ŋani kina ki toor nimi aabimbin ti doo bundaln Yesu Kristo ga gir ni na.

Hiibru Yaab 13:5

Ni taa cha ninimbil li man ŋimombil pu. Cha ninimbil gbiin naah kpa ni na pu. Ba pu? Uwumbɔr ubaa le bui ke waan di cha si. Waan di si lii.

Josua 7:9

Kanaann yaab, ni binib bimɔk bi kitiŋ kee ponn ni na ga ŋun tibɔr ngbaan. Bi ga kpokl ki gob timi ki ku ti mɔmɔk. Aa ga ki ŋa kinye ki cha binib nyuŋ saayimbil?”

1 Piita 2:9

Tɔ, nimi bi gaa Uwumbɔr ki kii na le ye waanileekaam. Ni ye Uwumbɔr u ye Ubɔrkpaan na aatotoorb, ki ye litimbol li bi chain na, ki sil ye Uwumbɔr aanib. U lee nimi ke ni li tuk binib waah ŋan sakpen pu na; ba pu? u nyan nimi mbɔmbɔɔn ni, ki di koon waawiihn mu ŋan sakpen na ni.